PARROĊĊA SAN ĠORĠ MARTRI - QORMI

ISQFIJIET MALTIN

MINN ĠORĠ BORG

Lista ta' Isqfijiet Maltin skond is-sena li twieldu u mhux skond is-sena li ġew nominati. Ħafna min dan it-tfittix sar mis-sit tal-Isqfijiet 'Catholic Hierarchy':

Emm.za Fabrizio Sciberras Testaferrata †

KARDINAL

Ser nibdew niddiskutu fuq l-uniku Kardinal imwieled Malta, Fabrizio Sciberras Testaferrata li twieled fl-1 ta’ April 1757 ġewwa l-Belt Valletta u ġie mgħammed jumejn wara. Dwaru Dr. Joe F. Grima kien tagħna xi tagħrif fil-ħarġa tal-Bejnietna għadd 74 tal-1996. Insibu stampat ukoll ktieb dwar il-biografija u kif ukoll ieħor fuq l-arblu tar-razza ta’ dan il-Kardinal, miktub min Robert Farrugia Randon.
Sciberras Testaferata irċieva l- insignias clerical character fit-12 ta’ Settembru, 1768. Fil-1770 laħaq kanonku kuġitur ta’ Għar-Barca. Kien Gvernatur u delegat appostoliku ġewwa Narni, Città di Castello, Fano, Tolentino and Macerata. Ha l-edukazzjoni tiegħu fil-Collegio Clementino, Ruma (1771); La Sapienza University, Ruma (ha dottorat fil- utroque iure, fis-26 ta’ November, 1785). Irċieva l- Crucem Aureaum Devotionis mill-Gran Mastru tal-Ordni f’Malta fit- 12 ta’ Diċembru, 1786.
Qaddes fil-1802 u fl-istess sena nhar l-20 ta’ Settembru, 1802, ġie appuntat Arċisqof Titulari ta’ Berito u rcieva l-Ordinazzjoni Episkopali u l-pussess fil-21 ta’ Dicembru, ta’ l-istess sena ġewwa Ruma mill-Kardinal l-Emm.za Giuseppe Maria Doria Panpilj (1751-1816). Ġie appuntat Nunzju ta’ l-Isvizzera fl-20 ta’ Settembru, 1803 u segretarju għal Kongressjoni tal-Isqfijiet u Regulari fil-1815.
Nominat Kardinal u baqa’ reservat in pectore fil-konċestorju ta’ nhar it-8 ta’ Marzu, 1816 mill-Papa Piju VII (1800-1823) fl-eta ta’ 59 sena. Dan kien l-10 konċestorju w kienu laħqu 31 Kardinal. Fost dawn il-Kardinali kienu laħqu żewġ Papiet kif ser naqraw aktar il-quddiem. Ismu ġie ippublikat fil-konċestorju tas-6 ta’ April, 1818 u rċieva l-kappell l-aħmar taħt it-titlu dioċesan ta’ Santa Pudenziana nhar it-22 ta’ Mejju tal-istess sena. Ġie trasferit għad-dioċesi ta’ Senigallia fejn baqa hemm sa mewtu.
L-Emm.za l-Kardinal Sciberras kellu sehem fi tlett konklavi (jiġifieri elezzjonijiet sa biex jeleġu Papa) li fl-ewwel zewġ konklavi lahqu Papiet mill-istess konċestorju tiegħu (jiġifieri laħqu Kardinali miegħu). Dan ifisser li f’dawn it-tlett konklavi l-Kardinal Sciberras seta ġie elett Papa.
1. Fl-ewwel konklavi li ha sehem kienu saru mit-2 sa 28 ta’ Settembru 1823 (kwazi xahar) fejn kienu ivvutaw 49 min 53 Kardinal u kien ġie mag]\ul l-Emm.za Annibale della Grengo li ħa l-isem ta’ Ljun XII, Papa (1823 sa 1829);
2. Fit-tieni darba li ħa sehem ġo konklavi, kien sitt snin wara, u kienu saru bejn 24 ta’ Frar sa 31 ta’ Marzu, 1829 (ħames gimgħat) fejn kienu ivvutaw 50 min 58 Kardinal u kien ġie magħżul l-Emm.za Francesco Saverio Castiglioni li ħa l-isem ta’ Piju VIII, Papa (1829 sa 1830);
3. Fit-tielet u l-aħħar konklavi li kellu sehem, f’inqas min sentejn wara, bejn 14 ta’ Dicembru, 1830 sa 2 ta’ Frar, 1831 (xahar u nofs) fejn kienu ivvutaw 45 min 54 Kardinal u kien ġie magħżul l-Emm.za Mauro Alberto Cappellaci, O.S.B. Cam, ħa l-isem ta’ Gregorju XVI, Papa (1831 sa 1846).

