Txingudi Bizirik

Txingudi Bizirik HSS-en (Hiri Hondakin Solidoak) eta zaborren kudeaketa errausketaren bitartez egin ez dadilaren alde dagoen Hiritar Plataforma bat gara, bereziki Txingudiko Mankomunitateak (Hendaia, Hondarribia eta Irungo udalek osatuta) Hondarribiko Zaldunborda baserri zaharraren eremuetan eraiki nahi duen erraustegiaren aurka dagoena.
Gure politika, sindikatu, gizarte edo ideologia alde batera utzita, ez Txingudin ezta beste inon ere erraustegi plantak eraikitzeraen aurka lan egiteko plataforma bat gara.
Txingudi bizirik, bai eraikuntza honen aurka, bai errausketaren aurka lan egin nahi duen edonorentzat IREKIA da.
Txingudi bizirik plataforma ANITZA da bai ideologiko, lurraldeko, lanbideko, auzoko... ikuspuntutik ikusita.
Txingudi bizirik plataforma EZ ALDERDIKARIA da, zeinen helburu nagusia, azaldu dugunez, erraustegi planta honen ezarpena galeraztea da, inolako alderdiri lagundu edo kalte egin gabe, alderdien borroka politikoak alde batera utzita.
Gure lana herritar guztiei INFORMATU eta AZALTZEAN datza, planta horrek eta errausketak ekar ditzakeen ondorio eta kalteen berri izan dezaten.
Guretzako, zergatiak asko dira:
1. Osasun publikorako mehatxua delako.

2. Zabortegien beharra desagerrarazten ez duelako.

3. Murrizte, birziklatze eta berriz erabiltzearen aurka doalako.

4. Dirua erruz xahutzera garamatzalako.

5. Ez delako iraunkorra eta egiazko irtenbideari ateak ixten dizkiolako:
- Produktuak ekoiztean, ontzi kopuruaren murrizketa.
- Hondakinen hautaketa eta bereiztea.
- Berrerabiltze eta balioztatzea.
- Materia organikoaren konpostaketa edo ongarri naturala.
Txingudi biziriketik herritarren PARTEHARTZEA BULTZATU nahi dugu, hau izan dadin erabakitzen duena eta ez politikari talde txiki bat soilik.
Gure lehendabiziko eta garrantzitsuena den helburua errausketa plantaren proiektuaren GELDITZEA da. Txingudiko eskualdeko herritarrek erabiki behar dute zein den zaborrak kudeatzeko erarik egokiena, amaiturik dagoen proiektu baten presioa jasan behar gabe.
Une hauetan hiru batzordetan elkartzen gara: batzorde ekonomikoa (dirua behar da beti), batzorde tekniko-juridikoa (zientzia, zuzenbidea, unibertsitatea, medikuntza... munduko jendea behar dugu) eta antolakuntza eta hedapen batzordea (gure lan nagusia errausketaren ondorio kaltegarriak jakin araztea da, hitzaldiak emanez, buzoiratuz, etabar)
Gurekin elkarlanean aritu nahiez gero ongi etorria izango zara. Horretarako gurekin harremanetan jar zaitezke gure posta elektronikoa erabiliz, edo asteazkenero zazpi eta erdietan Landetxa-Bentas auzokide elkartera hurbilduz, non lan batzordetan edo asanbladan elkartzen gara, egunaren edo beharren arabera.
Oraingoz, eta lanean daramagun denbora gutxian mozio bat aurkeztu dugu Irungo Udalaren osoko bilkura batean eta prentsaurreko batean aurkezpen publikoa egin dugu. Hau hasiera besterik ez da eta zure parte-hartzea espero dugu.