網主的話
※PROFILE 舊話連篇 散文集

二次七一遊記

 二次七一影集 六四•十五
七一遊記 七一純影集
會考日記 高考日記
Economics-
MUV approach(CA功課)		 給董生的情書
(UE功課)
※7/10日記
　在上CS．．． 　現在真的很無聊，出面位小姐的英文好難聽，都係自修算。仲記得上次有人叫我地「Open the computer」添，問題係我地唔係上緊砌機堂。
　最近都不知怎的，做人好似好無目標，只知道淨係返學、放學、返工、放工．．．都已經好唔得閒，好多想諗�H嘢都無時間無心情無空間去諗。雖然有時間的時候情況可能是一樣的。
　呢部電腦好掂，將我打的都變成unicode 同一堆符號。不過網頁又睇到中文。現正在討論n++同++n的分別。
　看來又是在找死，學了某角的現場報導式日記。
　嗯．．．應該是我又有點兒自閉吧。這可算是死症之一，多年來一直如此。嗯，倒是在想，依然有一班朋友願意忍受我這樣的一個人，算是奇蹟。
　人的心理，就是看到甚麼，想到甚麼，感覺到甚麼，都是不可靠的。雖然早已聽說過，但再來一遍的話，衝擊還是有的。說起來，即使沒有意識、不會construct 一張相出來的相機，也少不免扭曲了真相。應該說，打從手執相機的那天開始，已經放棄了真實，換來的，只是virtual reality。不過，可悲的，是越來越多的事物，只能以這種方式繼續「存在」。
　對啊，讀心理的，第一個要面對同研究的人，就是自己吧。
　在想，是因為西區還未有地鐵，才會如此地愛上這一區吧。
07/10/2005

※29/9日記
　現在身處Cog Lab，在用自己的手提電腦無線上網。好無奈．．．部嘢個keyboard 係無倉頡碼的．．．好在仲識打字．．．但係錯字率高咗好多。電量係咁喺度跌，有無攪錯，都唔知係咪因為個Mon太大的關係。睇到人地ｄ超細部．．．依家唯有插返住mains，條線竟然夠長！
　真係找死．．．將個s-video out 當咗做PS/2個位．．．買錯mouse = =++好在屋企嗰個係USB．．我的電腦甚麼時候變得這樣差的。唉。
　最麻煩都係ECEN．．．好多嘢攪，最唔like 就係group project之類的東西。
　圖書館的Dragon唔識用，好在連拔尖生啊葛都係咁講，即係唔識用係正常的。
　睇到成架成架psycho 的書，真係好想好想睇哂佢，完全係着迷，short咗。總算借咗第一本書，開始感覺比較像一個大學生。
　聽了夫子的第一堂，聽佢講嘢好流暢，而且絕對唔悶。不過嘛，真係好後悔坐咗第一行．．．場面遠比想像中冷清嘛，仲以為會full哂，點知原來係任坐的。我明明係佢講嘅好多嘢都唔係好知／之後睇專欄（而不是港聞）至知，佢都居然話我對呢方面有好多認識喎．．．唔係啩，講真（口架）．．．基本上係越聽越覺得自己無知同無sense。是各位都深藏不露而已吧。而且，發現要理解共幹的行事和思維方式，跟要如何去理解一個變態殺人犯，本質，和實質上，是沒有分別的。
　整體來講，對住部notebook 個feel 又唔錯喎。
　之前有珊姐，依家有Zoe，一個二個都入埋來馬會同我一齊去「助長」賭風，促進經濟，推高GDP．．．真係唔敢相信珊姐開工時的情形會是怎樣。
　終於第一次走咗兩堂，其實返工只是一個藉口吧。
　近來返工都無乜特別事發生，但係成日都要返9個半鐘咯。仲要今個同下個weekends 兩日都要返齊，收買人命。最好笑係餅乾同我講，唔好就咁開咗部SVT擺哂啲轆出來，如果唔係俾人dump咗就唔知點算．．．聽到好想笑但係又要忍笑，佢跟住話：唔好笑呀，到時真係你就笑唔出（口架）喇，去邊度搵返個返來。咁又係。
　德明姐真係勁好人，好睇我地啲後輩。
　其實「神秘人」的programme到底有幾神秘呀，唔知點解地可以知道神秘人嘅咁多特徵，同埋exactly 問咩問題咯。

