<I Won't Last A Days Without You>第七話
<Hana*Hana花店>
[惠美!你尋晚去左邊呀?搵左你成晚!] Satomi埋怨地說
原來佢諗住尋晚去我屋企過夜點知摸門釘.
[我又去左Aibaちゃん屋企過夜嘛.你又唔打我手提搵我?]
我仲好神氣咁說.
[手提?駁左去留言信箱呀~]Satomi好勞氣地說.
威力足夠令到D客人唔敢入內光顧!
[呀!唔記得左轉番添~下次唔會架啦~~] 我道晒歉地同Satomi說
呢個就係我時常犯的毛病,無記性!
[希望啦!你又去打擾Aiba.都唔知第幾次o羅?尋晚點呀?]
Satomi好奇地問.因為我每逢去Aiba屋企,我o地都會為少少事
情而理論兼吵o架.但係佢話唔多信喎~Aiba表面咁斯文!
[尋晚?無事發生我好早就睡覺了.] Satomi擺出一副唔多相信的樣,無事
發生?簡直係一大奇聞!
其實我都估到佢會有咁反應.尋晚Aiba同我講左好多事情但係偏偏講D我最唔想聽的事.Takki一個我最想忘記過去對佢所付出感情的人…
[ne..你就咁樣放棄呢段感情?一段三年的暗戀,好可惜ja.] Aiba好認真地望住我說
我o地現在好舒適的坐在客廳的梳化上.
個feel好似一對老朋友在傾數心事咁.(笑)
[三年..其實都唔算長時間!要放棄都唔難呀.] 我笑住咁同Aiba說
但係到你真係放棄時..其實好難做到的.要放棄一段長達三年的暗戀…
談何容易!自己所付出的感情同時間己經成為回憶的一部份…可以忘記嗎?
[唔洗係我面前講大話了]
[你根本放棄唔到這段感情何必勉強呢?!] Aiba好大聲地說
咁都比你發覺!我D演技都係唔多掂.(笑)
[我知你好關心我…但係感情係要雙方面的,剩係得我單方面努力…
會好倦好辛苦的!何況我已經將我的心意話左比你聽.
佢唔接受都無辦法!] 我無奈地說
[可能佢都喜歡你呢,不過無講出來.] 其實我一真都覺得Takki係喜歡
惠美的之不過唔知點解佢唔認!(奇怪)
[如果佢喜歡我就會表明一切啦…] 我激動地說
[算啦!唔好講佢了.同你講完舒服晒.] 我伸一伸懶腰
[我都知道你呢D事唔會同人講啦!連你好友Satomi都唔會向佢透露半句.
你咩事都會同佢講唯獨係感情事…(唉~)你唔同我講仲有邊個喎!]
Aiba好神氣地說簡直好似當我無左佢唔得咁!
[wei~唔好咁自滿喎!你年紀細過我的兼你現在都仲未有女朋友的.]
我一拳打落Aiba手臂度(笑)
[好痛呀!兩個都係咁成日打人…]Aiba當時係度自言自語
[做咩呀?又發呆呀!]
[我話我只不過細你兩個月ja~唔係差好遠!]
突然我坐近Aiba身邊好正經同佢講 [如果我喜歡你咪好o羅!]
其實搵Aiba做男朋友都幾好.佢一定會又細心又關心咁對你!
不過可能平時會有D悶,佢都唔識"乙水"女仔又成日發呆喎!
[o下?你唔好喜歡我喎.我唔想有個咁麻煩的女朋友!]Aiba講笑地說
[講笑ja~我都唔想有個成日發呆的男朋友!](笑)
***********
終於可以收鋪啦!我同Satomi分別在收拾東西,但係突然有客人黎度!
[唔好意思!我o地收鋪啦.明天再黎過啦!] Satomi好客氣地說
[我唔係來買花的,我來搵未來小姐的!] 當我一聽到呢把聲就估到又係佢!
[惠美搵你的.] Satomi當時都感到氣氛有D恐佈.
[有咩事搵我呀!工藤~小姐~] 見親佢都實冇好事發生.
[可唔可以單獨傾一傾!] 平時扮可愛的一面已經比原本面貌(陰森恐佈)取代了.簡直患有雙重性格症.
[好呀~!]睇下你今次又講咩!我示意叫Satomi走先,等我收鋪.但係佢用
眼神表示[大丈夫?]見到佢咁擔心我都回敬番好安心的眼神
[絕對無問題~!] 之後就剩得我同工藤在花店中.
[你又想講D咩呀?] 上次已經代Sho同佢講清楚啦,仲死纏難打喎!
穾然[啪]一聲佢一巴打落我的臉頰上.
