| AIKNANOIK TIMOR NIAN / EAST TIMOR FOLK STORY |
| Belun sira, rahunkmanek ba imi hotu...! Iha nee hau ata hadia hela fatin ida ba aiknanoik Timor nian...! Hau ata husu ita boot sira nia liman (kolaborasaun) atu bele halibur hamutuk ita nia aiknanoik nebe iha hodi tau hamutuk iha fatin ida nee...! Liu husi nee ita bele buka no kee fila fali ita nia soin sira nebe ita nia beiala sira husik tiha mai ita...! Ita nia loron ohin loron, foinsae barak mak ladun fo folin ba buat hira nebe ita nian, ida hanesan ita nia aiknanoik hirak nebe ita nia beiala sira halo, sira la hakerek maibe sira hametin no haburas sira nafatin ba nafatin liu husi haktuir ba oan no beioan sira husi otas ba otas...! Ita ohin loron hatene hakerek no le, neduni atu la bele halakon no hamate buat hirak nee, diak liu ita hakerek tiha, atu nunee ita nia oan ho beioan sira nebe tuir mai, waihira karik sira haluha atu haktuir ba sira nia oan sira, soin hirak nee sei la lakon tamba hakerek hela...! Nusa mak ema seluk fo folin ba buat nebe sira nian, ita lae? Ba belun sira nia hakaran atu lolo liman hamutuk, hau ata hatoo hau nia laran kmaus (agradesementu)...! |