　今次睇怕真係要去驗吓對眼咯，唉。
　總算明白甚麼叫做失望，如果不是徹底失望的話。

29/09/2005

※開學一星期
　雖然到現在也沒有太大「我是一個大學生」的自覺．．．不過總得寫寫近來的 大學生活吧。
　正如角所說的，港大真係好hea，想唔信都唔得，到現在依然沒有一個完整的時 間表在手．．．還有更多不勝枚舉的例子。
　Hall也沒有住了，我的師兄Joseph一言驚醒：「你唔覺得住Hall好大制肘(口 架）咩？」覺，好覺，基本上唔好得過坐監幾多。這就是「若為自由故，兩者皆 可拋」，吧？ 不打緊，反正香港的交通很方便。
　食開學飯的Swire canteen，其衞生情況真的需要港大「中央」「高度關注」 ，而不是一般的「關注」。（上面的一句請用共幹官腔讀出）不知為何忽然間想 用這些「現代漢語」。
　CYM（莊月明）個名又係同李嘉誠有關．．．網主不才，最近才得悉。
　General Education 本來想報劉天賜編劇course的，不過同返工時間撞到應一 應而作罷，最後唯有聽吓夫子有咩講。傻了的在想，點解唔搵埋蔡子強，先至醒 起佢係中大的．．．
　原來我同Mona（應該尊稱一聲「姐姐」吧，咳，即使看到也不要打我）係同月 同日生的，呢個世界真係細。
　某日食飯時俾Owen擺咗上枱，無端端做咗大佬．．．咪玩喇。
　找天再說說上堂時的有趣事情，畢竟都上咗無幾多堂。
　在大學圈子以外，已經盡量避免使用大學生專用terms．．．還希望保留一點 空間啊。不過最不能接受的，是將香港大學簡稱為「Kong U」。在這些方面，網 主倒是頗傳統的。
　附錄：大學五件事priority list
　1　讀書（當然啊，否則入U來做乜）
　2　兼職（不純粹是為錢）
　3　拍拖（唉，暫時看來很灰暗）
　4　上莊（有機會至算）
　5　住Hall（都話已經無住，唔希罕）

15/09/2005

※4/9+7/9
　現在身處Cog Lab．．．個keyborard 比家中那個打得更順更快．．．攪到想換咗屋企嗰個。難得地這部電腦有香港字。發現，原來芒亮度只可以較到60，否則會睇到眼痛，勁辛苦。
　沒有了家中「我的最愛」的bookmark，好多網頁（例如各位嘅日記URL）都全記不起來。
　無奈地到現時為止依然沒有一點點「自己是一個大學生」的自覺。
　應該寫寫最近的日記吧。
　開鑼日，從略，總之這日和7/9都比想像中冷清，鬼咩，投注額又創新低。
　收工後趕去沙田join 角她們。林朝整天都將Cognitive Science 講成是Integrated Science，俾呢度班人聽到實激死。睇返Kiddy 日記，先發現我收咗工先去係一個好正確的決定。我來咗咁耐佢都唔出聲，第一句開口就係問我攞學生證睇．．．都唔知算咩態度。某個姓李嘅．．．近來唔知做乜對我好冷淡囉，唉。
　之後同咗幾件去隊啤。今次飲完成枝大嘅都無上次咁大反應．．．果然正如Kiddy 所說，酒量是會越來越大的。原來，我同珊姐係飲blue girl的．．．不過佢係飲均哂咁多款去揀，而我係一開始就飲呢隻．．．所以一飲嘉士伯竟然覺得有些少甜（．．．）。玩咗truth（無dare），成日都諗唔到可以問咩問題。嗯，接着的文字，不明白不要緊，即使完全清楚明白其意思亦不要向我求證：感覺就像，當全世界都在討論同性戀時，中化的題目依然比「中學生應否談戀愛」的層次好不了多少，當然是令人啼笑皆非，不知道應該怎樣回應。只可以說啊，唉，人就是如此這般的一種生物。
　但係返到屋企，甚至第二日朝早，都有些少完全諗唔到嘢的感覺。
　7/9，返工。講都無人信，今日返到公司，連我都俾人check 身份證，唔知應該覺得無面好，定係慶幸自己個樣細好，唯有show 埋職員證解圍喇。個保安之前未見過，佢話我己經係第二個喎，咁都好啲。
　行咗出去唔夠一個字，餅乾竟然想叫我入去食飯，O咀。
　收工時找死，熄機時抄漏msn，好在無鬧。
8/9/2005

※賽前陪跑
　有得返工�H日子真好，又可以見返哂成班同事。
　整咗個所謂賽前會議，咪即係聽人訓話，不過個場面都幾誇大，原來我地間行 有咁多人。
　之後dry-run，即係模擬有馬跑，試吓啲機呀咁。首先玩走火警，雖然好質疑 真係要走�H時候有乜理由唔係由正門走出去．．．
　一開始唔係好知發生咩事，但睇睇吓，發現都係咁做啫。
　於是，我地係咁同入面攞現金劵，仲要係幾萬幾萬咁攞，辛苦哂Winnie。做出 面同入面�H分別係，佢見到"blank ticket feed fail" 會攪極都攪唔掂，睇到 都覺得好笑，如果咁樣喺出面實俾客鬧。
　同training 時的假現金劵好唔同，一般人係唔會睇得出呢段時間俾我地玩（ 係測試．．．）�HCV同真�H有咩分別。馬仔飛就易分，31號都未開鑼，仲要打住 星期二。六合彩先神奇，竟然出咗168期。
　馬會真係好有米，加咗我2.27%人工（咪即係一蚊．．．）。
　開鑼日一定忙死，努力！加油！
02/09/2005

