ghoSpu'poHDaq Hop 'oH poH Suvpu'DI' SuvwI'pu' yoH
may'yotlhDaq.
ghoSpu'poHDaq Hop 'oH poH Suvpu'DI' SuvwI'pu' 'etlh
HoSnuHpu' jebe'.
ghoSpu'poHDaq Hop 'oH poH rIQpu' ghoslu'
may'yotlhDaq.
'ach poHmey'vetlh ghospu'.
taHjaj wo' !
'ach nuq 'oH wo' DaHjaj ?
DIvIqoq rojmabqoq lajqang wo'qoq yInpu'chaj toDmeH .
ghoSpu'jajmeyDaq Heghbejpu' tlhInganpu'
'ach jeghbe'pu' tlhInganpu'.
ghoSpu'jajmey vIqaw.
ghoSpu'jajmeyDaq Suvpu' SuvwI'pu' batlh.
SuvwI' DoS Dun law' Hoch Dun puS 'oH lan Sto'vo'qorDaq
nuqDaq loStaH qeyIleS.
batlh Heghpu'jaj !
'ach nuq 'oH batlh DaHjaj ?
wo' luche' 'urmang magh je.
lo'laHbe'choH batlh.
jajpu'Daq ngo' DuHbe' 'e' wo' magh tlhIngan
'e' ngoq pegh nob wo' jagh DunDaq law'Hoch Dun puS.
jajpu'Daq ngo' DuHbe' 'e' voDleH HoH loD lo'laHbe' batlhbe'qu'.
pImpu' Hoch qeylIS jajpu'Daq.
VoDleH mIgh molor HoH wuqpu'DI' batlh'etlh lo'pu' qeylIS ej Suvpu' batlh.
je loDnI'Daj nepvaD bortaS neHpu'DI' HoH qeylIS may' batlhDaq.
jajpu'vetlhDaq poH Hoch SuvwI' Dun law' Hoch Dun puS ghaH qeylIS.
'ach nuq ghaH qeylIS DaHjaj ?
wo' SeH SuqmeH qeylIS ngeb chenmoHpu' maghwI'pu'.
ghoSbej poH Hurgh wo'Daq.
jajpu' qanDaq tamDI' rampu' 'IwDaj QoylaHpu' SuvwI'
'e' ghagh jach 'Iw ghoSmeH 'ej SuvmeH 'ej SuvnIS SuvwI' tlhIngan.
leSbe'taH SuvwI'. ramDaq leng SuvwI'.
toQ nej wamwI'a'.
DaHjaj qan Hegh tlhInganpu' 'achbe' Hegh may'yotlhDaq.
roj taHbogh SuvwI' tIq pujchoHmoH 'ej HeghchoHmoH.
bIrchoH SuvwI' 'Iw.
Hegh SuvwI'.
'ach tlhIngan Hoch tIqDaq mollu' ghogh tlhab jachbogh,
jachbogh SuvwI' jonlu'bogh tlhabmeH.
tlhIngan, ghoghvam yI'Ij.
bI'Ijbe'chugh ghoSbej jajpu' qan.