Dunya yehi dunya hai to mur ja-ain gay hum bhee
Hum say bhee ulajhtay hain ba-hur-gaam yeh sayay
Shayad yeh samajhtay hain keh dur ja-ain gay hum bhee
Jaisay bhee hain, insaan hain, aye baad-e-mukhalif
Tinkay to nahin hain keh bikhur ja-ain gay hum bhee
Yeh tundee-o-taizee hay to lehron kay saharay
Kushtee na sahee paar utar ja-ain gay hum bhee
Tofeeq-e-ghum-e-ishq bhee sub ko nahin miltee
Khush hain keh yeh ik kaam to kur ja-ain gay hum bhee
Wo khoon-e-tamanna sahee, hur nuqsh-e-wafa main
Ik rung-e-dil-e-aavez to bhur ja-ain gay hum bhee
Yeh ishq ki fitrat main wadeeyut hai uzul say
Ik nuqsh-e-haseen bun kay ubhar ja-ain gay hum bhee
Surgarm-e-safar wo bhee hai aur hum bhee musalsal
Tehra jo zamana to teher ja-ain gay hum bhee