※塞電車

02/09/2005

※It's me
　我就係咁ga la，點吖，最唔鍾意就係俾人迫，就算你Sin我都無用。唔係我唔合作、唔合群，而係連地位對等同埋最基本的尊重都感受唔到。家陣唔係你話批定唔批，係我一定要返工喎，我唔想到時俾班人一舖蹺起，咁就死都唔掂，係咪你地班人同我俾學費同埋生活費先。況且自問要求唔算過份，既然如此，拉倒作罷。
　講完，可能已經有人知我講緊乜。

　最近搭車都搭到窮，連出去影相都無mood。
　又好耐無同班friend 聚吓傾吓咁，好少有地連續兩日都有人約，真感動。不過，最miss嗰個就真係唔知幾時先見到喇，隔到咁遠．．．唉。
　27號晚同Angle、Kiddy食飯，氣氛還很不錯的。
　呢個世界有好多嘢，真係可以變得好快。非常慶幸聽咗某位仁兄（唔開名喇，你一定知道我講緊�H係你）�H寶貴意見，無做錯到，如果唔係，依家一定會好後悔。
　「棋神」突然之間好有興致咁話要去唱K，於是搵埋梁生同埋祺爺一齊去。大家都好想睇我張新學生證，等到1號先喇，上次去O-Camp 整唔到．．．佢地有無病呀，足足唱咗三次《浮誇》，雖然，我承認我有參與。《不良嗜好》MV越睇越無奈，攪到好滑稽。又唔係公開廣播，點解一定要打格仔，不如連歌詞都cut佢吖，笨。《勞斯萊斯》MV同詞之間有好大落差，唉，同想像中�H完全係兩回事，難得我第一次聽就即時估到係黃偉文詞嘛。之後去篤波、食飯．．．「棋神」係第二個問我識唔識到人�H人．．．．．．總認為，可以同佢地做friend 同埋keep contact 都係一樣幾神奇�H事。
　開學之後大家各散東西，少咗好多呢D機會囉。
30/08/2005

※CogSc O-Camp
　又好耐無打過日記，死，越來越懶，其實不是沒有值得記下的事情。
　Day 1，Hong Kong O，點睇都係要由網主來帶路喇，一個二個．．．仲要唔記 得邊個話只係第三次搭電車，心諗，我呢個元朗人已經搭過無數次。成個遊戲勁 似RPG game，啲rules 一開始點睇都係唔明，但係玩落又覺得好正。Groupmates 有Owen，Maggie，Gweny同埋花仔，大家都係不斷咁跑，唔好唔記得呢幾日係咩 天氣．．．最X嗰段都係由莊啟程跑去大角咀地鐵站（無打錯，有睇開呢度�H就 會知點解我咁寫），遠到吖，仲要嗰頭唔算熟路，純粹係唔會攪錯方向而已。
　不斷出入地鐵站，賺死佢。
　去到Poly 要踩場dem CogSc cheers，好在因為落雨而無乜人行過。
　中大�H大牌坊真係點諗都係喺大埔道入口，要幾經辛苦啲groupmates 先肯信 我。不過，最無奈都係去到APM 唔記得叫佢地跟住我行，結果，走咗去問secure ，浪費咗啲時間。雖然，我都承認有時係表現得過份自信。
　最後攪到係經東涌入塘福，第一次行東涌道，真係好窄，但係個feel 好正， 特別是因為天氣而造成「前路茫茫」的感覺。估唔到出camp 嗰日就山泥傾瀉封 咗，攪到要兜大圈。
　好鍾意《HKU We are here cheers》。
　夜晚成班人玩UNO+killer，原來有時變態�H人殺人真係可以無咩目的－當你係 為殺而殺�H時候。我做killer嗰陣都差啲俾人投票殺咗，險。全晚最出色killer 非Maggie 莫屬。
　終於攪到五點幾先瞓，瞓廳，跟住七點幾已經自己凍醒咗，無奈。計落只係啱 啱行完第一個cycle。
　Day 2，非常好玩�Hbeach game，攪到全身濕哂加全身都係沙。塘福沙灘�H沙 好靚，滿是黑色的，斑駁的花紋。
　煮飯基本上無乜參與過。
　之後玩衝房，食西瓜唔係大問題（又唔雪凍佢先喎），食完要砌返個西 瓜出來先至係大問題。我地組俾「大電視」其他組玩，發現元老組除咗非常有默 契之外，思維方式亦異於常人，連句嘢係中文定英文都要搵唔同動作表示，抵佢 地估中咁多條喇。
　唔知係唔夠瞓定點，蒙住對眼企喺張軟墊上面真係好暈。
　之後玩埋「一生人一次」，詳情唔喺度講喇，有機會�H話，自己領略吓喇。
　本來要做返場performance俾班元老睇，要改歌詞，後來又不了了之，不知是 幸還是不幸。但係Gweny 真係文武雙全，好厲害，一下子已經將我地組gay and les �H故事變成大半篇歌詞，有啲慚愧添。
　Day 3，出camp 日。大家互寫comments，當然有交行貨的，也有很true- hearted的，寫得比想像中多。
　唔通真係連個天都唔鍾意我？一出camp d 雨就越落越大．．．
　一返到屋企完全係攰到死咗，玩咗陣蘋果�HSoduko已經非走去瞓不可。
　合計昏迷超過半日。去三日camp 已經攪成咁，所以覺得真係無乜可能過到 Hall O-Camp 嗰十日囉。

