呢張係箱根o既地圖，如果想放大d請按幅圖啦！
箱根係一個好靚o既地方，有個神社啦，有幾個鳥居啦，有個湖啦，有個見到富士山o既山啦仲有溫泉浸添（可惜浸唔到），搭咁耐車去都抵啦！一路搭火車，一路見到路邊ｄ櫻花開喎，好靚呀........
呢張係箱根o既地圖，如果想放大d請按幅圖啦！
我地買左小田急o既pass，包你搭車入箱根啦、弔車啦、巴士啦、登山纜車啦、觀光船啦咁。都係啦，張車飛收左lu，但係好彩都仲有個套紀念下！！
呢艘咁fancy o既船就係我地遊「籚之湖」o既時候搭架喇，我地想睇風景就梗係上甲板啦，但係真係凍到九彩，好彩前面有對唔怕凍o既情侶幫我地擋風o者，愛情o既力量真係偉大呀！o係張相o既右下角有個橙色o既物體，佢就係鳥居喇，好鮮艷，o係箱根裏面有好幾個架。
呢張係就係我最成功o既電車寫真喇，當時我地本來想浸溫泉o既，但係去到o既時候就收左工喇。所以大家想浸溫泉的話要早d，大約晚上六點前啦！呢架車會帶我地返車站再搭車返新宿o既，幾舊架喇，我記得我地上山o個陣o係裏面食方塊酥.....hehe....個月台後面係一間細d
o既神社黎架，不過無乜野睇.....