Íslenski Manchester City vefurinn

NET-FRÉTTABRÉF

MANCHESTER CITY - KLÚBBINS

5. TÖLUBLAÐ - 11. JANÚAR 2004

Ágætu félagar.

1. Ég vil byrja á að óska ykkur gleðilegs árs og friðar. Nokkuð langt er síðan síðasta fréttabréf klúbbsins sá dagsins ljós og eru einkum þrjár skýringar á því. Í fyrsta lagi miklar annir, í öðru lagi dálítil vandræði í nettengingu hjá mér og í þriðja lagi frekar dapurt gengi okkar manna í Englandi. Þetta síðasttalda á þó ekki að vera veigamikil skýring og sú von er í brjósti að það fari að ganga betur. Annað er ekki hægt. Og djöfull er þetta hvimleitt ástand!

2. Liðinu okkar hefur ekki gengið sem skyldi að undanförnu. Nú eru komnir 13 leikir án sigurs og einungis gott gengi í upphafi forðar okkur frá þremur neðstu sætunum. Maður er alltaf að reyna að átta sig á því af hverju þetta skuli vera svona. Það virðist ekkert ganga; hvorki gegn hinum svokölluðu stórliðum né liðum sem maður myndi ætla að við ættum að sigra.

3. Það virðist sem okkar menn séu einfaldlega ekki í standi. Aftasti hluti liðsins virðist vera mjög slappur. Þá er ég líka ósáttur við stóru nöfnin, menn eins og McManaman, Sinclair og Fowler. Allt fyrrum enskir landsliðsmenn sem eiga að vera upp á sitt besta á þessum aldri. Þeir eru ekki svipur hjá sjón. Annars er hægt að diskútera þetta fram og aftur.

4. Annars berast góð tíðindi frá félaginu þessa dagana, en Árni Gautur Arason mun æfa með liðinu á næstu dögum. Það er vonandi að hann fái tækifæri enda frábær markmaður. Ekki leist mér sérstaklega vel á þennan Ellegard í leiknum í gær og Seaman hefur farið mikið aftur á stuttum tíma.

5. Fréttabréf klúbbsins eru komin á íslenska Manchester City-vefinn. Þar má fletta þeim upp og lesa. Væntanlega bætist þetta fréttabréf við safnið. Annars eru félagar hvattir til þess að kíkja á vefinn af og til og þá jafnvel leggja eitthvað til málanna á spjallsvæðinu.

6. Eitt af því sem klúbbnum var ætlað að gera er að standa fyrir ferð til Englands á leik með City. Þetta hefur eitthvað verið orðað, en það virðast ekki vera margir sem eru að spá í þetta. Ekki nógu margir í sérstaka ferð. Sjálfur er ég að spá í ferð með ÍT-ferðum nú í febrúar, en ég og félagar mínir höfum farið út á hverju ári síðustu 6 ár. Ég geri því ráð fyrir að sjá City gegn Birmingham sunnudaginn 8. febrúar. Það er kannski tilvalið fyrir aðra City-menn að spá í þessa ferð og þennan leik. Finna má upplýsingar hjá ÍT-ferðum.

7. Næsti leikur City er gegn Blackburn um næstu helgi. Á þessu stigi veit ég ekki hvort leikurinn verði sýndur eða ekki, en það er að fara koma tími á að við hittumst og horfum á leik í Ölveri. Best væri að sjá annað hvort sunnudagsleik eða mánudagsleik. Fylgst verður með.

8. Ég vil þakka nokkrum félögum fyrir ötula félagaöflun að undanförnu og hvet um leið alla til þess að drífa í félagið þá sem þeir vita um.

9. Ég vona að næsta fréttabréf komi út innan skamms. Gott væri að fá komment frá félagsmönnum sem síðan er hægt að birta í bréfinu.

Kveðja.

Magnús Ingvason, formaður

1. Ágætlega gengur hjá okkar mönnum í Englandi. Liðinu vantar þó enn þann stöðugleika sem þarf til þess að vera á meðal allra efstu liða. Slæmt tap gegn Úlfunum og síðan gegn Chelsea varð til þess að við þokuðumst lítið upp töfluna. Svo kom sterkur og ánægjulegur sigur gegn Southamton um síðustu helgi þar sem Robbie nokkur Fowler skoraði glæsilegt mark. Í millitíðinni komst City áfram í ensku deildarbikarkeppninni og mætir Tottenham í næstu umferð. Um helgina tekur liðið svo á móti Leicester og þar verða að koma 3 stig. Leikurinn verður án efa sýndur í Ölveri og bið ég menn um að fylgjast með (síða 667 í Textavarpinu).

