Isang katuparan! Sa pinagsama-samang talino at paggawa, nabuo ang ating opisyal na logo. Ito ay napagtibay noong ika-7 ng Hulyo, 1977. Tatsulok, bilog, pula, at asul ang siyang nagpatingkas sa makahulugang logo. Makahulugan sapagkat ang kabuuan ng logo ay nag-aangkin ng pinag-isang interpretasyon.
Ang pula sa tatsulok ay sagisag ng mga problemang hinaharap ng ating kapatiran gayundin ng mas malawak na lipunan. Ang asul ay simbolo ng pag-asa na makakamit natin ang ating mga mithiin. Upang pag-ugnayin ang dalawa, ang kamao ng ikatlong tao ay lumabas sa tatsulok bilang tanda na ang pakikibaka ay kaakibat naman ng pag-asa.
sapagkat ang kapatiran ay bahagi ng mas malawak na lipunan, ang pangalan at ang taon ng kanyang pagkakkatatag ay nasa loob ng tatsulok. Ang Ang Tao ay nagpapahiwatig ng pag-unlad ng tao mula sa kanyang pagkawalang-muwang, pagkamulat, pakikipag-laban, at pagpapakatatag.
Bigyan natin ng tunay na kahulugan ang logo sa pamamagitan ng aktibong pagkilos sa pagsasakatuparan ng ating adhikaing makapagsilbi sa mas malawak na lipunan.