[你又做咩呀?] 我好大聲同佢說.無端端打人一巴仲好大力添!
[你唔冼再做戲了.你同前輩根本唔係拍緊拖!] 工藤理直氣壯地說
[哈!講極你都唔明白~今次仲作埋D咁無稽的笑話!]
表面上我好鎮定但係心裏不知幾擔心呀~.
[我連續幾日都跟蹤你.呢幾日你都無同前輩見面拍緊拖的情侶唔會係咁]
[跟蹤我?大家近排都忙無見面好平常ja.何況我o地約在對方屋企見面呢你唔知都唔出奇o架!] 見到佢比我激到面紅耳熱咁~簡直大快人心.
[總知我唔相信你o地拍緊拖同埋亦都唔會放棄前輩的.] 之後佢就離開了
唉!真係煩死人.都未見過好似佢咁討厭的人!仲打人一巴添.
嘩~現在摸落塊臉頰度都有D痛.希望明天唔好腫起來啦!
比智也或其他人見到都唔知點解釋好…!另一面因為不放心我的Satomi
已經在外面偷睇到一切了."惠美近排同翔くん發生D咩事呀?遇著個咁
麻煩的人.我諗都要打電話比Aiba問下發生甚麼事"
*********
<未來宅>
鈴~鈴~鈴
[未來公館,搵邊位?]
[惠美.係我呀~Sho.得唔得閒我有事想同你講!]
[…Ok!無問題.] 佢把聲聽落有D唔同,變得好嚴肅好正經.
[我係街口個公園等你.]
弊~塊臉仲未消晒腫.我諗現在都入黑應該唔會發覺到的!
雖然已經踏入五月,但係外面的天氣總有少少令人寒冷的感覺.
仲未到達公園時我已經離遠望到櫻花樹下有個人坐在長凳上了.
黃色的街燈令到冷清的公園添上了溫暖的感覺~
[Sho~搵我甚麼事呀?] 我打完招呼後就坐在Sho旁邊的長凳上
今日佢好似滿懷心事咁~唔係又發生咩大事呀?
大家都默不作聲,我們在這沈靜的氣氛下都各懷心事.不一會
Sho總於開口出聲說話 [點解唔同我講呀?]
[下??]我現在都未諗到Sho講緊甚麼?但係我肯定佢為了這事而生氣.
[如果唔係Aiba話比我聽工藤佢去左你花店找你晦氣打了你一巴,我都唔
知發生咁大件事呀~~] Sho現在正處於怒氣中.
當我從Aiba度知道你發生了事我不知幾緊張,你因為我而受傷的,我覺得好內疚連累埋你.亦怪你點解唔同我講唔通你唔重視我?
[啊~呢件事又唔係大件事…你又咁忙費事加重你負擔啦!]
Aiba又會知道?唔通…一定係上次Satomi睇到跟住去話比佢聽啦.
遲D又要比Aiba說教一番了…>.<
[咩唔大件事~你現在塊臉仲未消腫呀!等我睇清楚D]
Sho行近我眼前將頭伸過來檢查我的傷勢,個距離係連大家的呼吸聲都
聽得好清楚!不過我都唔會尷尬因為大家都咁熟了.
[你唔洗行咁埋呀~盲都睇到啦!我無事的過多幾日就會消腫呢.]
[件事都係因為我而發生的,關心係應該的.下次有咩事一定要通知我呀!
如果唔係就唔睬你o架~]
哈~我就黎比Sho一時認真一時孩子氣的態度殺死啦~
[Aiba知道整件事經過啦?]
[係呀!我將整件事講了比佢聽.不過我叫佢幫我keep secret啦!]
Sho拍一拍我膞頭示意叫我唔需要擔心.
[為表示我的歉意,明天的假期就比晒你話事啦!] Sho笑住對我說
[真的?你唔利用假期休息?]
[唔洗擔心喎!明天你想去邊度玩呀?]
[……遊樂場(好細聲咁說)] 我的舉動已經令到Sho不停地笑了
[嘻…惠美你唔洗講到"遊樂場"咁細聲喎.] Sho仲係度不停地笑.
我一拳打落佢隻手臂度 [你唔好理啦!得唔得先?]
[無問題!平時Aiba梗係好似咁比你打啦…真係慘](笑)
[咁聽日係邊度等呀?]
[我聽日朝早黎接你一齊出門啦!]
[點解要朝早唔下午呀?] 我不解地向佢問道
[…朝早出門可以有多D時間玩](笑)
[嘻…原來Sho都係咁貪玩的] 我用手臂推一推Sho
[唔講啦!好夜了我送你番屋企先]
跟住我同Sho就一邊講笑一邊步行番屋企…
*********
(待續)
對稿員^^:Satomi
================================================================================================