Il-Viżti Tas-Seba’ Knejjes

Kull żjara tista’ ssir hekk:

• It-tislima : Nadurawk, o Ġesu;

• Il-qari mill-Kotba Mqaddsa;

• Ftit mumenti ta’ riflessjoni;

• 5 Missierna, Sliema u Glorja.

Tajjeb li jingħad ir-rużarju bejn żjara w oħra.

L-Ewwel Viżta

Nadurawk, O Ġesu, u nberkuk għax b’salibek u l-mewt tiegħek inti fdejtna.

Ġesu hu l-ħobż tal-ħajja

F’dak iż-żmien Ġesu qal lid-dixxipli tiegħu: “Tassew, tassew ngħidilkom, mhux Mose takom il-ħobż mis-sema iżda Missieri jagħtikom il-ħobż tassew mis-sema; għaliex il-ħobż ta’ Alla huwa dak li jinżel mis-sema u jagħti l-ħajja lid-dinja.” “Sinjur,” qalulu huma, “agħtina dejjem minn dan il-ħobż.” Weġibhom Ġesu: “Jiena hu l-ħobż tal-ħajja. Min jiġi għandi ma jieħdu qatt il-ġuħ u min jemmen fija ma jkun qatt bil-għatx.” (Ġw. 6. 32-55)

Ħames Missierna, Sliema, Glorja.

Skond il-fehma tal-Papa.

Missierna, Sliema, Glorja.

Kant:    

Nadurawk, ja ħobż tas-sema

Frott l-imħabba l-iżjed bnin;

Għalik l-Anġli dlonk titnieħed,

Inti l-hena tal-bnedmin.

Nadurawk ja ħobż tas-sema

Frott l-imħabba l-iżjed bnin.

It-Tieni Viżta

Nadurawk, O Ġesu, u nberkuk għax b’salibek u l-mewt tiegħek inti fdejtna.

Ħasil ir-riġlejn

Qabel il-festa tal-Għid, billi kien jaf Ġesu li waslet is-­siegħa tiegħu biex igħaddi minn din id-dinja għal għand il-Missier, hu, li kien ħabb lil tiegħu li kienu fid-dinja, u ħabbhom għal l-aħħar. Kienu qegħdin għall-ikel. Qam minn fuq il-mejda, neħħa l-mantar minn fuqu, ħa fardal u rabtu ma’ qaddu. Imbagħad ferragħ l-ilma fil-lenbija, u beda jaħsel saqajn id-dixxipli u jixxutahomlhom bil-far­dal li kellu ma’ qaddu. Wara li ħaslilhom saqajhom, libes il-mantar u reġa’ qagħad fuq il-mejda; u qalilhom: “Tafu x’għamiltilkom? Intom issejħuli ‘l-Imgħallem’ u ‘il-Mulej’, u tgħidu sewwa għax hekk jien. Mela jekk jien, li jien il-­Mulej u l-Imgħallem, ħsiltilkom saqajkom, hekk intom għandkom taħslu saqajn xulxin. Għax jien tajtkom eżempju, biex kif għamilt jien magħkom, hekk tagħmlu intom ukoll. (Ġw. 13, 1, 4, 5, 12-15)

Ħames Missierna, Sliema, Glorja.

Skond il-fehma tal-Papa.

Missierna, Sliema, Glorja.

Kant:    

Nadurawk ja ħobż tas-sema

Frott l-imħabba l-iżjed bnin;

Int il-ħlewwa tal-qawwija,

Int is-saħħa tal-fqajrin.

Nadurawk, ja ħobż tas-sema

Frott l-imħabba l-iżjed bnin.

It-Tielet Viżta

Nadurawk, O Ġesu, u nberkuk għax b’salibek u l-mewt tiegħek inti fdejtna.

L-Ikla Mqaddsa skond San Pawl

Kull rneta tieklu dan il-ħobż u tixorbu dan il-kalċi, intom ixxandru l-mewt tal-Mulej sa ma jiġi. Mela kull mm jiekol il-ħobż jew jixrob il-kalċi tal-Mulej bla ma jixraqlu, ikun ħati tal-Ġisem u d-Demm tal-Muiej. Ħa jgħarbel il-­bniedem lilu nnifsu, imbagħad jiekol il-ħobż u jixrob il-­kalċi. Min jiekol u jixrob bla ma jagħżel minn ikel ieħor il-Ġisem tal-Mulej, ikun jiekol u jixrob il-kundanna tiegħu stess. (l Kor. 11, 26-29)

Ħames Missierna, Sliema, Glorja.

Skond il-fehma tal-Papa.

Missierna, Sliema, Glorja.

Kant:    

Nadurawk ja ħobż tas-sema

Frott l-imħabba l-iżjed bnin;

Int il- qawwa ta’ min raqad.

Inti l-għaxqa tal-ħajjin.

Nadurawk, ja ħobż tas-sema

Frott l-imħabba l-iżjed bnin.

Ir-Raba’ Viżta

Nadurawk, O Ġesu, u nberkuk għax b’salibek u l-mewt tiegħek inti fdejtna.

L-Ewkaristija skond San Mattew

Huma u jieklu, Ġesu ħa l-ħobż f’idejh, qal il-barka, qasmu, newlu lid-dixxipli u qal: “Ħudu, kulu, dan hu Ġismi.” Imbagħad ħa l-kalċi f’idejh, radd il-ħajr, newlil­hom il-kalċi u qal: “Ixorbu ikoll minnu, għax dan huwa demmi, id-demm tal-patt li jixxerred għall-kotra għall-maħfra tad-dnubiet. Ngħidilkom, li ma nerġax nixrob iżjed minn dan il-frott tad-dielja sa dak inhar li nixrob inbid ġdid magħkom fis-Saltna ta’ Missieri.” (Mt. 26, 26-29)

Ħames Missierna, Sliema, Glorja.

