(Weynee sawirka)

                                                                 Bismillaahi Eebbow
                                                                 Boqoroow Raxmaanow
                                                                 Baaxadlow Raxiimow
                                                                 wixii aan bandhigayaba
                                                                 adaan kugu billaaba
                                                                 kugu beloxijaabaa.

                                                                Maxamed Axmed Cali.

                                                                      "Cali Goox"

                                              ---------------------------------------------------------------------------------------------------------

                                                            Taariikh nololeedkii Abwaanka.
                                                            Maxamed Axmed Cali
                                                                     "Cali Goox"

                       Wuxuu ku dhashay magaalada Ceergaabo ee gabolka Sanaag sannadku
                        markuu uu ahaa 1973dii. intii u dhexaysey, 1978-1986, wuxuu ku 
                        qaatay dugsiga  hoose-dhexe isguulka "Lafoole" ee ku yaal isla magaalada 
                        Ceergaabo, ka bacdi wuxuu u wareegey dugsiga sare 1986-1989, dugsiga 
                        sare  ee magaalada Ceergaabo ayuu ku qaatay ilaa fasalka
                        saddexaad  ee  dusiga sare, ka bacdina 1990kii ayuu sannad dgsiyeedkiisii u 
                        dambeeyey  ku dhamaystiray Magaalada Badhan  ee gobolka Sanaag. 1992-1994. 

                        Abwaanku wuxuu ka shaqaynayey magaalada Dahraan ee wadanka Saudi Arabia,
                        1994-1995, wuxuu ku sugnaa wadanka isutagga Imaaraadka Carabta, magaalada 
                        Abu-Dubey.

                        1996, ayuu soo galay wadanka Finland, 1997-1999, wuxuu baranaayey saxaafada 
                         sidoo kalena wuxuu kaga shaqaynayey  Radio Robin Hood, oo ku yaal magaalada 
                         Turku ee wadanka Finland, wiiggiiba labo mar oo midkiiba yahay soddon 
                         daqiiqadood   ayuu halkaa ka sii deyn jirey barnaamij Af soomaali ah, waqtigan 
                         xaaddirka ah  wuxuu degan yahay magaalada Tampere ee wadanka Finland 
                         uu ka  shaqeeyo.
 

                        Waa Abwaan wax ku alifa qayb kasta oo ay maansooyinka Soomaaliyeed ka mid ah, 
                         sidoo kale wuxuu wax ka alifey kow iyo labaatanka shibanne ee af soomaaligu ka 
                         kooban yahay iyo shaqaladooda. wuxuu noqday  Abwaankii  u horeeyey Soomaaliya 
                         oo wax ku alifa xarafka "KH", mucjiso ayay noqotay maadaamay xarafkaas kelmedo 
                         faro ku tiris ahi kaga jiraan Af Soomaaliga, xitaa waxa la waayey kelmed keliya oo 
                         xarafkaas ah oo Af Soomaali ah.

                         Sidoo kale waa qoraa ku xeel dheer farshaxanka qorida buuggaagta, waxaadna 
                         halakan ka heli doontaan xayaysiiska  buuggaag oo uu qoray, laakiinse aan weli la 
                         daabicin, oo sida ugu dhaqsaha badan u soo bixi doona, mid waa
                        Qaamuus Af-Soomaali ah. (Soomaali - Soomaali) midna waa sheeko Jacayl ah 
                         uu yiri waa dhacdo dhab ah oo  Soomaaliya ka soo billaabmaysa  sifaynaysana 
                         mashaakilaadkii iyo mucjisooyinkii ugu waaweynaa ee ka dhacay waddankeenna, 
                         qurbahanna ku soo afjarmaysa.

                         Sidoo kale wuxuu qoray riwaayad cajiib ah oo uu yiri waxaa la yiraahdaa "Makorto" 
                         wuxu yiri, waa qof gugii oo keliya ka  koraya laakiiinse aan maskaxda ka korayn. 
                         riwaayaddaasoo murti xoog badan huwan, qurbahana baallaha kula
                         kala  baxaysa  oo Soomaalida ku sugan mid mid u qaabilaysa, riwaayaddaas oo 
                         saadaallinaysa sida ay soomaalidu noqon  doonaan labaatan sanno ka dib, haddii 
                         ay  qurbaha sii jooggaan. wuxuu kaloo soo wadaa buug ah maahmaahyada
                         Soomaaliyeed oo uu ka soo xulay inta qiimaha leh iyo weliba fasiraaddoodii.

                         Sidoo kale waa Weriye (Joournalist) oo uu muddo baranayey. waxaanna 
                         filayaa  inaad  badankiin wada dhegaysateen  Cajalladdii  xiisaha badnayd ee uu ka 
                         sameeyey qisadii Cilmi Ismaaciil Liibaan "Cilmi Boodhari" oo uu in muddo ah
                         baadhayey qisadaas xaqiiqdeedii. waxaana ku dhan dhamaan gabayadiisii oo dhan iyo 
                         sidii ay qisadu ku billaabantay iyo sidii ay  ku  dhamaatay oo aan waxba laga beddelin.

                         Sidoo kale wuxuu daraasad "research" ku sameeyaa taariikhda, dhaqanka, Af 
                         Soomaaliga iyo Murtida Soomaalida. wuxuu isugu jiraa qaybo badan waxaanna 
                         filayaa inaad u hambalyayn doontaan markaad akhrisataan murtidiisa macaanka badan.
 

--------------------------------------------------------------------------------------------------------

                                                          MAHAD CELIN.

Waxaa mahad iga mutaystay inaan u celiyo Saaxiibkay Eng. Maxamed-asad  Cismaan Nuux, oo xilweyn iska saaray dhismaha gurigan murtidu hadhsanayso, isagoo waqtigiisii qaalliga ahaa u huray siduu  bulshadda Soomaaliyeed uga haqabtiri lahaa Murtidoodda madhaxa u ah, iyo akhriska qoraalladooda wax ku oolka ah. isaga ayaa idin soo gaadhsiiyey meel walba oo aad adduunka ka joogtaan dhammaanteenba mar labaad aynu wadaniraahno mahadsanid  Asad.

                                      Waxaa kale oo mahad iga muddan Saaxiibkay 
                                      Maxammed Cali Xasan "Aalto" oo qoray
                                       Buuggii Maansooyinkayga ee la magacbaxay 
                                      "DAMAL" isagoo haddanna ku hawlan 
                                       daabacaddii labaad ee buugga.
 

                                    
                                                        Back-to-Home