<I Won't Last A Days Without You>第八話
今日真係好開心呀.好耐都無玩得咁盡興了.
我同Sho差不多玩盡遊樂場每一處的地方,就好像小學生般周圍
瘋狂地玩耍.就連其他小朋友見到都為之驚訝!
[好累呀~] 我們不其然一齊說道.現在我們坐在長凳上休息.
[梗係啦!我們一次過玩了咁多機動遊戲,仲有氣力說話已經係奇蹟了.] 其實我已經沒有太多氣力說話了.
頭先我們連續玩了幾樣刺激的機動遊戲.我都懷疑緊我們是否有D過份瘋狂?
嘻嘻~不過玩得好開心.
[跟住我們去邊度玩呀?] Sho興致勃勃地說.
但係我仲未休息完呀~都唔知今日係你陪我定係我陪你~
[唔好再玩D咁刺激的玩意,我受唔住了~]我攤在長凳上可憐地說道
[惠美妳咁快就無氣力玩la~係你提意來遊樂場玩的.]
Sho邊拉我起身邊說道.
[不如去夾公仔同埋坐摩天輪啦!夠晒唔刺激la~]
[好啊~我要去夾龜龜!] 我立刻起身拉著Sho快步地走
[唔洗行咁快呀?成個小朋友咁.都唔明點解妳咁鐘意龜.]
Sho用最溫柔的微笑向著我笑.那一刻我覺得Sho的微笑令
到我有一種好舒服好安心的感覺……
而另一邊的Sho亦開始發覺自己對惠美的改變,
多了一份微妙的感覺…!
*****************
[もしもし~Hana*Hana花店.] Satomi公式化地說道.
[我係Aiba呀.我想搵惠美呀!] 近排成日都搵唔到佢,唯有打電話
去花店啦!我都仲未問佢同Sho件事發展成點~
[Aiba?惠美今日放假喎!] 尋日打電話比佢時,仲好開心地說明天
去狂歡一番喎~問佢去邊度又話係秘密.比佢激死啦!
[放假?咁打擾晒啦.] 頭先打電話比佢屋企無人聽喎.晨早去左邊
度玩呢?通完電話之後,Satomi就繼續工作而Aiba就打電話比
Takki.因為佢知道社長己經向外宣報takki同tusbasa將會
出道,做朋友梗係替佢高興啦!
咇~咇~咇
[喂~takki!恭禧你喎~] Aiba開心地說
[啊~多謝晒!] 因為近排都有好多人打電話道賀.受到咁多人關心道賀,自己梗係開心啦!
[你做緊甚麼呀?] Aiba想約佢出來見面長談
[剛同tusbasa排完舞.現在準備走啦.] 因為出道的原因,所以加緊
排舞同練習唱歌.事務所仲安排自己同tusbasa多上音樂節目吸收經
驗.近排真係忙到飛起,連想諗0野的時間都無.
[不如約埋佢o地去慶祝~] Aiba興奮地說
[都好喎!.我同tusbasa就負責聯絡山下佢o地,你就負責
聯絡嵐佢o地啦!仲有順便打電話比…]
[知道啦~我會打電話叫埋惠美黎啦!]
(Aiba:終於開始清楚知道自己的感覺了嘛^^)
[………一陣係伊藤さん度見啦!]
之後大家就開始忙於打電話了.
****************
傍晚時分,我們帶著疲倦的身軀,離開了遊樂場!
[la~la~la~] 我抱著「龜龜」興奮地哼起歌來.
[成個小朋友的樣子~] 在我旁邊的sho都不其然笑起地說
[甚麼呀~我想要這隻公仔好耐了!]
每次去遊樂場,我都有去夾公仔的,不過次次都失敗~
[今次妳要好好咁答謝我啦!]
[無問題.最多現在請你去伊藤さん食飯o羅!]
突然傳出了一陣嘟嘟聲
[弊~手提無電添.] 我們大聲地說
[算呢!都沒有甚麼人搵我了~] 反而我擔心sho…
[大丈夫?怕唔怕事務所D人搵你呀?]
[唔緊要.今日我休息嘛!] sho笑著地說
[好啦~我們向伊藤さん度進發!]
而另一邊忙於打電話的Aiba
[有無攪錯.惠美同sho的手提打極都唔通o架~]
今日同takki慶祝,點可以沒有惠美的.
