O tratamento da atención á diversidade se recolle na presente programación de diferentes xeitos:

a) En relación con qué ensinar: dentro dos contidos que se traballan en cada unidade é posible distinguir entre aqueles que teñen un carácter fundamental e os que teñen un carácter complementario. Así, dentro dos contidos básicos poderían estar aqueles que posúen un carácter máis funcional e están, por tanto, en condicións de satisfacer a un meirande número de alumnos. Pero tamén, e de forma especial, os que contribúen en maior medida, o desenrolo de capacidades que se consideran básicas, ou resultan imprescindibles para posteriores aprendizaxes.

b) En relación con cómo ensinar: as adaptacións de este tipo son as primeiras que se adoptan cando se executa na aula o que se ten previsto na programación. Isto significa que antes de renunciar a un determinado contido ou de ralentizar o ritmo para a súa consecución en determinados alumnos, o profesor soe actuar no terreo metodolóxico, diversificando as vías de acceso ó mesmo, a través de estratexias, actividades e materiais didácticos diferenciados. Así programaremos actividades diferenciadas en función dos intereses e necesidades do alumnado. Tamén será necesario programar actividades complementarias, de ampliación, dirixidas a aqueles alumnos menos necesitados de axuda, ou que resolven tarefas comúns con maior rapidez e desexen proseguir a súa aprendizaxe de forma autónoma.