2. Næsti leikur er hins vegar gegn pólska liðinu Groclin í þriðju umferð Evrópukeppninnar annað kvöld, fimmtudagskvöldið 6. nóvember. Leikurinn verður sýndur á Ölveri og hefst samkvæmt mínum heimildum kl. 20:00 (í síðasta Evrópuleik skoluðust tímasetningar eitthvað til). Ég hvet menn til þess að mæta á svæðið og horfa á leikinn í „vinahópi."

3. Pólska liðið er á meðal efstu liða í pólsku deildinni um þessar mundir, en opinbert nafn liðsins er Klub Sportowy Groclin Dyskobolia Grodzisk Wielkopolski (hvorki meira né minna (væri gaman að sjá allt nafnið á markatöflu)). Í fyrstu umferðinni sló liðið út litháískt lið, Atlantas og í annarri umferðinni átti það þátt í óvæntustu úrslitum Evrópukeppninnar til þessa þegar það sló út Herthu Berlin. Groclin vann samanlagt 1-0. Þetta virðist því ágætis lið, en krafan hlýtur þó að vera sigur.

4. Ég minntist hér að ofan á leik gegn Chelsea, en hann var sýndur á Sýn. Ég horfði á leikinn og varð fyrir gífurlegum vonbrigðum með sjónvarpslýsinguna á þeim leik. Nánast allt sem leikmenn Chelsea gerðu var frábært og þessi Mutu mátti einfaldlega ekki fá boltann án þess að þulurinn hrópaði upp hástemmd lýsingarorð. Ég hef ekki orðið vitni (eða tekið eftir) að annari eins hlutdrægni og á köflum var þetta neyðarlegt. Dæmi: Wanchope féll við í samstuði við leikmann Chelsea og að mati þularins var þetta leikaraskapur sem „á ekki að sjást á leikvellinum." Þremur mínútum síðar datt áðurnefndur Mutu í samstuði og í endursýningu sást að ekki var brot. Þulurinn sagði þá að menn yrðu að nota ýmis brögð til þess að komast af. „Fyndnust" voru ummæli um réttilega dæmda rangstöðu á City. Vandamálið var að sá rangstæði og aftasti varnarmaður Chelsea voru ekki í mynd. Í kringum 25 önnur ummæli lét ég fara í taugarnar á mér. Þetta var „amatörismi" af verstu gerð og á meðan svona er í gangi getur Sýn ekki auglýst sig sem „bestu íþróttastöð í heiminum" eins og heyra má í auglýsingum þeirra. Ég er áskrifandi að stöðinni og á kröfu á faglega og hlutlausa umfjöllun. Mér finnst ekki raunhæfur kostur að slökkva á lýsingu, því ég borga að sjálfsögðu líka fyrir hana.

5. Við höfum aðeins verið að pæla í nafni á leikvanginum, City of Manchester Stadium. Samkvæmt áreiðanlegum fréttum er nafn leikvangsins aðeins til bráðabirgða, en varanlegt nafn verður líklega ákveðið í samráði við styrktaraðila. Lesendur enska City-fréttabréfsins fengu að láta álit sitt í ljós nú í október og urðu úrslitin eftirfarandi: 1. City of Manchester Stadium. 2. Eastlands. 3. Blue Camp. Sjálfur er ég sammála Kristni Guðjónssyni (sjá lið 9) og líst nokkuð vel á The City Stadium.

6. Enn eru menn að skoða hvað gera eigi við Maine Road. Helstu hugmyndir í dag eru að rífa leikvanginn og bygga 400 íbúðir fyrir gamla fólkið. Framkvæmdir eiga þá að hefjast í vor. Síðan City hætti að leika á vellinum hefur íbúðarverð við völlinn hækkað um 25%.

7. Í fréttablaðinu News of the World er ítarleg frásögn og myndasería af nokkrum leikmönnum Manchester City á næturklúbbi í Colchester. Robbie Fowler er þar í aðalhlutverki. Þar er hann "wasted" (eins og það er orðað undir myndinni) og á annarri mynd er hann að kyssa einhverja ljósku (og þess getið að eiginkona og þrjú börn hafi beðið heima). Í greininni eru fjálglegar lýsingar á drykkjuskap leikmanna City og að þeir hafi drukkið yfir 200 bjórflöskur um kvöldið. Þeir sem voru þarna um kvöldið voru Steve McManaman, Danny Tiatto, Claudio Reyna, Trevor Sinclair og Jonathan Macken, auk Fowlers. Reyndar er tilgreint sérstaklega að McManaman hafi hagað sér vel og verið edrú. Blaðið News of the World þykir ekki sérlega áreiðanlegt og vonandi að þessar sögur séu töluvert ýktar.

8. Félagafjöldinn í félaginu okkar er nú að nálgast 40. Ég vil þakka þeim sem hafa verið ötulir að finna City menn á undanförnum vikum með áskorun um að allir láti til sín taka í þeim efnum.

