Wafa bhee udhoori, jufa bhee udhoori
Wohi hum, wohi tum, wohi runj-e-doori
Muhabbat main kya faasla hai zuroori
Ba-een rubt-e-baahum, ba-een zubt-e-paihum
Wohi na shukaibee, wohi na suboori
Muhabbat ki dunya, muhabbat suraapa
Yahan koi khaaki, na naari, na noori
Ye sub muntaq-o-fulsafa be huqeeqat
Ubhee tuk wohi uql kee be sha-oori
Khudi ko khudi koi jaanay na jaanay
Khuda ko khuda maan-naa hai zuroori
