Ho flamanta Monto!

Monto flamanta!
(kantebla reverko de Albrecht KRONENBERGER)

Ho flamanta Monto, elektita Suno,
Ho perfekta Luno, nesondebla Fonto,
Negrimpebla Alto, infinita Klaro,
           Ho Saĝo sen fino,
           Kompato sen Limo,
Nevenkebla Forto, Krono super Gloro:
Laŭdas vin la plej humila
Ero de l’ kreaĵo Via.

Bazita sur poemo de MEĤTILDO el Magdeburgo, 13^a jc.
Verkita en Esperanto 1999 de Liland Brajant Ros' (= ROS' Haruo)
Surbaze de angla versio en Chalice Hymnal

Mi ŝatas tiun ĉi poemon, kaj mi volus ankaŭ kanti ĝin,
sed mi ne konas taŭgan melodion.
Se vi havas tian, sciigu min!

Kaj krom tio, mi neniam vidis la originalan tekston,
mi eĉ ne scias, ĉu ĝi estis en la (fru)germana
aŭ en latino. Scii tion kaj vidi ĝin interesus min.
Antaŭdankon! - Liland

Rim.: Responde al tiu ĉi peto, en novembro 2004a Albrecht Kronenberger bele reverkis la tekston por kantebligi ĝin laŭ la melodio LOBET DEN HERREN): Monto flamanta!; tamen mi ankoraŭ invitas melodion por mia versio.

---

is affiliated with
Eldonejo Cigneto

Hosted by www.Geocities.ws