Home | Chapter I | Chapter II | Chapter III | Chapter IV | Chapter V | Chapter VI |Chapter VII | Music | Photos | Matut Mahkai

           

NUMHTET GA

Ndai laika a madung yaw shada ai lam gaw, anhte Jinghpaw Amyu ni a Ga Shingni jahkrik jahkam na matu rai nga ai. Kaga sumrai ni mung mai sawn shapraw ka ai raitim, prat ram ai laika hti shawa ni grau myit lawm na matu, Gawngmawn Sumrai she lata ka ai lam rai sai.

Ndai hta lang da ai laika ka ladat gaw Tup Hkrak Jaw Sai ngu n lu tsun ai raitimung, Shut ai ngu nna mung n mai tsun nga ai. Ndai ladat hpe laika ka ai wa hpa majaw lang a ta nga yang, �Ka ai Laika� hte �Shaga ai Ga� hpe ginghka lu na matu rai nga ai. Anhte Shaga ai Ga (Spoken Language) gaw hkahku ga na anhte' (anhte a) Hkra lep Masha (Hkra Dep Masha) ni hta lai nna, daini anhte a prat hta law malawng malap kau wa saga ai. Dai gaungwi ngwi mat wa ai lam gaw, anhte Jinghpaw ga n pri wa ai, dip sha nga ai maigan wa a shingni e ga-up, dang sha ai lam nan rai sai. Dai dip sha nga ai wa a ga ni chye da ra ga ai raitim, shi a ga, lai, laika, htunghkring hte shingni ni e n matut ga-up dang sha lu u ga, Tinang a Ga, Laika ni hpe tsawra, shareng wa na matu rai sai.

Dai Shaga ai Ga hte Ka ai Jinghpaw laika hpe ginghka lu na matu, shara hte shara n bung ai Jinghpaw Ga ni hpe chyena loi na matu hte maigan ga ni hpe italic hku, bai nna ga shagawp ni hpe Htoi Nsam hku ka  sanglang da ai.