　睇咗各位Cognians �H日記，忽然間覺得自己好無料。
　或許某角擔心我識唔到人並非毫無道理，不過這樣只能令我更加覺得自己好無用。
23/08/2005

※港島某大學隨影之一

　舊機作。
　整個香港島不就是只有這一間大學嘛。說實在，非常榮幸可以入到港大，應該 不純粹是因為港大的名氣而言，更因為一份難以言喻的氣息，歷史悠久只是其組 成的一部份。只可以說，我認為自己是屬於這裡的。因着網主深愛港大，再加上 往後最少還有三年日子在此打滾，類似標題將會久不久就重覆使用，咳咳。

　先旨聲明，呢張相並無經過任何加工，只增加過亮度。無心插柳之作。

個名咁正，真係 唔幫襯都要影吓。

16/08/2005

※7x127+8x255
　本來都唔係好想打今日日記，總之有點兒失落就是。
　終於有得玩過七關同埋過八關。馬會啲信息係亂到我企咗成日睇咗n次電視都 仲係唔知咩事，所以都唔怪得啲客成日問我地嘢。
　到底幾時先至唔駛再睇住何志平個死人樣講辦奧運馬術嗰段片．．．
　今日完全係做咕喱咁做，成日要搬大箱飛行兩層樓梯－－因為部𨋢壞咗．．． X吖。
　最無奈係俾人捉咗出去貼banner同埋換poster，一出投注站，絕對感受到天堂 同地獄�H分別。
　有個客分別喺場次度畫咗「4」同「5」就當係買第45場，無言。
　之前train完之後brief我地嗰位仁兄今日坐咗喺票房入面「玩」電腦，不過佢 感覺上無我地行啲啊姐咁擺架子。
　總算有一個屬於自己�Hfolder，無計，無佢企度會好唔自在。
　被讚得有些無奈，芳姐竟然話我係好仔、乖仔，汗．．．聞說，我絕對無嗰班接近年紀�H咁醒目(口架）喎，又少出聲，只求唔好得罪人就算嗰隻。
　明姐金句：「呢度啲人好惡（口架）。」

　好想．．．好想．．．
07/08/2005

※Wishing Tree
　今日（2號）去幫慇姐同佢個friend 補econ，嘩，去到西鐵站先至知道又故障 ，真係廢鐵來的，好在，唔駛經過兆康嗰段。更加好在，今日唔係返工，否則死 俾佢睇。上到去月台，見到紅色�H幾行字又嚇咗一嚇，不過跟住部西鐵就無聲無 色咁埋咗站。
　嘉湖會所比想像中的還要low-class。
　一切順利，袋袋平安。
　夜晚約咗kiddy食飯。
　「許願樹」這名字，只要不跟「中國」或「中國人」沾上邊，感覺還是頗為浪 漫的，「它」跟林村應該沒甚麼關連吧。
　一進店，一陣濃郁得來就是帶點朱古力感覺的咖啡香氣撲鼻而至，有點醉人， 最後還是不顧後果地要了一杯紅豆咖啡－看來今晚可以不用睡了，要不哪來的時 間完成這篇日記。
　這間餐廳飲品的名字都厲害得很，只是，「羅密歐」與「朱麗葉」的故事化成 桌上的一杯飲料以後，已然褪去那一重悲劇的色彩。還有一些藍色的名字，只要 加上少許想像力，足以令喜愛藍色的網主神往。不過，此時卻想起「知價而不知 質等於不知價」的經濟學教誨，可能是過份理性吧，但更可能是因為此時早就離 不開咖啡氛圍所帶來的誘惑。
　香芒海鮮焗飯（某人看到這裡肯定又會皺一皺眉頭）最出色的地方，在於表面 看來幾近偷工減料，沒有太多芝士，只是吃到骨子裡，經kiddy提醒後，才驚覺 芝士已作出全面的滲透。芝士是比較接近（甚至可能是同一種）芝心批所用的那 種，跟一般餐廳所用的有很大分別。
　價錢在元朗區而言屬偏高，不過論食物質素而言則合理。好像變成在寫食評似 的，雖然非常不專業。
　之後行咗一陣，買咗一本到依家都仲未諗到可以點用�Hnotebook，它給人一種 「書」的感覺，就像是一本完整的小說。只要放進書店一個不太起眼的書架，定 必能引起這美麗的誤會。雖然諷刺的是，它只是一本「無字天書」。應該是我的 偏好太容易掌握，他認定以晚上的倫敦街頭，一部標準「英國紅」的 Routemaster作封面的一本是我的必然之選。即使是玩具，也較少出現類似的，「非買不可」的執着。
　回到家拆開包裝，竟然真的像揭一本剛買回來的書一樣，希望從無數橫線之間，領悟出一點東西來。
　今天的感覺相當不錯。
03/08/2005

