|
 |
 |
 |
|
 |
 |
|---|
|
Simula ng ikaw ay biglang umalis, sa aking puso ay may kung anong inis; Ngunit minsan ako ay naghihinagpis, 'pagkat makapiling ka ay aking nais. Ikaw ang nagbigay sa 'kin ng liwanag, mula sanggol ika'y nandiyan magdamag; Hanggang sa lumaki akong isang dilag at may takot sa Panginoong Tanyag. Ang iyong pag-alis siguro'y pagsubok, ngunit minsan ako'y may paghihimutok, at umiiral ang galit na tumitibok, dito sa puso kong nakikipaghamok. Sa katotohana'y gusto kong mamulat, at dalawang mata ay gustong idilat; Ngunit para sa 'kin ay mukhang mabigat, siguro'y tanggapin ka ay 'di pa dapat. Umaasa ako na ika'y bumalik, sa iyong pagdating ako'y nasasabik; Ngunit mukhang merong mabigat na tinik, na siyang dahilan ng aking himagsik. 1 2 3 4 5 6 |
|---|