Back / Next
Whakapakehatia / EnglishClick here for Poet - Hone Tuwhare
He Tangi mo Tuu-Whare
na TAOHO - (Te Roroa)
Back / Next
Whakapakehatia / EnglishClick here for Poet - Hone Tuwhare
He Tangi mo Tuu-Whare
na TAOHO - (Te Roroa)
'Ra te whetuu ka mahuta i te pae,
Ka ngaro Tau-mua, e,
Kia hurihia koe ngaa one whakaparapara nei.
Ka karanga o hau, "Ka uu au ki uta," e, i.
Pinea te kapua, ko Te Rangi-tau-mai;
Mehemea Taawhaki i roto i to riu.
O haerenga popoto, e,
Haere i te ata, e, te ata o Taariki;
Ka whiti mai ko te raa, e,
Ka kai ki to kiri.
Utaina atu ra, e,
Ka hemo ngaa hau o Niwa.
Haere i te ata, e, ko ngaa karere
A Kama raaua ko Okioki.
Uira i te rangi, e,
Ko Te Kura-pootae taku aarai riri,e,
Ki runga te taumata,
I te noohanga ruunanga, e,
I a Matohi ma nei,
Tenei ngaa patu, e, kei o maatua,
Kei a Muru-paenga, e, hei here i te waka;
Hei koorero tuu, e, hei whakaaro i te riri.
He atua rere rangi, e,
Ki runga o Tara-naki;
Ka rangona te paanga, e,
He waka utanga nui na oo pootiki, naa i.
Ka mate kei te tai ki te uru.
Toia taku waka ki uta, e,
Ko te raakau na Tuu, ko Tani-mamao;
He whare riri, e, na oo Tuupuna.
He kauhoa moou, e, ko Papa-tuu-ki-te-rangi
Ki runga o Hikawera, e,
Marere te punga o Mairu, e,
Te waka o Whakatau, naa i.
Ngaro noa Tuu-whare ra i te huinga koorero.
Tenei to patu, e, ko Kapua-mangu;
Ka taka i te whare to puu tangi ata, e,
Kia mihia atu, hei whakarongo mai, e,
Ma rau o iwi, naa, i.
Pinea ki tawhiti, ki runga Maunga-nui.
E Tohe! tangi kino, whakarongo mai ra
Te kauhoa taua i to matua ra,
E moe i te hau, naa i.
