 |
 |
 |
 |
| Scottish Forever Canadian By Choice |
 |
 |
 |
 |
 |
|
| What Happened Tae Auld Glesga? |
| Oh where is the Glesga where I used tae stay? Wi' white wally closes done up wi' pipe clay Where ye knew every neighbour from first floor to third And tae keep yer door shut was considered absurd Where are the weans that once played in the street? Wi' a jorrie, a peerie, a girl wi' a cleet. Can they still cadge a hudgie, or dreep aff a dike Play hunch cuddy hunch, kick a can, and the like? And where is the wee shop where I used tae buy A quarter of tatties, a tupenny pie, A bag of broke biscuits, a wee soda scone And the woman aye asked,"Hoose yer Ma gettin' on?" Where is the Tally's that I knew sae well? That wee corner shoppie where they used tae sell Hot peas, a McCallum, ice cream in a poke. Ye knew they were Tally's the minute they spoke. And where is the cludgie, that cozy wee cell? The string frae the cistern, I remember sae well Where I sat wi' a caun'le, and studied the rags. A win fer the Gers, a defeat fer the Jags. Where is the tram car that once did a ton Doon Great Western Road on the Ol'Yoker run? The conductress aye knew how tae deal wi' the nyaff, "If yer goin',then come oan...If yer no, then get aff." I think o' the days o' my tenement hame We've had fancy hooses, but they're just no the same I'd swap yer goes-unders, flyovers, and jams For a tupenny ride on the auld Partick trams. Gone is the Glesga that I used tae know Big Wullie, wee Shooie, the steamie, the Co. The shilpit wee backle, the glaikit big dreep Yer ba's on the slates, and yer gas on a peep. Those days wurnae rosie, and money was tight The wages hauf finished by Setterday night. But still we came through it, and weathered the ruts. The reason is simple...Oor parents had guts. ANONYMOUS |