Skond il-fehma tal-Papa.

Missierna, Sliema, Glorja.

Kant:    

Nadurawk ja ħobż tas-sema

Frott l-imħabba l-iżjed bnin;

Jalla d-dinja tagħraf tħobbok:

Fik il-qlub huma henjin.

Nadurawk, ja ħobż tas-sema

Frott l-imħabba l-iżjed bnin.

Il-Ħames Viżta

Nadurawk, O Ġesu, u nberkuk għax b’salibek u l-mewt tiegħek inti fdejtna.

L-għaqda ma’ Ġesu

“Jiena d-dielja vera u Missieri l-bidwi. Kull fergħa fija li ma tagħmilx frott jaqtagħha; u kull waħda li tagħmel il-frott jiżborha u jnaddafha biex tagħmel frott aktar. Intom ġa ndaf minħabba l-kelma li għedtilkom. Ibqgħu fija u jiena nibqa’ fikom. Kif il-fergħa ma tistax tagħmel frott minnha nfisha jekk ma tibqax fid-dielja, hekk anqas intom jekk ma tibqgħux fija. Jiena d-dielja, intom il-­friegħi. Min jibqa’ fija u jiena fih, dan jagħmel ħafna frott; għax mingħajri ma tistgħu tagħmlu xejn. Jekk wie­ħed ma jibqax fija, jintrema l-barra bħal fergħa, u jinxef; Jekk tħarsu l-kmandamenti tiegħi intom tibqgħu fi mħabbti, kif jien ħarist il-kmandamenti ta’ Missieri u qiegħed f’imħabbtu. (Ġw. 15, 2-6, 10)

Ħames Missierna, Sliema, Glorja.

Skond il-fehma tal-Papa.

Missierna, Sliema, Glorja.

Kant:    

Nadurawk ja ħobż tas-sema

Frott l-imħabba l-iżjed bnin;

Tnt ii-ħlewwa tal-qawwmja,

Tnt is-saħħa tal-fqajrin.

Nadurawk, ja ħobż tas-sema

Frott l-imħabba l-iżjed bnin.

Is-Sitt Viżta

Nadurawk, O Ġesu, u nberkuk għax b’salibek u l-mewt tiegħek inti fdejtna.

L-għaqda tagħna fl-Ewkaristija

Għeżież tiegħi ... Lil nies għaqlin qiegħed inkellem... Il-kalċi mbierek li fuqu ngħidu l-barka m’huwiex għaqda mad-demrn ta’ Kristu? U l-ħobż li naqsmu m’huwiex għaqda mal-Ġisem ta’ Kristu? Għax la l-ħobża hi waħda, aħna, li aħna ħafna, aħna ġisem wieħed; ilkoll kemm alma nieħdu sehem minn ħobża waħda. (1 Kor. 10, 14-17)

Ħames Missierna, Sliema, Glorja.

Skond il-fehma tal-Papa.

Missierna, Sliema, Glorja.

Kant:    

Nadurawk ja ħobż tas-sema

Frott l-imħabba l-iżjed bnin;

Int il- qawwa ta’ min raqad.

Inti l-għaxqa tal-ħajjin.

Nadurawk, ja ħobż tas-sema

Frott l-imħabba l-iżjed bnin.

Is-Seba’ Viżta

Nadurawk, O Ġesu, u nberkuk għax b’salibek u l-mewt tiegħek inti fdejtna.

It-talba ta’ Ġesu għad-dixxipli

Ġesu talab u qal: “Jiena għarraft ismek lill-bnedmin li inti tajtni mid-dinja. Kienu tiegħek, u inti tajthom lili, u huma ħarsu kelmtek. Jiena għalihom nitlob; ma nitlobx għad-dinja, imma għal dawk li Inti tajtni, għaliex huma tiegħek, u dak kollu li hu tiegħi huwa tiegħek, u dak li hu tiegħek huwa tiegħi, u jien igglorifikat permezz tagħhom. U jien ma għadnix aktar fid-dinja, iżda huma għadhom fid-dinja, u jiena ġej għandek. Missier qaddis, ħarishom f’ismek dawk li inti tajtni, biex ikunu ħaġa waħda bħalna. M’inix nitlob għal dawn biss, imma wkoll għal dawk li għad jemmnu fija bis-saħħa tal-kelma tagħhom; nitolbok li jkunu lkoll ħaġa waħda. Kif inti fija, Missier, u jiena fik, ħa jkunu huma wkoll ħaġa waħda fina, biex hekk id­-dinja temmen li inti bgħattni. (Ġw. 17, 6, 9-11, 20, 21)

Ħames Missierna, Sliema, Glorja.

Skond il-fehma tal-Papa.

Missierna, Sliema, Glorja.

Kant:    

Nadurawk ja ħobż tas-sema

Frott l-imħabba l-iżjed bnin;

Tmselimulek Aila moħbi.

Inti biss ‘taħkem is-snin.

Nadurawk, ja ħobż tas-sema

Frott l-imħabba l-iżjed bnin.

Imprimatur die 31 Iulii 1967 - † Em. Galea, Ep.

Seraphic Press