TTT-Himnaro Cigneta (al la titolpagxo)

FIDELECO DE DIO

Patro kaj Dio, vi ege fidelas
Ege fidelas Vi!

Originalo : Great is Thy faithfulness
© 1923 Hope Publishing Co.

Ĝi estas favorkoreco de la Eternulo, ke ni ne tute pereis ; ĉar Lia kompatemeco ne finiĝis, sed ĉiumatene ĝi renoviĝas ; granda estas Via fideleco. : Plorkanto 3.22-23

Verkis (angle) : Thomas O. CHISHOLM, 1923
Esperantigis : ROS' Haruo, 1997

Fonto : HK

  1. Patro kaj Dio, vi ege fidelas.
    En vi ne estas dubiga ŝancel'.
    Vi ne ŝanĝiĝas, nek ĉesas kompati:
    Restos eterne ja via fidel'!
         Ege fidelas vi! Ege fidelas vi!
         Ĉiun matenon vi benas min pli!
         Ĉion necesan vi mane provizis.
         Ege fidelas vi, Dio, al mi!

  2. Vintre, somere, printempe, aŭtune--
    Suno kaj luno kaj tuta ĉiel'
    Kununuiĝas por laŭde atesti
    Pri via amo, favoro, fidel'!
         Ege fidelas vi! Ege fidelas vi!
         Ĉiun matenon vi benas min pli!
         Ĉion necesan vi mane provizis.
         Ege fidelas vi, Dio, al mi!

  3. Peklibereco, trankvilo daŭrema,
    Via instiga, enesta influ',
    Forto por nun kaj espero por morgaŭ:
    Jen miaj benoj, kaj dek miloj plu!
         Ege fidelas vi! Ege fidelas vi!
         Ĉiun matenon vi benas min pli!
         Ĉion necesan vi mane provizis.
         Ege fidelas vi, Dio, al mi!

Melodio : FAITHFULNESS
William Marion RUNYAN, 1923
MIDI TCH

TTT-Himnaro Cigneta
estas filia TTTejo de
Eldonejo Cigneto
Hosted by www.Geocities.ws

1