A
raposa e as sardiñas
(Galicia, España)
Un
sardiñeiro levaba un burro cargado cunha caixa
de sardiñas que arrecendían a frescas a
máis dun quilómetro. Chegou o cheiro ao
nariz dunha raposa, e pensou como faría para darse
unha farta delas.
Discorreu
de facer o morto no camiño por onde ía pasar
o sardiñeiro, de xeito que cando pasou e viu a
raposa dixo:
-¡Ai,
home, que sorte che tiven hoxe! ¡A pelica desta
raposa aínda che ha de valer uns bos cartos!
E,
sen máis, pillouna polo rabo, púxoa enriba
das sardiñas e seguiu o seu camiño botando
conta das cousas que ía mercar cando vendese a
pelica. Pero a raposa, en canto se viu soa, comezou a
botar sardiñas ao chan ata non deixar ningunha
no caixón. Entón tamén se tirou ela.
Buscou
unha cesta, colleu as sardiñas todas e marchou
á sombra dun castiñeiro a comelas mentres
dicía:
-A listura da raposiña enganou ao home das sardiñas...