cozy dhon
my compositionsblue
lark:
a code name or title i used to have a
unique name for me.
blue for lonely and lark for a singing
bird.
|my tagalog compositions|
"paraiso: pangarap ko"ang pangarap magsimula
magsimula dito sana
para naman makamtan na
ang buhay ko'y langit na nga
ang pangarap ay tulad mo
buhay ko nga ay kompleto
kung sa iyo di magbago
pangarap ko, paraiso
paraiso ang pangarap
ang hangin mo ay malanghap
bulaklak mong nagmumukadkad
itong puno, aking yakap
bundok sana'y lunti lagi
ang batis mong malaputi
yang ulap mong di masipi
para sa aki'y pinipili
paraiso, natupad na
kailanga'y nakamtan nga
paraiso'y mahalaga
sa puso ko'y ingatan ka.
"pangarap"nararating unti-unti
kaligayaha’y hindi masabi
di masipi ang saya
hiling kaylapit na
mabigkas man ng labi
nakikita na sa ngiti
malapit nang maging akin
ningning ng mga bituin
handa ko nang hawakan
ulap sa kalawakan
kaysigla
damdami’y kaysaya
di na aasa pa
wala nang hihilingin pa
pagkat nandito na
pangarap lang noon
katuparan na ngayon
huwag nang kukurap
wala nang hanap
di ito isang pilit
bawat saglit
kislap ay marikit.
"blind item"mula nang lumabas ka
hindi naman sa hanap-hanap ka
pero down-to-earth ka daw talaga
with maamong mukha, may kinilig pa nga
but for me, idol kita
sa acting, nandiyan ka
sa big screen, patok pa
soap opera’y hanap ka
naging role model ng Pinas
more famous than bigas
hinihintay na lumabas
those dimples na patas
marami ka daw negosyo
here and there namumuro
pamilya at negosyo
number one sa puso mo
buong bayan nashocked
puso ng iba like nasaksak
when the headlines nabunyag
that you are napahamak
oo, nawala ka
whole nation ay lumuha
and I, sumali pa nga
sino ba ang sasaya?
even if nawala ka
still buhay ka pa
alaala mo’y heto pa
admiring things mong nagawa.
"sumamo"di ko sinasadyang masaktan ka
ang lumuha ka’y di ko alintana
damdamin mo sa aki’y nagbabago
dahil sa sugat na dinulot ko
inaasam ko’y patawad mo
nang puso ko
di mangulila sa iyo
huwag ka sanang lalayo
iwanan at kalimutan mo
mahal kita at sana’y tanggapin
at dinggin ang pusong nagsusumamo
nanghihinayang ang nararamdaman
ating kalimutan ang hidwaan
ako’y iyong muling pagbigyan
dahil ikaw lang ang kailangan
di na alam
ang gagawin
yakap mo ang nais
at tangi kong hiling.
"nag-iisa"bakit ganito ang puso
pag nangungulila sa iyo
di maitago
nararamdaman ko
sabik na makita
ngunit kaylayo mo sinta
mahagkan ka
pangarap ko tuwina
nasaan ka
nais kitang makita
nalulungkot, natatakot
nasaan ka
nais ay bumalik ka
nalulumbay, nag-iisa
pawiin ang sakit
alisin ang galit
nagmamahal at
magtatagal.
"kaibigan na lang"unti-unti kang lumalayo
sa piling ko
di masabi kung ano
ang dahilan mo
nagtataka kung bakit ba
umiiwas at di kumikibo
anong pagkakamaling
nagawa ko sa iyo
parehong nasasaktan
damdamin at isipan
mga pinagdaanan
baka masayang lang
huwag sanang hayaang
mawala sa kawalan
pagkat hindi maitago
tunay na nararamdaman
huwag sanang tuldukan
pusong nagmamahalan
ako’y muling balikan
kahit kaibigan na lang.
"araw, buwan ulap at bituin"palubog ang araw
sadya kong natanaw
landas mo’y isang ilaw
hatid mo’y kaylinaw
araw ay kay tulin
di kayang pigilin
subalit diyan ka rin
sisilip-silipin
bituin mo ang gabay
kislap niyo ang alay
di ka nga mawalay
buwan hugis mong suklay
maitim na ulap
mahirap itulak
subalit ang hanap
isang gabing gaganap
araw man o gabi
kay daling masipi
sa akin pinili
pagganap ng gabi.
"kaibigang ulan"sa himbing ng tulog ko’y
narinig ang tawag mo
mula sa panaginip ko’y
nagising sa tinig mo
sa pagkakahimlay ko’y
mariing bumangon ako
mula sa higaan ko’y
sa bintana tumungo
kaibigan, sige pa
ngunit huwag ibuhos bigla
ngunit huwag paisa-isa
subalit hanggat parang musika
kaibigan, ako’y babalik na
ngunit iiwang bukas ang bintana
kaibigan, ako’y matutulog na
ngunit sana’y nariyan ka pa
habang pinagmamasdan
buwang nagpapaalam
habang pinapalitan
ulap na may kaitiman
habang ang kanayunan
himlay sa higaan
habang ang aking kaibigan
ako’y dinadamayan.