※31/7日記
　星期日返到去，間行冷清到吖，鬼咩，大把人都唔知呢日開六合彩，再加上嗰 六千幾萬俾人瓜分咗。仲係要開TB，不過咁�H局面，sell乜鬼。
　終於見識到同我英文名差一個字母�H嗰位小姐，原來就係遲我一批入來�H其中 一個。睇住佢成日都拉到客埋來就已經睇到呆哂，可能呢方面始終都係女�H比較 有優勢。佢就正喇，一半時間喺出面，一半時間喺入面，如果咁樣俾我返一定舒 服好多。同佢都算ok好傾（我諗唔關個名事啩？），通常我喺公司都係人地問一 句先答一句，性格使然？但係唔知點解，佢令我聯想到Z小姐，雖然唔係好似樣 。
　馬會真係特別多怪人出沒，成日問我做乜唔喺入面收錢�H啊叔已經算係正常， 今日仲要多條𡃁仔喺度成日追住我問場波咩比數、踢完未，連我幫客開緊TB都仲 要煩住哂，X吖，最後唯有乜都話唔知，叫佢去詢問處，都唔知會唔會又有完沒 完。有那麼一刻，我覺得佢可能係gay的。Winnie（即係前述「差一個字母小姐 」）話我有Fans．．．咁都俾佢搵到位串返我一次，咪玩喇，都唔知點解咁多年 來，好似專門招惹怪人似的，唉。
　之前無提過，有個客我都唔知好嬲定好笑，佢部機閃燈要搵人救，居然喺度吹 口哨，佢到底當我係乜！？又唔可以唔理佢喎，激死，所以有時想像力太豐富都 唔一定係好事。
　近來返工啲時間又過得幾快。
02/08/2005

※收買人命
　五日入面，有四日都要返工，仲要有三日係返足八個鐘，仲密過跑馬嗰陣，家 陣想收買人命咩，不過算喇，起碼唔駛為下個月份糧擔心。
　最近要promote 電話投注戶口，尋日（28號）成班人堆哂喺門口sell客，得我 一個留守大堂中央睇住哂咁多部機，大堂內部個冷氣仲鬼死咁凍，想死。好在今 日受埋我「玩」，一齊企門口。其實幫馬會promote已經好好，唔駛風吹雨打。
　果然大部份人都唔受hard sell的，最好係等啲客自己送上門話要申請，或者 等佢地好奇埋來望吓望吓嗰陣先開始sell。不過無辦法，點都要做吓樣－尤其係 當你呀head都走埋出來幫手派傳單（杯麵）、sell客�H時候。況且成間行要交數 ，收得咁�H人工，點都要落力啲�H，所以啲戲都交得好足，甚至連我都懷疑呢個 係咪自己來的。
　我仲攞住個「時來運到時計」來做sample 引人申請，不過覺得反而比較似係 搵件玩具一路玩一路開工咁。
　有人為求甩身，不惜話自己蠢，最誇張嗰個係話自己有老人癡呆。
　有位小姐，荒死坐喺門口張枱填表會俾人睇蝕，要求行埋一邊做application 。最令網主感到意外的是，如此注重privacy的人，名字卻普通得有點兒俗氣。 不過，唔關佢事�H。最樣衰�H係，我抄錯咗佢身份證冧把，到入電腦嗰陣同另一 個客撞咗（好彩撞咗啫，唔係就死），後來再核對先知係抄錯。但係我第一樣諗 到�H嘢係－－－假身份證。
　唔只一個客搵過我做人手quick pick，最多試過係四注廿蚊再加一張複式，好 心買電腦飛喇，都唔知咩心態，完全唔顧吓我感受，萬一畫咗張頭獎飛出來都唔 知點算。好彩，畫咗咩冧把已經毫無印象。
　今日發市�H第一個客先麻煩，連set一個新密碼都要左諗右諗，攪到部機又自 動返回，要重新入過哂啲嘢。結果要我幫佢作一個密碼，但係又荒死我會盜用佢 account 咁，唯有強調我地一日要做好多單，無可能記得佢密碼，先至勉為其難 咁相信我。講真，依家我係記得個密碼，但係唔記得個account no.，所以一樣 無用。
　以為可以準時收工，臨走入票房嗰陣，有個女人行到埋來搵我救機，又望極都 唔見有其他同事，唯有幫佢攪埋。唔通話趕住收工而唔理佢咩。
　收咗工諗住去換KFC部時光機，點知俾前面條八婆阻咗n咁耐埋到去先至話無貨 。個收銀無俾人鬧係佢好彩，一來收工之後已經攰到死唔多想講嘢；二來係明知 發爛渣無補於事；三來，又唔關佢事�H，況且自己都係做服務行業，知道係咩一 回事，所以都係走咗去第二度食算。
　總認為，近年做得最正確的決定就係入馬會做。
30/07/2005

