Ngrau Grauchyang, Shingbai Kawyeng ngoi; U numji numjoi pyen gashoi; shingra singni dai; prat dingsa n prai; bumga nga yu masha yawng gajai; Ginding dinghta, Dai lahpawt mi na aten hta:
�Nu Nu e.., N�hkau Tang hte htaw Ntsaba Hkangda Gam Awng ni a yibaw na Ware (Wasang) naw sa gan shaw da mu. Jahpawt manap rau ai ten hkan shatmaw shatmai sun naw galaw magang ga� --- nga Kawa shaga ai nsen hpe na dat ai hte maren:
Ala:
�Mai sa Wa. Kade daram shaw da ra kun�?
Kawa:
�Nan N�hkau Tang yu nna shaw lu ai made shaw da mu�.
Ala:
�Mai kaja sa Wa�. �Hkau Tang..., saw, htawra kaw sun kum na Ware naw sa gan shaw da ga�.
Kahkau Tang:
�Mai ai le, Hkau La�. Hkau Laje Tang gaw, Ala ni a nta kaw nga nna lawutsang hpaji sharin la nga ai Ala ni a jinghku kasha rai nga ai.
Ala:
�Sa..sa..lawan di u, lawan sa galaw ga�. Dai ten, Ala gaw Ahkawn nga ai yiwa hku lai wa na re majaw grai tin, gatu taw nga lu ai.
Kahkau Tang:
�Hkau La, nang grai gaw tin na re. Hkring mi naw la rit. Nhtu naw gan garang dat na�.
Ala:
�N re ai hku sa sawn la nna, nauwa�aw hkum zen masu yu�, Hkau Tang�. Ala yan Hkau kawa shaw na matu rawt sa wa masai.
Ala:
�Hkau Tang, Lawngwaw ga hku: mam mu ai hpe garahku nga ma ta�?
Kahkau Tang:
�Gawk she, da�.
Ala:
�Mam mu sa ga nga jang�aw taw�?
Kahkau Tang:
�Gawk she ye galang le, da�.
Ala:
�Hka ja sa ga, nga jang gaw garahku tsun na rai taw�?
Kahkau Tang:
�Hyrick hkre ye galng le, da�.
Ala:
�Hka shin sa ga nga ai hpe gaw�?
Kahkau Tang:
�Gaung chait ye galang, da�. �Lawngwaw ga grai sharin na zawn nga wa sai i? Hkau La�!
Ala:
�Hkau Tang e, nau hkum jahpyau yu� law. Tinang �Myu�sha (Amyumasha) ga langai mi re� majaw aten lu ai shaloi hkaja la yang n shut na re ngu nna sha gaw e�.
Kahkau Tang:
�O! Shing�ga jang�ung (shingnga jang mung) hpa n ra u ga yaw�.
Ala:
�Mam pa taw nga ai, sharawt da ga. Ya hkring laiwa laisa masha ni gabye sharun kau na mara ai�.
Kahkau Tang:
�Hkau La�ung grau myit su wa sai�. Tsun jahta chyai let Ahkawn nga ai yiwa du wa masai. Dai ten, Ahkawn gaw, jahpawt manap jau jau kaw nna u gawn na matu yi kaw sa du nga sai.
Ahkawn:
�O! Ala i! Sa wa rit..sa wa rit. Dung ga�.
Ala:
�Ahkawn, an lahkawng n dung sana re, yahkring wa let she wa shang na yaw�.
Ahkawn:
�Taw! Garade sa na ngu ai rai�?
Ala:
�Dai nanhte a yibaw�aw (yi baw kaw) Wasang sa shaw na ngu ga ai�.
Ahkawn:
�Nhtu lang grai sadi mu lu yaw. Hkala nba rai na lu. Ala a lata na n�ma pi �rai (garai) n mai shi ai re wa�.
Ala:
�E law, mai sa. Ahkawn dai zawn tsun shadum ai majaw chyeju dum ai�. �Yaw.., naw sa wa sai�.
Kahkau Tang:
�Hkau La, nang ndai numsha hte galoi kaw nna chye hkat ai rai! Kanu zawn nga hkra rai nna�aw, nang hpe�aw ntu lang grai sadi u da.., ngai hpe�aw hkala nba raitim n ra ai ngu mayu ai hku i�! Kahkau Tang mani let shala nga lu ai.
