|
| |
Yingana Y'Akaaga…Wusweengi wéena mayelu, Nduungi yi Madimu
Musonigi : Lumbwe Mudindaambi Ngiisigéedi Gayala ga Masuunga…
41. « Mafwagáfwáaga…mágáfwíidi nyogi mugilúungu ! »
42. « Anyáangi eéna yimbaándanzila…ágádubaánda yi túunda…ágududyaambubula ! »
43. « Hosi dáa Muloóngi wúluúnga guloónga guguloóngilaa…wwéena yi gifu gyéndi ! »
44. « Lóo gufwa mafwagáfwáaga…mágáfíidi nyogi mugilúúngu ! »
45. « Ngoma gusíida…háa maginu málemu. »
46. « Kadu yi máayeyi mbí muwugágáabidi…yimugasiké muwugagáaba. »
47. « Kéenda gweéna wúbádununa, masáandangala…mágáganini gudifíila góondi ! »
48. « Luzíingu maándi…gudya…dáad'éndi ngolu ! »
49. « wíisí mbí musáandangala…wúgádisagila nzu yi gufíila ! »
50. « Gifudzi gyo gígugoónda gwíisiya gífumu gifumu…gíguzíingaa mugyúúni! »
51. « gidu mbílío puda yígufúumbula mbílóo yigufúumbuluga…yígáhida yi gulemina mubúulu ! »
52. « Nzu yo yígugoónda guzola gwíisiya góluůi gimulumi…yíguzíinga mumaváanga …yéengila mimipasu ! »
53. « Lóo gufúumbulula gidu mbílóo puda…yi báasagila luhaángu lugugola. »
54. «Díímbu dyo dígoóndalaba ludumu lufumudíímbu…díguzíinga muminwáanu!»
55. « Mulogi muguloga muúdu…fúundu águsaa yi Nzáambi mpúungu magani yi mawéesi méndi. »
56. « Nzáambi mpúungu magani yi maweesi éena fumu…muludigi muúdu. »
57. « Mbí muwubidandosi…múdu wúgúfuda. »
Ayi wukweédzi mwáana yi gifudzi, máa nu.
Muyíima yí yo yáádi, mwáana yi gifudzi, máa nu yí yiinza makáasi magola sila.
Mumáanu mbí lóo gifudzi gyo gyaáyi gweéna gaga giyíinzisilu, lupidáadi lumosi buna !
Mugiyíinzisidi gyo, mbí lóo giyíinzidi gyo gweéna yi nsigu mbí mugóondu mbí áyi weéna yi akáasi mbí ayíinzi mbadiwugudwáala mbí gudzwáala teégu muúdu wumosi. Mbí wúgola mbí lóo wúfwa, háa wudwáala mbí lóo wudwáala áto mweega. Ayi náa wugadzwáala, wugadwáala teégu ? Agyo mumwíila yigi ? »
Yígadwáala, yígadwzwáala teégu Máanu, gifudzi.
Mumwíila yigí ? Mumwíila mbí Mwáana wúfwa, yígamuzíiga mu Máanu, ha Gifudzi. Mbí wúgola, ágazíingila ha Máanu, mu gifudzi.
Háa mbí Máanu, Gifudzi gífwa ! Mwáana mbíwugola lóo ágadáala gihani giguzíingila. Mwáana ágafwa mulela nga mbáambi. Mbí Mwáana wúfwa, lóo wúgadáala gihani gigumuzíigila, ágagubodila gumyóogu !
58. « Nzáambi mpúungu magáni yi mawéesi wúgayídigidi
muzigisi…dimusamumwáambi yi mugayolu. »
59. « Nzáambi mpúungu magáni yi mawéesi méndi diwéemba wungulu…amvóonduamanasa
mumilomu. » |
|
60. « Nzáambi mpúungu magáni di wéemba
Góombu tumay kayibu yi ganunu bayala kabandona gisóongidila …muúdu yi luzíingu
Gacyóolu ngunganzáamba guluungana yi Gingadi sinasa sangalambala gisóongidila … gumega yi gubíinga.
Mbeda dagi abinentu yi gizíinga oneyi lobo gisóongidila …guguna yi guzíingisa.
Mazéemba keyita bekemakoto yi ganunumwáanga gisóongidila …gusala téegu gibáanza háa wubula tulu ?
Ma zina mŕ,mAkaága zyeedu ateegu a haádu abuumbula a Afriga. Gisina gyóowu ha masida mbáanza mumbíimba záanga dyo dyéena zina mbi Lac Tchad. »
61. « Gwáalagána gutúungi musidu…ángáangambwa ágúsigila kuumbu…kuni mumalóónga …haadu muyizigu. »
62. «Muyeésa gusóómba… munéedu muyóómbu yimusiísa ! ».
63. « Madakama…amana yi gubwa konu …amana yé guzúuma !. »
64. « Gigusa giguséenda…gigugáamba méesu dudúu ! ».
65. « Myáambi mígóónda nzéenzi mbilóo musíida…myeéna nga givuba gimaginu…gígóónda agini !. »
66. « Gúgčedi gilóombi…lóo gígávudidi guhwa !. »
67. « Wúgoónda gugúgúumbula…ágúguúléendigil hagiwáawa gimeéma ! »
68. « Ngolu zimwíila yi zimayelumaguzibazigilaa…mwáanyowu mumwíila gakéela ke wufugu. »
69. « Nzáambi Mpúungu magáni di yidiga gifudzi…dyáa swáama…wúgádzíina milabu ! »
70. « Dulu lóo dúguhwaa…haá dáángu múdiguhwaa. »
71. « Mbwa mugusema ….di giduga dáada wanóowu ! »
72. « Lusungu …lúgéenda y'áná midóondu ! »
73. « Nzáambi Mpúungu magáni waswáama mududa…mawéesi mapáanda mágulúmuga. »
74. « Nzáambi Mpúungu magáni wúgálele mulunzedinzedi…muzigisi méesa dizigisá. »
75. « Gifudzi,Nzáambi Mpúungu magáni yé béeni wúgagiwéembidi…yé béeni ké wúgugidwáadisaaa. »
76. « Nzáambi Mpúngu magáni diwúmba…gubul'ábáada. »
77. « Lóo gwéena yi muúdu wwíissi manúunga ma Nzáambi mpúungu magáni…ngá manúunga mafumu. »
78. « Mwiíla wumwáana wumwíingi mukimina…háa móoni wukáni wu Nzáambi. »
79. « Fumu lóo eéna Nzáambi Mpúungu magáni…Nzáambi haádu éndji ! »
80. « Ngona guluga ….yi miguungi gyóo! »
|
Lumbwe Mudindambi Ngiisigéedi Gayala ga Masuunga…
Gagasuungé Ndungi Kayi gu myoogu Ndaanga gu Miilu.
Yingana Y'Akaaga…Maloongu, Maloongi, nduungi, madimu, luwéenzu, mayelu,
Yisima, myaanda : wuswéengi woowu |