※會展新翼


　呢啲時候去會展新翼就當然係去書展喇。
　一見到統計期刊就勾起數不盡的回憶．．
　其實我都唔知打橫影同打直影有咩分別，都係令你的港式英語更港式而已。
　唔知點解影到本西遊記好似好巨型咁，睇清楚啲個背景就會知係咩一回事。

　無錯，又係同Sam去。
　去到總站先發現大把人排隊等968，佢荒死無位咁，嗰部又唔係直梯車．．． 再誇大�H場面都見過喇。
　發現自己好鍾意講返十幾年之前（咪即係得幾歲！）�H嘢，死得喇，咁快就咁 鍾意懷舊。
　見到西鐵因為故障而行得勁慢就好心涼。
　又繼續我地�H「估地方」遊戲。
　部車去到西隧口個站嗰陣停咗好耐，後面仲有部西隧巡邏車，之後引擎同冷氣 都熄埋，仲以為要落車添。心諗，無咁黑呀嘛，對上一次搭巴士壞車已經係n年 前68X喺荃灣路。好在，後來又乜都開返哂，好正常咁行走咗。完全唔知發生咩 事，落車嗰陣又唔記得問吓司機喎。
　又有人將「香港展覽中心」當成是「香港會議展覽中心」。
　都幾無奈吓，Hall 1 又係幾間大書商玩哂。又係有一邊專賣大陸書，自動略 過。
　今年書展出咗本新書叫做《集體失憶之中區警署－百年警署的故事》－by Sam 。
　「搵唔到你幫襯開嗰間呀？」－by me，當時佢睇緊香港早期風月場所本圖片 集．．．咳，雖然我都知佢唔係啲咁�H人，但係真係聯想到啲咁�H嘢囉。
　買筆都揀咗好耐，支螢光筆好型。不過，送嗰支boxy除咗個logo 靚之外真係 不外如是囉。
　見到S字頭牌（邊記得全名．．）$30一打的鉛筆，個feel勁正勁想買，不過諗到其實又好少用而作罷．．始終，鉛筆同鉛芯筆係兩回事。
　佢買咗有八成都係英文書（咪就係買得嗰五本．．），反觀網主就百份之百都 係中文書．．．無計，鬼叫我唔識日文咩，唉。可能，呢啲就係UE 攞B同攞C�H 分別。想買嗰本又偏偏無，唯有喺圖書館借。
　返到元朗，又去咗生活知味，不過佢啲嘢真係越來越唔得。
　要咗杯梅子綠茶。
22/07/2005

※有鐘送
　好感動，又有工返。
　依家申請電話投注戶口有「時來運到時計」送，個樣成個六合彩啲波咁，好鬼 正，攪到我又申請咗一個．．．不過只係可以用來買六合彩。到要sell啲客嗰陣 ，幾乎想講「有鐘送」．．．喺馬會講嘢真係要好小心，好心喇，送過第二樣得 唔得（口架）啫？明知啲賭仔迷信。之前仲正，送六合彩啤牌添。不過佢隻腳個 吸盤廢廢地，只有膠面先吸得住．．好似變相喺度幫公司做宣傳添，不過舊嘢真 係幾得意，網主當正佢係玩具。
　有啲客喺度講，話當年出多重彩嗰陣已經有「幫襯」，但係依家就乜都無得送 。無辦法，呢個世界就係新不如舊，所有公司都顧住搵新客源。而舊客，需求彈 性偏低嘛，唔通會有人為咗舊咁�H嘢而取消電話投注戶口，跟住再開過咩？嘩， 多重彩呢樣嘢，都係要睇報紙報道六合彩三十周年先至確實記得係乜嘢一回事。
　有個講國語�H巴渣女人（好似所有負面形容詞都聯想到珊姐．．）係咁話掃地 啊姐掃到佢隻腳．．．唉，只有係話佢唔小心（口架）啫，個女人仲問我佢識唔 識聽國語．．．心諗，我鬼知係邊個掃到你咩。不過，唔知係我啲國語都仲見得 吓人定係點，佢對我又OK好禮貌。雖然馬會唔要求我地識講。
　為咗張三千幾蚊�H現金劵，因為執正來做而係咁俾人鬧，仲累埋肥仔基添，不 過都無計，佢要投訴�H話，隨便，啲高層最多咪話我幾句。都會知係啲客打橫來 （口架）喇。不過，都仲未攪到條友趕唔切買波，佢都唔會真係port我�H。
　唉，世界難撈。
21/07/2005

