|
|
| |
| . |
|
|
|
| |
w
w w w w w w w w w w w w w w
|
| |
|
| |
| Emponderanzas
sin acuerdo entre Bush e Putin. 16
de nob. de 2001 |
| Dimpués
de tres diyas de runions, o presidén de os Estatos
Unitos, George Bush, e o de Rusia, Vladimir Putin,
rematoron sin resolber as suyas esferenzias en o
respeutibe á o programa d'esfensa de misils que Estatos
Unitos deseya. Bush declaró que él e Putin eban
prometito reduzir os suyos arsenals nucleyars, colaborar
en a guerra contra o terrorismo, pribar a cursa
d'armamento e mirar formulas de cordinazión economica
ta os dos países. |
| L'Alianza
de o Norte á punto de prener Kandahar. 14
nob. 2001 |
| Dimpués
de a cayedura de Kabul e de a prenedura de Jalalabad por
disidens paxtún, as fuerzas de a oposizión pregonan a
suya dentrada en oras beniens en a ziudat de Kandahar,
siede espritugal de o rechimen talibán. A
conquiesta de Jalalabad ye importán por a suya
posizión estratechica, que premite l'aczeso á
Pakistán, e podreba fazelitar o paso de l'aduya
umanitaria. A ONU no prebeye imbiar-ie cascos azuls. As
fuerzas anti-Talibán ya s'han apoderato de dos tierzos
de o país. |
|
| Un
mozo muerto e una choben aforzata por os prisioners que
fuyoron de Leida. 15
nob. 2001 |
| O
pasato martes, de nueis, un choben de 23 añadas fue
asasinato zerca d'un bosque en o monezipio barzelonés
de Cerdanyola del Vallès. A suya nobia fue aforzata e
ligata á un árbol, de o cual podió esligar-se ta
plegar, ligata de mans, amordazata e espullata, dica una
torre en do abisó á un bechilán de o que pasaba.
Fuens polizials aseguran que se trata de Manuel Brito e
Francisco Picatoste, os dos malfeitors
"estrematamén periglosos" que fuyoron de a
gayola de Leida o pasato 14 d'otubre, ferindo de
grabedat á dos mossos d'esquadra. |
| O
catalán, o basco e o gallego fegurarán en as
estampetas. 15
de nobiembre de 2001 |
| A
comisión cheneral de as autonomías de o Senato aprebó
ayer dos mozions presentatas por a Entesa Catalana de
Progrés que instan á o gubierno zentral á promober o
emplego de catalán, gallego e basco en as estampetas e
belatros efeutos postals. (Beyer en articlos) |
| Mueren
22 chubilatos catalans por o bulco d'un autobús en
Huelva. 14
nob. 2001 |
| Á
lo menos 22 muertos e más de 20 feritos en bulcar un
autobús amán de o monezipio de Villarrasa (Huelva). O
beíclo, en o que biachiaban chubilatos de Tarragona e
belatras poblazions catalanas, tornaba enta l'otel
dimpués de besitar un molimento natural de a sierra de
Huelva, cuan se salió en una curba de a carretera A-493
arredol de as dos de a tardi. O guiador de l'autobús
no ha muerto en l'azidén. |
| Fortal
protesta d'estudians en contra de a Lai Organica
d'Unibersidaz. 14
nob. 2001 |
| O
martes en Barzelona, e o miércols en muitas atras
ziudaz de a peninsula, os estudians son salius ta las
carreras manifestando-sen en contra de a LOU (Lai
Organica d'Unibersidaz) empulsata por o Gubierno. Se
calcula en más de 30.000 os escolanos que se'n quexoron
o martes, estando tamién moltetudinarias as
manifestazions d'iste miércols, más que más en
Madrid, an ubriban a protesta estudians anonimos que,
con mascaretas blancas e as bocas sellatas, portaban una
pancarta an se leyeba: "No á la LOU. Unatra
Unibersidat ye posible". Á la
mobilizazión s'han adibito muitos profesors, presonal
d'almenistrazión e serbizios d'unibersidaz publicas,
dirichens sindicals e bels politicos, como Gaspar
Llamazares. |
|
| O
Comité de as Rechions de a Unión Europeya será
presidito por Eduardo Zaplana. 15
de nob. 2001 |
| O
presidén de a Comunidat Balenziana, Eduardo Zaplana,
fue desinnato por o Partito Popular Europeyo candidato
á presidir o Comité de as Rechions de a UE en o
periodo de sesions benién. A triga de Zaplana ye
asegurata por os botos de os populars europeyos (84) e
de os liberals, pero como ye normal sólo que ocupará
lo puesto dos añadas, estando-ne as atras dos por o
candidato de o Grupo Sozialista (94 miembros), l'alcalde
de Birmingham, Albert Bore. A triga de Zaplana se debe
en gran parti á las chestions de o secretario cheneral
de o PPE, Alejandro Agag, e de o capezero de o PP en o
Parlamento Europeyo, que se ganoron a emparanza
d'italianos, franzeses e alemans. Remeremos que o
Comité acostumbra á elaborar informes arredol de a codesión economica e sozial,
os retes transeuropeyos de
tresporte, salut, educazión, cultura, politica laboral,
meyo ambién e formazión profesional. |
| Os
corresponsals de a telebisión Al-Chazira desentan as
ziudaz de Kabul e Kandahar. 14
nob. 2001 |
| A
telebisión Al-Chazira, clamata la "CNN
arabe", desentó lo martes a capital afganesa
dimpués de a salida de os talibán. En o suyo sitio en
Internet, a cadena informa que bels bombardeyos
americanos abreban estrozato a suya estazión instalata
en a ziudat de Kabul. No bi ha que penar por bitimas,
pero ya no se disposará de meyos de difusión. En o
causo de l'abandono de Kandahar, un miembro de a
redazión d'Al-Chazira ha declarato que o corresponsal,
Yusef Al-Xulí, simplemén "ha replegato as
suyas cosas e se'n ye ito", sin prezisar-ne as
razons. Os dos periodistas eban contrebuyito prou
á la imachen ofrexita por a cadena, asabelo bista en o
mundo arabe, solizitata por os meyos de comunicazión
foranos e acusata á bezes de fer propaganda
pro-Talibán, en espezial dimpués de as emisions de os
mensaches de Bin Laden, l'ombre más encalzato
autualmén en o mundo. |
|
|
