JR線係好有名o既鐵路，個鐵路網仲恐怖過營團，所以都係唔scan俾大家睇lu，如果有興趣想睇下的話我可以借條手巾仔俾你睇下。有一晚我地爭d上唔到尾車返屋企呀！不過上到都唔係咁好受，我地迫到爆肺咁添，皇上仲迫到雙腳離地添。上面o個兩架我地就無錢搭喇，不過山手線呀去迪士尼呀我地都有搭ＪＲ架。好失望呀，影唔到山手線！
嘩，load到無命，呢張係我地玩山手線o個日買o既pass，下面右手邊o個d數字係我地o既日期，即係3月29號啦！下面左邊黑白格仔o既路線就係山手線喇！好開心囉，去左上野恩賜公園，真係一個恩賜！
搭車就梗係要買飛架啦，呢張相好似係去完迪士尼買飛走o個陣影o既，個樣有少少殘添，因為頭先睇巡遊o個勁凍，又肚餓，無乜energy，不過o個晚o係迪士尼見到好靚女o既Ｈatori
san呀！
講真，JR o既紀念品真係無乜，事關次次都係趕頭趕命咁搭，又影唔到山手線喎，好遺憾！呢張係一本叫人買聰明咭o既小冊子封面，講呢隻企鵝仔買左呢張咭之後好方便，唔駛排隊買飛，好得意架！
呢張圖片係我近來download o既，都係企鵝仔，好得意！
終於都俾我搵到JR東日本個網站喇，見到咁多o既列車o既寫真實在好高興，可惜唔識日文啦，好多時都係估估下…
download左秋田新幹線o既E3系圖片落黎。講開呢架車其實我都叫做同佢有緣架，事關我o係《電車go！2》裏面都駕駛過，仲爆左呢關添（需知要爆呢隻game
d關都唔係容易）。而o係咁多新幹線之中我都覺得佢係最靚o既，因為舊式o個d子彈火車個樣有少少老土，但係太新o個d個樣唔夠靚仔，個車頭好似個鏟咁，而E3系就唔老土得黎又靚仔喇。張相影得架車好型，令我諗起架車o係雪地之中開住水撥行走o既時候o既姿態，同埋以高速衝入隧道等等，好型，有得坐就好喇，俾我入埋個駕駛室參觀就開心死！
先排屋企人去左日本旅行，我叫左佢地幫我影ｄ火車o既相。雖然返到黎見唔到火車，不過有幅都幾靚o既交滙處相（其實一直都好想親身影呢d相），隱約見到係「JR北海道」o既，咁梗係唔好o徙左佢啦，同大家一齊分享下﹕
23-8-03
update
第二次遊東京，影左少少關於JR o既相，咁當然啦，坐o係架旅遊車度，又點影到d心水靚相呢，所以呢幾張都係影下d站名呀，經過o既路軌呀咁，當做對JR o既一次紀錄啦﹕