Il-Kardinal Fabrizio Sceberras Testaferrata miet fit-3 ta’ Awissu, 1843 fl-eta ta’ 86 sena. Tpoġġa għal qima u wara l-funzjoni funebri ġie midfun fil-Katidral ta’ Senigallia.

ISQOF Mons. Francesco Saverio Caruana †

Ġie appuntat Isqof ta' Malta fil-25 ta' Frar 1831 bit-titlu ta' Arcisqof ta' Rhodes. Irċieva l-Ordinazzjoni Episkopali fil-15 ta' Mejju 1831 u ħa l-pusses ta' Isqof ta' Malta l-ghada.

 

ARĊISQOF Mons. Publio Maria dei Conti Sant †

Ġie appuntat Arċisqof ta' Malta fil-25 ta' Frar 1847. Tista tgħid li min dan l-appuntament id-dioċesi ta' Malta għaddiet f'Isqfijiet Maltin. Dam f'din il-kariga sakemm ħalla din id-dinja fl 1857.

 

 

ISQOF Mons. Michael Franciscus Buttigieg †

Twieled fit-3 ta' Novembru 1793 ġewwa il-Qala, Għawdex u qaddes fil-21 ta' Dicembru 1816 fl-eta ta' 23 sena. Ġie appuntat Isqof Awżiljarju ta' Malta fis-16 ta' Marzu 1863 fl-eta ta' 69 sena bit-titlu tas-Sedja Titulari ta' Lita. Fi 3 ta' Mejju ta' l-istess sena ħa l-pussess ta' Isqof Awżiljarju ta' Malta. Sena wara, fit-22 ta' Settembru 1864 kien appuntat Isqof ta' Għawdex filwaqt li fi 23 ta' Ottubru 1864 ħa l-pussess bħala Isqof ta' Għawdex fl-eta ta' 70 sena. Ħalla din id-dinja fit-12 ta' Lulju 1866 fl-eta' ta' 73 sena wara li kien ilu kwazi 50 sena saċerdot u l-fuq min tliet snin Isqof.

ISQOF Mons. Carmelo Scicluna †

Twieled fl-1800 ġewwa Ħal Qormi u qaddes fl- 1824 fl-eta ta' 24 sena. Wara l-istudji meħtiega sar eżaminatur, kif ukoll imħallef tal-kawżi ekkleżjastiċi. Ħie appuntat u ha l-pusses ta' Isqof ta' Malta fil-15 ta' Marzu 1875 fl-eta ta' 75 sena mill-Beatu Papa Piju IX. Dam f'din il-kariga sakemm ħalla din id-dinja fit-12 ta' Lulju 1888 fl-eta' ta' 88 sena wara li kien ilu 64 sena saċerdot u 13-il sena Isqof.

ISQOF Mons. Gaetano Pace Forno OSA †

Twieled fil-5 ta' Ġunju 1809 ġewwa r-Rabat, Għawdex u daħal mal-patrijiet Agostinjani fil-20 ta' Lulju 1824 fl-eta ta' 15 il-sena. Kompla l-istudji tiegħu ġewwa Ferma, l-Italja fejn spiċċa l-istudji teoloġiċi. Ġie ordnat qassis ġewwa Napli nhar it-22 ta' Settembru 1832. Fil-25 ta' Settembru 1857 ġie appuntat Isqof Awżiljarju ta' Malta. Ha l-Ordinazzjoni Episkopali ġewwa Ruma nhar l-4 ta' Ottubru ta' l-istess sena. Wara r-riżenja tal-Isqof Mons. Publius Maria dei Conti Sant ħa l-pusses bħala Isqof ta' Malta fit-3 ta' Diċembru 1857 fl-eta ta' 48 sena. Dam f'din il-kariga sakemm ħalla din id-dinja fl-1874.