Ala:
�Hkau Tang, nau hkum chye tsun taw yu�. Mani sha chye la ai re. Ndai numsha�aw myit su ai. Ndai lata na n�ma mung shi� (shi a) palawng lata gang je la nna gayawp ya ai rai lu ai�.
Hkau Tang:
�Ngai�aw byinwa chye ai lam hpe shawng kaw nna, lu maram nga sai. Masha ngu ai�aw, tinang hte htaphtuk, bung pre ai masha nga ai. Dai zawn re ai masha hkrum ga-dup lu na mung yak la nga ai. Raitim, hkau La e, nang�aw kam grai kaja sai�.
Ala:
�Hkau Tang, grai salang zawn zawn nga hkra rai tsun taw nga ai yaw.., nanhte yawng daihku sharawt tsun nna ngai hpe n re ai de she ganawng bang wa nga myitdai�. Ala yan Hkau ngau hpai nna wa magang nga masai.
Ahkawn:
�Grai na ai wa i, Ala! Dung ga. Sa dung u�.
Hkau Tang:
�Grai lawan ai hku galaw nna wa ga ai, nang grai na na sai i�? He..he..he.
Ala:
�Hkau Tang grai chye shala ai�. �Hkring mi dung da ga hkau�.
Kahkau Tang:
�Ngai n dung sana re. Ya jawng sa ten mung du wa sai. Nan jawng nsa ra ai yan naw jahta nga mu. Yaw wa magang sai�. Bye!
Ala:
�Ahkawn, Ala mung naw wa na rai sam ai. Daina hkan she jahta chyai ga i�?
Ahkawn shalu shalu rai tsun dat ai ga:
�Ala, nang�aw n mai wa shi ai�.
Ala:
�Ga..! Ahkawn! Ahkawn grai myit su ai she ngu yang matsun (order) grai ja wa sai i�!
Ahkawn:
�Matsun hku chyawm me�aw (me gaw) n sawn la ga, Ala hte shaga chyai mayu nna she re yaw�.
Ala:
�Shing�ga jang�ung, grai sorry yaw Ahkawn. Ala majoi shala ai she re�.
Ahkawn:
�Ala, pyaw chyai n law la ai hkying ten ni�aw let mali lai htum mat wa nga ai. Ahkawn a myit hta, ya Ala zawn myit shang hkuhkau ai manang n ganawn hkrup yu shi nngai. Jawng hpaw ten mung du wa sai. Ala, nanhte manaw manang ni hte grai n kam hka ai re yaw�.
Ala:
�Ahkawn e, manaw manang ngu ai chyawm gaw dai zawn rai hkrumzup nna, gade n ja n hpra raitim hkabra ra ai shing�yim (shingggyim) shingra she re� (re ai) majaw, hpang de bai hkrum lu na rai nga ai le�.
Ahkawn:
�Ala sumtsan hkawm mat ai ten ni hta Ahkawn hpe hkum malap kau lu yaw�.
Ala:
�Ndai daram tsawra hkuhkau sai manang �ngai� hpe (langai mi hpe) malap kau ai rai yang�aw, malap kau chye ai Ala a mara she rai na sai�.
Ahkawn
�Ala dai zawn chye myit ai majaw Ahkawn grai na kabu ai�.
Ala
�Ahkawn yiyang de u ni mam sha nga ai kun! Wahpawk naw dum dat u�.
Ahkawn
�Aga... re i : she gan malap hkra le.�
Ala
�Ahkawn, Ala naw wa na yaw - Jan pi lawng mat sai.�
Ahkawn
�Hpawtni gaw ngai mu (bungli) n nga ai : Ala rau yang�aw Mali Hka hkau de sa chyai ga�. Wunpawng Mungdan Shanglawt Hpyen Magam gun masha ni nga ai, Ala ni a No.2 Hpawng Chyawm Mare gaw, Mali Hkanu hte ani sha rai nga malu ai.
Ala
�Mai ai le; sa chyai ga --- naw wa sai yaw, Bye..Bye!