9. Í síðasta fréttabréfi óskaði ég eftir hugmyndum um nafn á félagið okkar. Ég fékk nokkur svör og skulu þau birt hér. Eins og áður eru bréfin stytt aðeins (og ávörpum og kveðjum sleppt) í einhverjum tilfellum.

Hallgrímur Kúld: Legg til að klúbburinn verði kallaður Manchester City - klúbburinn á Íslandi.

Davíð Brynjar Sigurjónsson: Mér datt bara þetta nafn á klúbbinn í hug þegar ég var að lesa yfir hin
nöfnin; Blámáni (Blue Moon).

Sigurjón Bragason: Mér líst mjög vel á Íslandsdeild Manchester City.

10. Ég læt svona í lokin fylgja með grein í enska netfréttablaðinu sem ég fæ tvisvar í viku. Þessi grein er reyndar í kringum 10 daga gömul.

NO WONDER KEV'S GONE TO ICELAND.........
The rumours concerning Eidur Gudjohnsen have gained further credence this week. According to the Sunday Mirror, City are closing in on Gudjohnsen, and have also enquired about Dutch defender Mario Melchiot. The paper also claims that KK has finally lost patience with Robbie Fowler. Keegan will not have a clear run at the Icelander, however. Monday press reports in the North East state that Sir Bobby Robson has also made an enquiry for Gudjohnsen, who is seen as a potential successor to Alan Shearer's number nine shirt.

Með Manchester City - kveðju

1. Ég vil byrja á að þakka hlý orð í garð þessa fréttabréfs. Megin tilgangur þess er að þjappa saman City-stuðningsmönnum og ef það tekst er það vel.

2. Helstu fréttirnar frá Englandi í dag er áhugi Kevin Keegans á Eiði Smára Guðjohnsen. Það er óhætt að segja að gaman væri að fá hann til liðs við City. Það eru þó ekki miklar líkur á að Chelsea vilji selja hann. Eins hefur verið sagt að til að fá Eið Smára þurfi Keegan að losa Fowler frá félaginu og eins og staðan er í dag bíða kaupendur varla í löngum röðum. Það er þó aldrei að vita hvað gerist.

3. City tapaði fyrir Wolves í síðustu umferð. Úrslitin þýða aðeins eitt; maður er lagður í einelti í þrjá til fjóra daga. Svo lagast þetta. Síðustu 3 leikir (gegn Fulham, Tottenham og Wolves) hafa aðeins skilað tveimur stigum og það er einfaldlega ekki nógu gott. Vonandi nær Keegan að peppa þetta aðeins upp. Svona gengur þetta ekki ef við ætlum okkur að vera í toppbaráttunni í vor.

4. Næsti leikur er Evrópuleikur gegn Lokeren þann 15. október. Töluverðar líkur eru á að leikurinn verði sýndur hér á landi. Fylgst verður með og félagar látnir vita a.m.k. með tveggja daga fyrirvara. Fyrri leiknum lauk með naumum 3-2 sigri City og því ljóst að síðari leikurinn verður erfiður. Við verðum að vinna og komast áfram.

5. Í síðasta fréttabréfi minntist ég á umræður í netfréttabréfi City-stuðningsmanna á Englandi um nafn á nýja leikvanginn. Nú gefst stuðningsmönnum kostur á að kjósa um nöfn, en ég er ekki klár á því hvað verði gert við niðurstöðurnar (var verið að spyrja um það í fréttabréfinu, en engin svör enn sem komið er (eftir að ég skrifaði þetta barst bréf frá Sigurjóni Bragasyni sem skýrir þetta töluvert (sjá lið 10 hér fyrir neðan))). Þetta er því mögulega aðeins til gamans gert eða þá að stuðningsmenn ætli að kalla leikvanginn því nafni þrátt fyrir annað nafn. Undirrótin er óþjált nafn leikvangsins, City of Manchester Stadium. Nú getið þið líka kosið um nafn með eftirfarandi hætti. Sendið tölvupóst á [email protected] og skrifið ykkar tillögu að nafni í subject-línuna. Ekkert annað. Sendið svo. Og nöfnin sem koma til greina eru eftirfarandi:

- Hyde Road
- Maine Road
- New Maine Road
- Blue Camp
- The City of Manchester Stadium
- The City Stadium
- The Commonwealth Stadium
- Eastlands
- Manchester City Ground
- The Citadel