※一舊嘢
　突然間又好有興致記吓星期四�H嘢。
　朝頭早去唱K，好無奈咁俾樓下部K66車尾燈耍咗，以為佢好快開車，結果足足 遲咗成三個字，對唔住咁多位．．．
　人物有Sam，Z小姐同埋I小姐。終於攞番幾個月之前借俾I小姐�H《經濟解釋》 卷二，人稱《可愛的行為》（．．．）。
　頂唔順陣味，熄咗個空氣清新機。後來臨走時Sam 一開返，攪到我呼吸困難． ．．
　I小姐因為病咗而幾近陪坐。
　趁兩位小姐都走咗之後，喺有啲俾Sam威迫�H情況下又唱咗一次《頭髮亂了》 ，有啲頂自己唔順，仲差過上次．．．
　跟住去咗攞眼鏡。金橙紅啡混合體，都幾型吓，第一副半框鏡，不過某人好似 唔係好like。嗯．．．佢鍾唔鍾意都唔關我事。不過好似較得唔係好啱位，夾到 耳背有啲痛，得閒要再較多次。
　同Sam出咗去行apm。無乜嘢好行同好睇，不過個佈局都好開放式吓，幾特別。
　個food court 係十足十�H旺角、銅鑼灣級價錢囉，觀塘邊度值呢個價。
　六樓排機乜都有得賣，連香水都有，不過我即時諗到以為佢會有�H又無得賣。
　幾經辛苦先至搵到落去地庫吉之島超級市場條路．．．
　跟住搭619（聞說搭101會坐到發霉）落灣仔，來咗部城記利蘭，好似係358。
　先生，呢條係聯營線來（口架），唔好咁喇。喺九龍就緊係九記出站牌（口架 ）喇。
　睇到眼都突埋，原來連電車都上咗寶礦力水特個新廣告。
　架車去到維園後面（維園道），一時興起玩嘢，問吓Sam呢度係邊度．．．佢 真係答唔出．．．嗱，所以要多啲同我去行街喇（咳咳）。
　佢睇�H電腦書都專業得很．．．
　順便行太源街，買咗隻R2-D2，嘩，足足平旺角成半。R2-D2真係可憐，俾Sam 稱為「一舊嘢」。基本上星戰系列只係迷佢同C-3PO。
　估唔到Sam會係嗰啲專登買嘢擺Hall做display�H人，雖然，我點都會搬一部份 玩具過去。
　夜晚去尖沙咀同角、I小姐滙合。間日本嘢無想像中咁好食。不過有90度維港 海景。Sam要了「角煮飯」．．．本來都想試吓，但係睇到menu張相之後改變主 意。
　喺Page One 搵唔到想搵�H書。不過，香港第一才子啲書好似越出越濫。
　最近變得好爛賭�HSam因為打牌輸咗要請角食Hargan Darz（唔知有無串錯）， 嗯．．．只可以說，個人認為，只有請gf吃這個才值得。
　香港政府都唔知係咪有錢得滯，竟然掘起哂文化中心出面啲階磚再舖過。
　唉，尖沙咀的海旁，早就淪陷了。
　香港的夜景，每多添加一個中文字，就俗氣了幾分。
　之前都已經聽過吓，不過今日�H更加詳盡同埋精彩。不過，呢啲嘢都係當故仔咁聽完就算，第二日已經唔多記得。所以，有乜機密都唔怕同我講。

　有些時候，不得不承認我低估咗你一針見血�H能力，無識錯你。
　就當我是在逃避吧，但我真的不能裝作若無其事的樣子。至少現在仍然不能。
19/07/2005

※不是日記
　又唔知做乜，唉，突然間好想返工，一個禮拜返三、四日就差唔多，我諗應該 唔係淨係關份糧事。
　Plan好哂去咩地方影相但係又唔想去。
　好頹，日光日白喺度煲隻夜晚�H賽車game，都唔知有無病。
　好想有人陪，但係又好想玩自閉，乜都唔理。
　就算對住呢度幾行字都發咗呆好耐。
　一日，可以好長。
13/07/2005

※放榜
科目
Subject 		科目等級
Subject Grade 		分部等級
Component Grade
 AS Use of English
    - Listening
    - Writing
    - Reading and Language Systems
    - Oral
    - Practical Skills for Work and Study		 C
B
D
C
C
C
 AS Chinese Language and Culture
    - Practical Writing
    - Reading Comprehension
    - Listening Comprehension
    - Oral
    - Cultural Issues and Reading Programme		 D
E
A
A
F
D
 A   Economics A -
 A   Biology D -
 AS Computer Applications D -
 AS Mathematics and Statistics D -
應考科目總數 Number of subjects sat:  6

