Hum nay bhee chund haseen lumhay guzaray thhey kubhee
Kaun manay ga kisay aaj yuqeen aye ga
hum bhee dunya ko dil-o-jan say pyaray thhey kubhee
Ub yeh aalum hay khulaa-on main bhutuktee hay nazar
zurray zurray main nihan chand sitaray thhey kubhee
Ub wohee haath hain aur chaak girayban zaalim
jin say din raat tere baal sunwaaray thhey kubhee
Zindagi jin say darukhshan thhee muhabbat zinda
isee khakustar-e-dil main wo sharaaray thhey kubhee
Bhoolna chahoon bhee ugur main to bhula bhee na sukoon
uf wo lumhay jo tere saath guzaaray thhey kubhee
Itnee zalim to na thhee gurdish-e-dauran Rahi
itnay bay bus to na hum ishq kay maaray thhey kubhi
