Kantas anĝelara ĥor'

Kantas anĝelara ĥor'
"Inter homoj Di-favor'!:
Paco venas al la ter',
Por pekuloj nov-esper'!
Tial ĝoju tut-homaro
Per triumfa laŭd-kantaro,
Sonas la anĝela kri':
"Jen naskiĝis Krist' por vi".
    Kantas anĝelara ĥor':
    Al la nova Reĝo glor'!

Estu do al li ador',
De eterne la Sinjor';
Ĉar la Sankta Virgulin'
En la mondon naskis lin;
Jen por ni homiĝis Dio,
Enkarniĝis la Mesio!
Venis li — Emanuel',
Al la tero el ĉiel'.
    Kantas anĝelara ĥor':
    Al la nova Reĝo glor'!

Jen la Princ' de Paco nun,
De Justeco vera Sun',
Lumon, sanon, portas li
Al homaro tie ĉi;
Li rezignis sian gloron,
Manifestis Di-favoron,
Renaskiĝon donas li,
Por ke ĉiam vivu ni.
    Kantas anĝelara ĥor':
    Al la nova Reĝo glor'!