ISQOF Mons. Antonius Grech-Delicata-Testaferrata †

Twieled fil-21 ta' Frar 1823 ġewwa il-Belt Valletta u qaddes fid-19 ta' Ottubru 1845 fl-eta ta' 22 sena u nofs. Ġie ordnat Isqof tas-Sedja Titulari ta' Calydonia fil-14 ta' Lulju 1867 fl-eta ta' 44 sena. Fl-24 ta' Settembru 1868 kien appuntat Isqof ta' Għawdex filwaqt li fl-24 ta' Jannar 1869 ha l-pussess bħala Isqof ta' Għawdex fl-eta ta' kważi 46 sena. Ħalla din id-dinja f'eta żgħira fil-31 ta' Diċembru 1876 fl-eta ta' 53 sena wara li kien ilu aktar minn 31 sena saċerdot u disa' snin u nofs Isqof.

ISQOF Mons. Salvatore Gaffiero †

Twieled fid-8 ta' Marzu 1828 ġewwa l-Isla. Fit-28 ta' Novembru 1898, ġie appuntat Isqof Awżiljarju ta' Malta bit-Titlu ta' Isqof Titulari ta' Selymbria fl-eta ta' 70 sena.

ARĊISQOF Mons. Petrus Pace †

Twieled fid-9 ta' April 1831 gewwa ir-Rabat u qaddes fis-17 ta' Dicembru 1853 fl-eta ta' 22 sena u nofs. Ġie appuntat Isqof ta' Għawdex fis-17 ta' Marzu 1877 fl-eta ta' 45 sena. Fit-8 ta' April ta' l-istess sena kien ordnat Isqof ta' Għawdex, filwaqt li fit-2 ta' Lulju 1877 ħa l-pussess bħala Isqof ta' Għawdex. Ġie appuntat Arċisqof ta' Malta fil-10 ta' Frar 1889 fl-eta ta' 57 sena appuntu fil-festa ta' San Pawl. Ħalla din id-dinja fid-29 ta' Lulju 1914 fl-eta ta' 83 sena wara li kien ilu aktar minn 60 sena saċerdot u l-fuq min 37 Isqof.

ISQOF Mons. Ioannes Maria Camilleri, O.S.A. †

Twieled fil-15 ta' Marzu 1843 gewwa il-Belt Valletta u qaddes mal-patrijiet Agostinjani fil-21 ta' Diċembru 1867 fl-eta ta' 24 sena u nofs. Ġie appuntat Isqof ta' Għawdex fil-11 ta' Frar 1889 fl-eta ta' 45 sena bit-titlu tas-Sedja Titulari ta' Modona. Fil-24 ta' Frar ta' l-istess sena kien ikkonsagrat Isqof ta' Għawdex, filwaqt li fit-12 ta' Mejju 1889 ħa l-pussess bħala Isqof ta' Għawdex. Irtira min Isqof u sar Isqof Emeritus ta' Għawdex fl-20 ta' Jannar 1924 fl-eta' ta' kważi 81 sena. Ħalla din id-dinja fis-7 ta' Novembru 1924 fl-eta ta' 81 sena u nofs wara li kien ilu kważi 57 sena saċerdot u 35 sena u nofs Isqof.

ISQOF Mons. Angelo Portelli, O.P. †

Twieled fil-24 ta' April 1852 ġewwa il-Belt Valletta. Ġie appuntat Isqof Awżiljarju ta' Malta fil-31 ta' Marzu 1911 fl-eta ta' kważi 59 sena bit-titlu tas-Sedja Titulari ta' Selinonte. Ħalla din id-dinja fl 1926 fl-eta ta' 73 sena.

ARĊISQOF Mons. Ambrose Agius, O.S.B. †

Twieled fl- 1856 ġewwa Malta. Ġie appuntat Arcisqof Titulari ta' Palmyra (Filippini) u ġa l-pusses Episkopali fl-1904 fl-eta ta' 48 sena. Fl- 1904 ġie appuntat Delegat Appostoliku għal Filippini. Ħalla din id-dinja fl-1911 fl-eta ta' 55 sena.

ARĊISQOF Mons. Mauro Caruana, O.S.B. †

Twieled fis-16 ta' Novembru 1867. Ġie appuntat Isqof ta' Malta fit-22 ta' Jannar 1915 fl-eta ta' 47 sena. Ġie appuntat Arcisqof ta' Malta (Titlu Personali) fid-29 ta' Marzu 1928. Ħalla din id-dinja fis-17 ta' Diċembru 1943 fl-eta ta' 76 sena.