"sayang lang"naluluha na lang ako
tuwing naaalala ko
ang ating mga nagdaan
nakapanghihinayang
ng ating pagmamahalan
na noo’y pinaglalaban
kaysakit isipin
kayhapdi sa damdamin
sayang lang
sayang ang pagmamahalan
kaypait
ngunit di kayang ipilit
ulitin ang naging atin
mahirap umasa
umasa sa wala
mukha mo pa rin sa alaala
bakit ba, ano ba talaga?
"mariana"lumaki ang ulo mo
nang dahil na rin sa iyo
tignan mo ang iyong sarili’t
buhay ay sinakluban na ng langit
ngunit may gatas ka pa sa bibig
ikaw ba ay manhid
Sana naman ay iyong maisip
at tumingin sa paligid
di ba ikaw si Mariana
na pisngi’y malamakopa
ngunit ito’y noon pa
nung wala pang droga
hindi mo ba naiisip
kaylayo na ng iyong mga panaginip
mga bituing marikit
kayhirap nang masungkit
magbibilang na lang ba ng poste?
o magbabasag na ng mga bote
kung ang droga’y di iwinaksi
baka ika’y magarote.
"laging para sa iyo"sa sandaling ito
habang nabubuhay pa ako
mananatili dito
lalaban sa mundo
sa buhay kong ito
minsan nabibigo
minsan nananalo
minsa’y pare-pareho
ako’y naghahanap
kaligayahang tunay at ganap
kayamanang hinahanap
di pa nga nalalasap
bakit ba ganito
buhay ko’y litung-lito?
pag-ibig nga ba ang gusto
na sa akin ay gumugulo?
kayamanang hawak ko
ibibigay lamang sa iyo
di magbabago
ito’y laging para sa iyo.
"napapagod"ang hirap limutin ang nakaraan
lalo pa’t mayroong nagdaan
masakit kung babalikan
ang oras ng kasiyahan
ngayong wala ka na
di ko alam kung paano ba
harapin ang mga parating pa
makakaya ko pa ba kaya?
nais pa sanang ika’y mapagmasdan
labi mo’y mahalikan
ngunit kahit ngiti man lang
ay di pa masilayan
sarili ko’y napapagod
ako’y lalong lumulubog
nakalipas ay di madurog
hanggat ika’y di nalilimot
mga saya’y nanunuot
ang isip ko’y napapagod
mata’y hirap sa pagluhod
pag naalala ka’y luha ang dulot.
"para lang sa iyo"giliw ko
laging tapat sa iyo
ang puso kong ito
sa gabi’t araw
lagi kang natatanaw
mahal ko
pakinggan mo ang samo ko
minamahal kita
puso ko’y umaawit
para lang sa iyo
gagawin kong lahat
tatawirin ko ang dagat
sa bundok aakyat
di tatalikod sa iyo
aabutin ang langit
manunungkit ng bituin
lilipad sa hangin
para lang sa iyo
mahal ko
buong buhay ko
iaalay sa iyo
puso’t damdamin ko’y
para lang sa iyo
gagawin kong lahat
para lang sa iyo
nais ko lang sana
tayong dalawa
gagawin kong lahat
di tatalikod sa iyo
nais ko lang sana
sagutin mo ako.
"si jacob"siya si Jacob, kilala ko
oo, si Jacob- isang guro
siya’y kilala doo’t dito
sa panulat o sa dyaryo
oo, dyaryo, nagiisa
sa panulat, magaling siya
pagtuturo’y mahalaga
estudyante, paturo ka
siya si Jacob, isang ama
paaralan, nandoon siya
nagbibigay disiplina
gabi kung uuwi na
ngunit Jacob, wala ka na
pangarap mo’y tuloy pa ba?
sino pa ba ang gagawa
iniwan mong mga pag-asa?
saan ka man naroroon
tuloy pa rin at susulong
pangarap mo na tumulong
itutuloy ng may dunong.
"nagbabalik sa iyo"kahapon lang nung ako’y nariyan pa
ang damdami’t puso ko’y kaysigla
kaypayapa ang aking nadarama
ngunit ngayo’y tila ibang-iba
bakit ba ngayo’y nilisan ka?
ang mundo ko’y bigla na lang nawala
batid ko na ang mundo ko’y ibang-iba
kapag iniwan ka’y walang tuwa
sa piling mo di na ako lalayo
sa pag-ikot ng mundo
ako’y nagbabalik sa iyo
bukas ba’y may babalikan
ako’y iyong muling hahagkan
at sa iyong mga kandungan
ang nadarama’y kapayapaan
buhay ko’y napariwara
di malaman saan pupunta
ayoko nang lumisan pa
hanggat nariyan ka
sa piling mo sinta
langit kung kapiling ka
ako’y hagkan mo pa at aawitan ka
sa iyo nakita ko
tunay at wagas na pag-ibig mo
kaya’t nagbabalik sa iyo.
my motto:
BACK TO
TOP
BACK TO MAIN
PAGE