Burburtiaan ka!

"Adda maysa a lalaki, nagsusuon iti karni, ipukpukkaw na nga idirdir-i, iti kinalaing na a lalaki?" No kawitan a manok iti sungbat mo kailian, napatangam! Ngem ne, sampol ko la dayta. Adda dagitay burburtia a pagarupmo no nalaka, ngem hehehe, agtanangka! Maka-allilaw dagiti dadduma! Kitam daytoy ne:

"Ania ti Ilocano iti bra?"

No abbong ti suso kunkunam laeng a ket napukaw kan kailian, ta indayon ni liwliwa kano iti sungbat na! Hahaha... Wen! Tay kunak itayen, agtanang ka! Ta addada pay dagitay pilosopo a burburtia a saan ko koma idan nga iraman pay ditoy ta baka ketdi no adda masilian, ngem kunak, pagliwliwaan ken pagkakatawaan tay laeng. Kas koma iti daytoy:

"Apay a simrek diay baka idiay uneg ti kapilia?"

Hmmm... gapu kano ta sadiay iti ayan ti Pastor! Ala, ti la adda! Ngem kastay kunak itayen, paglinglingayan ken pagkakatawaan tay laeng. Diko kunaen a dagiti sungsungbat ket umisu kadagiti pasungbat. Nangnangngeg ko laeng dagitoy ket saan ko ida a partuat.