ARĊISQOF Mons. George Joseph Caruana †

Twieled fil-23 ta' April 1882, festa Liturġika ta' San Ġorġ Martri, gewwa tas-Sliema. Il-familja emigrat lejn l-Amerika u qaddes ġewwa Brooklyn, New York fit-28 ta' Ottubru 1905 fl-eta ta' 23 sena u nofs. Ġie appuntat Isqof ta' Puerto Rico fil-5 ta' Awissu 1921 fl-eta ta' 39 sena bit-titlu tas-Sedja Titulari ta' Sebastea. Fit-28 ta' Ottubru ta' l-istess sena kien ikonsagrat Isqof ta' Puerto Rico, filwaqt li fl-10 ta' Frar 1922 ħa l-pussess. Ġie appuntat Isqof ta' San Juan ġewwa Puerto Rico fil-21 ta' Novembru 1924. Fit-23 ta' Diċembru 1925 ġie appuntat Delegat Appostoliku għal Messiku. Ġie appuntat Nunzju Appostoliku ta' Haiti fit-28 ta' Jannar 1927 u irtira min-nunzjatura tlitt snin wara. Reġa ġie appuntat Nunzju Appostoliku ta' Cuba fil-15 ta' Settembru 1935 u irtira min-nunzjatura tnax il-sena wara fl-1 ta' Mejju 1947. Ħalla din id-dinja fil-25 ta' Marzu 1951 fl-eta ta' kwazi 69 sena wara li kien ilu 45 sena saċerdot u 29 sena u nofs Isqof.

ARĊISQOF Mons. Michael Gonzi †

Twieled fit-13 ta' Mejju 1885, ġewwa l-Birgu. Qaddes fit-19 ta' Diċembru 1908 fl-eta ta' 23 sena u nofs. Ġie appuntat Isqof ta' Għawdex fit-13 ta' Ġunju 1924 fl-eta ta' 39 sena bit-titlu tas-Sedja Titulari ta' Lirbe. Fl-20 ta' Lulju ta' l-istess sena kien ikkonsagrat Isqof, filwaqt li fl-10 ta' Awissu 1924 ħa l-pussess bħala Isqof ta' Għawdex. Ġie appuntat Isqof Kugitur ta' Malta fl-14 ta' Ottubru 1943 fl-eta ta' 58 sena. Laħaq Isqof ta' Malta fl-17 ta' Diċembru 1943 filwaqt li fl-1 ta' Jannar 1944 ħa l-pussess ta’ Arċisqof ta' Malta. Irtira l-Arċidjocesi ta' Malta fit-30 ta' Novembru 1976 f'eta sabiħa ta' 91 sena u sar Arċisqof Emeritus. Ħalla din id-dinja fit-22 ta' Jannar 1984 fl-eta sabiħa ta' kważi 98 sena u nofs wara li kien ilu 75 sena saċerdot u 59 sena u nofs Isqof. Jinsab midfun fil-Katidral tal-Mdina eżattament fil-Kappellun tal-lemin.

ISQOF Mons. Joseph Pace †

Twieled fit-30 ta' Mejju 1890, ġewwa r-Rabat, Għawdex. Qaddes fi 3 ta' Awissu 1913 fl-eta ta' 23 sena. Ġie appuntat Isqof ta' Għawdex fl-1 ta' Novembru 1944 fl-eta ta' 54 sena. Fis-17 ta' Dicembru ta' l-istess sena kien ikkonsagrat Isqof, filwaqt li fit-8 ta' April 1945 ħa l-pussess bħala Isqof ta' Għawdex. Ħalla din id-dinja fil-31 ta' Marzu 1972 fl-eta ta' 81 sena u nofs wara li kien ilu 58 sena u nofs saċerdot u 27 sena Isqof.

ISQOF Mons. Emanuele Galea †

Twieled fl-10 ta' Dicembru 1891, ġewwa l-Isla. Qaddes fit-18 ta' Diċembru 1915 fl-eta ta' 24 sena. ġie appuntat Isqof Awżiljarju ta' Malta fid-9 ta' Ġunju 1942 fl-eta ta' 50 sena u nofs bit-titlu tas-Sedja Titulari ta' Tralle di Asia. Fil-5 ta' Lulju ta' l-istess sena kien ikkonsgrat Isqof Awżiljarju ta' Malta. Ħalla din id-dinja fil-21 ta' Awissu 1974 fl-eta ta' 82 sena u nofs wara li kien ilu 58 sena u nofs saċerdot u 32 il-sena Isqof.

