POZNAME - HINDISTAN. Ji mêj de ez ji we maran re dibêjim, xwe nêzî me nekin lê ta niha we bawer nedikir. Ha ji we re nimûneyek ka em dikarin çi bikin:
Roja 13.8.2002 marekê xwe xwişand malek hindistanî û jinika bi zarokên xwe ve raketî gezand. Hurmet ji xewê şiyar bû, mar girt destê xwe û ta jê hat mar da ber gez û leqên devê. Mar bi geza xanimê mir lê jinik sirpîsax ma!
Ganên we me aciz dikin!
POZNAME - ÎTALYA. Hin ji rûniştvanên bajarê Îtalyayê Peglî doz li jin û mêrek cîranên xwe kiriye ji ber ku ew dema diçin nivîna hev gelekî bi dengbilindî karê xwe dimeşînin.
Angorî dozvekeran, ev jin û mêr derengî tên mal û dema gihan malê, dest bi ahîn û nalînên bi dengbilindî dikin û ev ahîn û nalînên wan pênc-şeş caran di şevê de dubare dibin û her carê bi maweyek nîvsaetî didomin.
Bo ku cîranên wan bikarin mijarê bi dadgehê bidin bawerkirin, wan dengê ahîna wan û çîrreçîrra text û nivînên wan tomarî kasetan kiriye û daye dest dadgehê. Dadgehê jî polîs bo vekolînên berfiretir seferber kirine.
Dizê şaşik û cemedaniyan bigirin!
POZNAME - KANADA. Polîsê Kanadayê li pey tawankarekî ye ku kar û sen'etê wî revandina şaşik û cemedaniyên sîxiyan (dînek/olek ji Hindistanê) e.
Bo zelamên sîxî bikaranîna şaşikan pêdivî û zerûrî ye û revandina cemedaniyên wan bûye sedema zivêrbûnek dijwar a giyanî.
Jina heştem li 96-saliyê!
POZNAME - NEPAL. Zelamek nepalî yê 96-salî ev caran heştan e dizewice. Jina wî ya nû 35-salî ye. Bapîrok bi xwe sedema zewicîna xwe wiha bo bûroya Ajansa Kevnçeyan a Poznameyê ya li Nepalê wiha ragihand:
"Min 30 keç û zêdeyî pêncî neviyan hene. Lê ji berî ez bimirim, dixwazim min kurek jî hebe daku dema ez bimirim û keçên min li ser gorra min bigirîn, kurê min ji wan re bibe xemrevîn."