6. Og fyrst talað er um kosningar þá er ekki úr vegi að hafa sama fyrirkomulag vegna nafns á okkar félagi. Í síðasta fréttabréfi bað ég um tillögur um nafn. Einhver viðbrögð fékk ég, en almennt tjáðu félagsmenn sig ekki mikið um málið. Mikilvægt er fyrir stjórn félagsins að heyra álit félaga þar sem m.a. er möguleiki á að framleidd verði félagsskírteini á næstunni og þá þarf félagið að heita eitthvað. Nú skulum við því hafa dálítið formlega könnun. Ég vil að menn taki afstöðu til neðangreindra nafna og sendi það með svipuðum hætti og hér að ofan Sendið tölvupóst á [email protected] (eða reply) og skrifið ykkar tillögu að nafni í subject-línuna. Ekkert annað. Sendið svo. Og nöfnin sem koma til greina eru eftirfarandi:

Félögum er heimilt að koma með aðrar hugmyndir að nafni eða mögulega einhverjar „varíasjónir" við þessi. Ef eitthvað verulega snjallt kemur fram verður það borið undir félagsmenn (athugið að síðustu nöfnin á listanum eru dálítið óvenjuleg og svona meira til þess að hrista aðeins upp í þessu. Það má þó kjósa þau).

7. Í enska netfréttabréfinu eiga sér stað líflegar umræður um alls konar mál. Einn skrifaði í síðustu viku og bað menn um að hætta að kenna Sun Jihai um allt sem miður fer. Viðkomandi benti á að Sun hafi átt fleiri fyrirgjafir í síðasta leik heldur en vængmennirnir Tarnat og Sinclair til samans.

9. Eins og nefnt var í fyrsta fréttabréfi klúbbsins var til fyrir nokkrum árum stuðningsmannafélag Manchester City á Íslandi. Til er félagaskrá frá þeim tíma. Fróðlegt er að bera hana saman við félagaskrána núna. Í dag eru hjá okkur 34 félagar. Helmingur þeirra, 17 félagar voru skráðir í gamla félagið. Hins vegar eru 42 einstaklingar í gömlu félagaskránni sem ekki eru í nýja félaginu. Reyndar hef ég talað við tvo þeirra og hvorugur er City-maður. Það er því ekki víst að allir í gamla félaginu hafi verið stuðningsmenn. Markmiðið er þó að fá upplýsingar um stærstan hluta þessara einstaklinga. Í þessu fréttabréfi og nokkrum þeim næstu ætla ég að birta nöfn einstaklinga sem voru á skrá í gamla félaginu. Ef þið kannist við nöfnin, hafið þá samband við viðkomandi og skráið í félagið með því að senda mér helstu upplýsingar (þ.á.m. netfang).

10. Sigurjón Bragason, Hallur Hallsson og Torfi Magnússon fá prik fyrir að koma inn með nýja félaga.

11. Fréttabréfinu hefur borist nokkur bréf frá félögum. Í einhverjum tilfellum eru bréfin stytt aðeins (og ávörpum og kveðjum sleppt).

Hallur Hallsson: Íslandsdeild Manchester City hljómar vel. Borðinn er glæsilegur.

Haraldur A. Haraldsson: Takk fyrir póstinn, hann er mjög læsilegur og röndin kemur vel út.

Starri Heiðmarsson: Þakka fréttabréfin! Ég skoða póstinn minn í Lotus Notes og þar var síðasta fréttabréf nánast ólæsilegt vegna MCFC merkisins sem þakti allt bréfið. Þetta var þó auðleyst en ég flutti bara texta fréttabréfsins yfir í Word.

Hallgrímur Kúld: Takk fyrir meilið. Líst vel á að fara á leik með City og skemmtilegast væri að fara 13. mars á City-United og ég var að tala við Þóri Jóns hjá Úrval-Útsýn um að þeir skipulögðu ferð á leikinn. Hann sagði að við ættum sem klúbbur að athuga hvað við gætum fengið marga miða en við yrðum að vera skráðir City-klúbbur hjá þeim eða svo hélt hann.Væri gaman eð fara sem hópur sérstaklega á þennan leik.

Sigurjón Bragason: Ég stóð í þeirri trú, að City of Manchester Stadium væri bráðabirgðarnafn, á meðan á byggingu leikvangsins stóð. Þegar nær dró, þá voru uppi hugmyndir að skíra völlinn í samráði við aðal fjárhagsaðilann sem er FIRST ADVICE. Þeir lentu hins vegar í fjárhagserfiðleikum. En ekkert varð úr þessu og nafnið var látið halda sér. Ég veit ekki betur en nýr fjárhagsaðili sé THOMAS COOK, ferðaskrifstofa sem er mjög þekkt á Bretlandi. Þeir verða með auglýsingu á búningum City næsta tímabil og væntalega verður völlurinn nefndur í samráði við þá. Eins og kom fram í síðasta fréttabréfi eru ýmis nöfn sem koma til greina. Mér finnst EASTLAND STADIUM vera gott og þjált nafn sem hlýtur að koma til greina, þar sem völlurinn stendur á svæði sem heitir Eastland. Einnig er CITY PARK ágætisnafn.