BIOGRAFIETOJ KAJ VERK-LISTOJ

James MONTGOMERY

[ ĝEjmz' montgAmri ]

1771 - 1854

Naskite en Skotio (filo de la sola morav-eklezia pastro en tiu lando), Montgomery pasigis la vivon plejparte en norda Anglio, kiel polemikema ĵurnalisto kaj proprietanto de ĵurnalo (Sheffield Register, kiun aĉetinte li rebaptis Sheffield Iris). Li forte aktivis kontraŭ sklaveco, subtenis kongregacian kantadon en anglikanaj preĝejoj, subvenciis misian agadon kaj la tiam novan Britan Biblian Societon ktp. Eldonis plurajn himnarojn, por kiuj li verkis pli ol 400 himnojn.

Verkis (angle) :
• A poor wayfaring man of grief
• Angels from the realms of glory (Anĝelar' el regnoj gloraj)
• For ever with the Lord (Eterne ĉe l' Sinjor')
• God is my strong salvation (Min savas mia Dio)
• Hail to the Lord's anointed

Melodi-nomoj :
• Iris ricevis la nomon "Iris" pro la ĵurnalo de Montgomery, kie unue aperis (1816.12.24) Anĝelar' el regnoj gloraj.
• Nearer Home ricevis sian alternativan nomon "Montgomery" ĉar ĝi celas lian himnon Eterne ĉe l' Sinjor'.
• La melodio Montgomery mem verŝajne ne aludas al li, ĉar ĝi ŝajne jam portis tiun nomon en 1772.

estas filia TTTejo de
Eldonejo Cigneto