ISQOF Mons. Francis Xavier Fenech, O.F.M. Cap. †

Twieled fis-17 ta' Marzu 1892, ġewwa l-Floriana. Qaddes mal-patrijiet minuri Kappuċċini fil-25 ta' Mejju 1918 fl-eta ta' 26 sena. Ġie appuntat Isqof ta' Jhansi l-Indja fit-18 ta' Lulju 1954 fl-eta ta' 62 sena bit-titlu tas-Sedja Titulari ta' Muzuca di Bizacena. Fit-28 ta' Novembru ta' l-istess sena ġie konsagrat Isqof ta' Jhansi l-Indja. Irtira min Isqof ta' Jhansi l-Indja fl-1967 fl-eta ta' kwazi 75 sena u sar Isqof Emeritus. Ħalla din id-dinja fit-13 ta' Mejju 1969 fl-eta ta' 77 sena wara li kien ilu 51 sena u nofs saċerdot u 14 il-sena Isqof.

ARĊISQOF Emeritus Mons. Emanuele Gerada

 

ISQOF Mons. Redento M. Gauci, O.C. †

Twieled fis-27 ta' Diċembru 1920 ġewwa l-Belt Valletta u qaddes fl-1 ta' Awissu 1943 fl-eta ta' 22 sena u nofs. Ġie appuntat Prelat ta' Chuquibamba l-Peru fil-5 ta' Ġunju 1962 fl-eta ta' 41 sena. Fit-8 ta' April 1967 kien appuntat Isqof Prelat ta' Chuquibamba l-Peru u ordnat fit-30 ta' April ta' l-istess sena bit-titlu tas-Sedja Titulari ta' Ida di Mauritania. Kien fi Frar tas-sena 1977 li riżenja mil-kariga minħabba raġunijiet ta’ saħħa. Ħalla din id-dinja fl-10 ta' Frar 1978 fl-eta żgħira ta' 57 sena wara li kien ilu 34 sena saċerdot u 10 snin u nofs Isqof. Jinsab nidfun fiċ-Ċimiterju tal-Addolorata.

ARĊISQOF Emeritus Mons. Paolo Giglio

 

ARĊISQOF Emeritus Mons. Joseph Mercieca

 

ISQOF Emeritus Mons. Francis Adeodatus Micallef, O.C.D.

 

ISQOF Emeritus Mons. Nikol Joseph Cauchi

 

ISQOF Emeritus Mons. Walter Michael Ebejer, O.P.

 

ISQOF Mons. Charles Caruana

Għal kemm dan l-Isqof mhux imwieled hawn Malta, ħassejt li għandi niżlu xorta peress li hu ta' ġenerazzjoni Maltija. Twieled fid-9 ta' Ottubru 1932 ġewwa Gibilta u qaddes fl-24 ta' Mejju 1959 fl-eta ta' 26 sena u nofs. Ġie appuntat Isqof ta' Gibilta fl-14 ta' Frar 1998 fl-eta ta' 65 sena. Ħa l-pussess episkopali fl-24 ta' Mejju ta' l-istess sena.

 ISQOF Mons. Francis Baldacchino O.F.M. Cap.

Isqof ta' Malindi, Kenya

 

ISQOF Mons. Annetto Depasquale

Isqof Awzilarju ta' Malta

 

ISQOF Mons. Paul Darmanin, O.F.M. Cap.

Isqof ta' Garissa, Kenya

 

ISQOF Mons. Sylvester Carmel Magro, O.F.M.

Vigarju Appostoliku ta' Benghazi, Libya

ARĊISQOF Mons. Paul Cremona, O.P.

Arċisqof ta' Malta

 

ISQOF Mons. George Frendo, O.P.

 

ISQOF Mons. Vicente Costa

Isqof ta' Umuarama, Parana, Brazil

 

ISQOF Mons. Joseph Angelo Grech

Isqof ta' Sandhurst, Australia

 

ISQOF Mons. P. Roberto Camilleri Azzopardi, O.F.M.

Isqof ta' Comayagua, Honduras

 

ISQOF Mons. Mario Grech
Isqof ta' Għawdex

 

ARĊISQOF Mons. Joseph Spiteri
Nunzju Appostoliku fis- Sri Lanka

 

 

 

E-mail:   gorgborgqormi@gmail.com

---

• Lura għal Paġna Prinċipali tal-Parroċċa

• Ġranet tal-Festi iċċelebrati fil-gżejjer Maltin ( Malta & Għawdex )

Please email for support

Irranġata 17-05-2009