Historia:

UNHA ILUSIÓN, UN SENTIMENTO

Talleres Villade F.S. nace alá polo mes de Novembro do ano 2001 cando un grupo de amigos deciden xuntarse e fundar un club de fútbol sala para participar por primeira vez na Liga de Fútbol Sala Concello de Outes.

A labor de fundar un club resultaba bastante difícil  pero gracias a implicación de tódolos membros do equipo e, sen lugar a dubidas, ó gran  esforzo e apoio mostrado dende o comezo pola empresa Talleres Villade, dándonos non solo o seu apoio económico senón tamén o seu apoio dende a grada, resultaron determinantes a hora de seguir adiante co noso proxecto.

Deportivamente Villade botaba a andar o 17 de Novembro do ano 2001 e facía o seu debut en primeira división no pavillón municipal da Serra de Outes. O primeiro gol da historia do noso equipo sería marcado - como non podía ser doutra forma - por un traballador e xogador de Villade,  Jano, quen tirándose o chan, no que posteriormente se convertería no seu estilo de xogo, remataba un balón que case tódolos xogadores daban por perdido pero que el consigue aloxar no fondo das mallas da portería rival.  Villade remataría perdendo ese encontro pero pouco importaba xa, ese día quedará gravado na retina de todos coma o nacemento dunha ilusión.

Nesa primeira tempada a Villade facíaselle eterno conseguir unha victoria pero o día menos pensado, ante o rival menos esperado, diante de Pub Acrópolis realizaba un partido impecable e tendo que esperar co tempo cumprido a que o capitán – adestrador de Acropólis, Ventura, fallara un dobre penalti chegaba a tan ansiada primeira victoria. Foi tal a algarabía e a festa que se mostraba no vestiario que unanimemente todo o cadro de xogadores decidiu prolongar a festa e desprazarse o restaurante A Barcala para que María nos fixera un churrasquiño e un mapa de onde se soia poñer tráfico a facer o control de alcoholemia xa que outra vez unanimemente todo o cadro de xogadores decidira prolongar un pouco mais a festa nos pubs de Santa Comba. Foi nun deses pubs de Santa Comba onde o apoderado de Villade pagou unas copas cun billete de 20 € e amablemente o camareiro nos deu a volta dun billete de 50 €. Con eses cartos extra que tiñamos cando viñamos de volta para a casa decidimos pararlle a Salvador no lugar da Pereira pero esa xa e outra historia.

Terminaba deportivamente esa primeira tempada para Villade finalizando entre os últimos postos da clasificación, pero conseguindo algunha que outra victoria mais e facendo tamén a súa correspondente festa en A Barcala e en Santa Comba.

Comezaba a segunda tempada Villade somerxido no inferno da segunda división debido o aumento dos equipos inscritos na liga que motivou a facer dúas categorías. Foi nesta categoría onde o xogo do equipo empezaba a despuntar e onde novamente Jano sería outra vez o autor do primeiro gol de Villade en Segunda división. Chegado o último partido da primeira volta da liga, onde os dous primeiros equipos ascendían automaticamente a primeira división, Villade necesitaba unha victoria para ascender novamente a categoría de ouro do fútbol sala pero nun fatídico partido Villade empataba a catro goles tendo así que pospoñer o ascenso. Aínda co mal sabor e o golpe anímico de non conseguir o ascenso Villade iniciaba a segunda volta da liga en segunda pero aquela derrota na loita polo ascenso pasou factura tanto anímica como deportivamente e impide que o final do torneo o equipo volvese a loitar polo ascenso a máxima categoría.

As cousas pintaban mellor para o equipo na terceira tempada, a fichaxe do Juancho, procedente do equipo campión de liga o ano anterior, dáballe a Villade un poderío físico e unha seguridade en defensa nunca vistas antes dentro do mundo do fútbol sala. A súa velocidade e o seu corpo de gladiador encaixaban a perfección co dos demais membros do cadro, producíndose así unha rápida adaptación o equipo o que supuxo que se dominase a táboa durante gran parte do campionato. O final uns pequenos despistes motivaron que se tivese que xogar a promoción de ascenso, pero Villade xa con moita mais experiencia nese tipo de partidos, consigue dunha vez por todas o merecido ascenso a primeira división. Non fai falta especificar que para celebrar o tan ansiado ascenso se fixo a súa correspondente cea e saída os pubs de Santa Comba.

Comeza Villade a tempada 2004-2005 instalado na máxima categoría do fútbol sala, pelexando cos mellores equipos da redonda e co obxectivo claro de evitalo descenso outra vez o inferno da segunda división, con este motivo o corpo técnico toma a decisión de fichar a Deivid un xogador de ataque para tratar de mellorar o xogo ofensivo e aproveitar os ocos das defensas rivais cun xogador habilidoso e o Pana un depredador en defensa que o final non puido despuntar por culpa das continuas lesión que sufriu o longo de toda a competición. Foi novamente unha tempada con mais derrotas que victorias pero a descalificación dalgún equipo e as victorias conseguidas nos enfrontamentos cos rivais directos aseguranrolle o disputar unha das prazas de promoción contra Bar Fraos. Foi unha eliminatoria dramática, o primeiro encontro foi igualadísimo como así o reflectiu o marcador final cun catro a catro que deixaba a eliminatoria aberta de cara o segundo partido. Nese segundo partido Villade impuxo a súa maior calidade e a súa experiencia en situacións similares e impúxose catro a un a Bar Fraos mantendo finalmente a categoría.

Chegamos así a tempada actual, 2005-2006, na que Villade ten outra vez coma obxectivo seguir mantendo a categoría e sen descartar logros maiores. Para tal situación novamente o corpo técnico decide aproveitar a ficha deixada polo Pana para fichar o defensa mais contundente do Barbanza, o Quiroja, un home forxado en mil batallas e polo que a maioría dos clubs suspiraban. Chegamos de momento a unha pausa na historia de Villade pero como reza o titulo deste documento esta é a historia dunha ilusión dun sentimento.

CONTINUARÁ ...