SAN LAZARO
Si San Lazaro na taga-Betania ay kapatid nina Marta at Maria Magdalena. Sila ay mga kaibigan ni Hesus.
Nang si Lazaro ay magkasakit, pinasabihan nina Marta at Maria si Hesus na ang Kanyang kaibigan ay may sakit subali't hindi agad nagpunta si Hesus sa Betania. Si Lazaro ay namatay at apat na araw nang nakalibing nang si Jesus ay dumating. Naghimutok ang magkapatid na sina Marta at Maria kay Hesus at silang lahat ay nangagsitangis. Malaki ang pananalig ng magkapatid kay Hesus.
Nagtungo Siya sa libingan ni Lazaro kahit sinabihan na ni Martang mabaho na ang patay. Matapos manalangin ay iniutos Niyang alisin ang batong nagpipinid sa yungib at Siya ay sumigaw, "Lazaro, lumabas ka." Lumabas nga si Lazaro na may balot pang mga kayo sa katawan. Ipinaalis ni Hesus ang mga naakabalot na kayo at pinahayo si Lazaro.
Ito ay isa mga dakilang himala ni Hesus na naging mitsa upang Siya at gayon din si Lazaro ay pagplanuhang patayin ng mga Hudyo.
Si Lazaro ay nabuhay pa nang matagal at naging Obispo.
Juan 11: 1-57