為有繼續試啦!死人sho又唔知去o左邊度逛街.
***********
大家正在伊藤さん鋪頭內的VIP房間,開始了慶祝會~
唔係大吃大喝,就在大聲歡呼,忘形地玩樂.
[究境Sho黎唔黎架?等左好耐了~] 松潤抱怨地說
[我都唔知道~就連惠美都搵唔到呀!] Aiba留意到Takki失望的表情.
(Takki:之前諗住惠美會打電話來道賀自己,但過了幾日此終沒有打電話來……
以為今日可以見到面……發覺到原來自己不嬲都係喜歡妳的,
之不過都現在先知道……亦都可以話係到了現在先去承認這感覺!)
突然山下說了一句話 [又會咁橋的~可能Sho同惠美一齊去約會呢~]
大家當場靜了起來~跟住斗真大力地拍落山下的頭
[笨蛋! Sho又點會同惠美約會喎~]
而又咁橋,我們正在佢o地隔離間房開始用晚膳了~
[覺唔覺得隔離班人好噪呀~] Sho投訴地說
[係o羅~陣間臨走去裝下是些甚麼人~]
*****************
臨走的時候,我們真係去裝下隔離間房是些甚麼人~
當我們小心地準備在門隙偷望的時候,剛巧Aiba亦準備開門去洗手間.
o拍一聲~門口打開了,我們三人同時大叫說 [點解你會在這裏的?]
當我們準備解釋的時候,同時在房內的他們亦發現了我們……
[Sho,惠美你們又會在這裏的?Aiba話找不到你們的喎?] 斗真不解地說
在場的每一位都用好疑惑的眼光望住我們~
[你們今日真係去了約會呀?] 山下望著我手中所抱著的「龜龜」說道
我感覺到Takki正用灼熱的目光望著自己,不知為何感到好不自然..
Aiba亦發覺到現場有d尷尬的氣氛,正當大家想解釋的時候~
[係呀!今日我同惠美去了遊樂場約會~咁o岩又在隔離房食完飯!]
Sho亦發覺到剛才Takki望著惠美的不同眼光.頓然感到內心有種好不舒
服的感覺,所以未等待惠美的解釋,就自己說了出來.
[真的嗎?] Aiba當時心諗,點解走多個Sho出來o架~?
[嗯……] 除了這樣的反應,自己都唔知該如何是好了!
[哦~~~] 大家都向我們報以奇怪的目光
Sho望到自己的尷尬表情,所以就將話題轉開了~
[你o地在這裏慶祝甚麼呀?]
[慶祝Takki同Tsubasa將出道o羅~你o地唔係唔知道呀?]
[我梗係知道啦~Takki恭禧晒喎~] Sho行埋Takki身邊說道
[惠美你呢?] 一路沒有出聲的Takki終於開聲了.
(Takki:由剛才惠美踏入內的一剎那開始,自己的目光從未離開過妳身上.
好想聽到妳自己的解釋,奈何Sho好似幫著妳般,向我們解釋了~)
[………] 自己都唔知點樣回答,連Takki要出道這麼重要的事都不知道.
在這時侯,Sho又再一次幫自己解圍了.
[梗係知道啦~我們剛才在食飯時,先講過~] Sho佢仲好關心般輕拍了我的膊頭 ,
可能佢都感覺到自己的不安!
[係嘛~] 正當自己好期待妳的回答時,Sho又再一次幫助妳了.點解呀?
[唔好問咁多了~Sho,惠美一齊坐低慶祝啦!] Aiba亦感受到我們三人的古怪氣氛.
自己真係唔想留低,去面對Takki! 正當我想拒絕的時候……
[唔好阻著佢o地啦~可能佢o地仲有地方去!我們的慶祝會好閒ja~]
Takki晦氣地說.佢o地亦好o華然Takki會講出D咁傷害人的說話.
[我走先啦~] 自己好快地走出房間,慢無目的向前奔跑.
[你仲唔去追~] Aiba向著Takki說道.連Aiba自己今次都唔幫佢了.
正當Takki猶疑是否出去追番惠美的時候,Sho已經一聲不響地跑了出去.
當Takki見到這樣的情景,感覺到惠美已經續漸離自己越來越遠了……
(待續)
================================================================================================