En la terre le conte Tibaut de Champaigne se croisa Jofrois de Joenvile qui ere senechaus de la terre, Robertz ses freres, Guis de Pesmes, Haimmes ses freres et maintes bones genz de Champaigne et Borgoigne dont li non ne sont mie en escrit .... (... )
  L'avangarde si fu commandée Joffroi le senechau de Champaigne .... Tyerris de Los, qui ere senechaus de Romenie, fist l'ariere garde .... (..)
   Lors s'en rala l'empres Hen(is en Constantinoble al remainant de sa gent, et ot empris de rechief de movoir por raler vers Andrenople. Et endementiers qu'il atorna son oirre Tierris de Los li senechaus , qui ere à Nichomie, à totes lor genz, alerent forer un jor. Et la genz Toldre l'Ascre le sorent ; si les sorpristrent et lor corurent sus. Si furent mult grant gent et cil furent pou ; si commença li estors et la mellée: ne demora mie longuement que li pou ne porent endurer le trop. Mult le fist bien Tyerris de Los et sa gens; et fu abatuz deus fois, et par force le remonterent sa gens. Mais ne porent cele fole souffrir si furent desconfit li Franc.
   La tu pris Tyerris de Los et navrez parmis le vis, et en aventure de mort, là fu pris li plus de sa gent avec lui, que pou en eschapa. Et ensi se recuillirent el mostier Sainte-Sophie cil qui en eschapèrent de la desconfiture.
   Cil qui ceste hystoire traita ne sot s'il fu a tort ou a droit, mais il en di un chevalier, qui avoit à nom Ansels de Remi, qui ere hom liges Joffrois de Joenvile qui ere seneschal de Champaigne, et chevetaines de sa gent, et le guerpi. Et lors Ansels de Remi prist un message cil qui fu à Nichomie au mostier Sainte-Sophye retorn,é et l'en envoierent batant en Constantinoble a l'emprereor Henri ; et li manderent qu'ensi ere avenu, que pris ere li seneschaus et sa gens, et il estoient assis au mostier Sainte Sophie à Nichomie, et n'avoient mie viande a plus de cinq jors ; et seüst de voir que se il nes secoroit, que il estoient mort et pris.
   L'emperes, autresi cum à cri, passe le Braz Saint George, il et sa gens, qui ainz ainz, qui mielz mielz, por secoure cels de Nichomie .... et fist tant l'emperes Henris vers lui, que li délivra le mostier de Sainte Sophie de Nichomie. Ensi fu ceste trive asseürée, et ces forteresces abatues. Tyerris de Los fu delivrés, et li autre prison tuit. (Villehardouin, 4ème croisade) .