　咁又放榜，其實都已經無咩感覺。
　估唔到我係除咗「吉時到」之外最遲返到嗰個。
　唉，整體成績比預期差。不過好彩，經濟呢一科保得住，面子攸關啊，況且無 咗佢都唔知點算，實聽no offer都得，或者有offer我都唔會接受。
　中化口試，我諗到�H最多都係話我短講離題啫，都唔使咁唔俾面呀嘛！？定係 佢地永遠都只係接受到「守喪三年」同埋「婚前性行為」？雖然我自問唔係好識 講嘢，但係咁樣係好唔合理�H。不過，最無天理�H都係，珊姐呢科攞A。
　MS同CA，唉，失望，對唔住劉sir。
　Bio雖然預咗，但係依然覺得對唔住任sir。
　睇住今次A-Level 成績，終於發現自己唔係讀理科�H材料。雖然一個理科生應 有的質素我都有．．
　非常恭喜kiddy UE合格，雖然佢一入來個樣已經話俾我知佢呢科無問題，但係 聽到個component grade都替他涅一把汗。
　走嗰陣遇到丁生，都估到佢又係話Econ 有幾掂（即係間接話佢自己掂），同 埋話有啲AL 唔讀Econ的，因為無咗佢而攪到個成績唔好．．唯有迎合吓佢喇。
　附送 Leaving cert �H評語：
　"He is an active, outgoing and responsible boy. He is intelligent and analytical and he is capable of putting his ideas logically and systematically."
　↑到底段嘢係咪真係寫緊我．．．我認為合用的只有 intelligent 同埋 analytical。

　其實好多人都覺得我讀ｄ科個組合好怪，都無辦法。因為我間學校揀科分三組 ，每組揀一科。
　第一組：Bio Vs Pure Maths
　我想，無論當時還是現在，如果要迫我讀PM的話，我會情願出去搵學校，甚至 轉讀文科．．．
　第二組:Econ Vs Chem
　即使讀Chem 選科的自由度較高，但我依然比較喜歡經濟，感覺上經濟也會容易 一些。反正當時已下定決心讀心理的，就算最後揀咗Chem，只會多咗一大堆放喺 後面�H理科水泡。聞說以前是可以同時修讀Chem和Econ的，唉。
　第三組: MS+CA Vs Physics
　又無Chem，又無PM，又唔打算讀工程，都唔知要Physics 來做咩。

　唉，又喺度諗，如果當年走咗去恒商，今日�H成績一定唔會咁樣。要怪就怪以 前沒有認真考慮過這個問題吧。要是這個決定改變了，還有很多很多的事情都會 改寫。不過，bygones are bygones。
　睇返兩三個月前�H高考日記，硬係覺得好似係好耐之前�H事咁。
　點都好，總算告一段落。
08/07/2005

※2/7日記
　七一無去遊行，一來遊行目標好混亂，無主題；二來第日仲要返工企成九個鐘 ，我唔想攰到趴咗喺度。或者，是心態不同了吧，不過那份堅持還是不變的。
　今日（2號）一開門就有一大班人衝入來，仲誇張過平時跑馬嗰陣，好似有金 執咁。
　第一次有半個鐘食飯時間！不過，係食兩餐．．Marco哥話佢無我咁醒水，無 帶到兩餐返來食，唔係啩，聞說你做得耐過我好多喎。
　竟然仲有人遲過我入馬會。不過我發覺，我係無咩興趣八人地啲嘢的，反而係 我成日俾人問呢樣問嗰樣。連點解我曬到咁黑都有人問，唔通真係答佢因為成日 周圍去影相咩。我諗，喺工作地方，都係維持一個相對比較正常的形象會好啲。
　呢個係咩世界，見識到男人版�H珊姐。佢自己攞多咗張電腦六合彩打之嘛，我 明明俾得一張飛佢，之後又話打多咗，啲語氣同小三哥有得揮。唉，好心喇．．
　只要一無馬跑，就多咗好多「非專業賭徒」，有一個女�H，仲對住自己啲 friend學我地講「祝你好運」，無言。
　反而夜晚六合彩臨截之前又無乜人喎，唔似得跑馬嗰陣每場開跑前咁熱鬧。

　好像越是希望填補，就越是感到空虛似的。
　無論如何努力，都改變不到最想改變的。
03/07/2005

※30/6日記

　今日去咗睇玩具。
　又係講都無人信，上面嗰張就係網主第一張用手提電話影�H相，部電話總算叫 做有啲用。這當然是因為今日無帶相機。
　同嗰支大砲基本上係兩個極端，雖然一早就知無得zoom，但係始終都係好唔慣 。不過用電話影相最大�H好處，係可以扮唔係影緊相。
　本來打算買返條數據傳輸線，但係嫌貴而作罷，反正都好少用。不過嘛，反正 手機snapshot本身已經成為一種文化，這種手機相應該更加能夠發揚這種文化吧 。
30/06/2005

※六二一
　有大雨，雷暴。是日的天氣可能已經美化了我的心情。
　又返工。途中由得自己係咁俾雨淋。
　一過咭嗰陣就發現個返工時間唔啱，仲差得好遠吓，返到屋企對返張紙仔，先 發現餅乾俾錯咗張嘢我！真無奈，嗰位小姐成個英文名只係同我爭一個字母，得 閒都想見識吓係何方神聖。
　嗯．．．雖然只是扮專業，但總不能讓自己的情緒影響工作吧。
　好在個樣睇落應該無特別殘到。
　估唔到，連喺馬會做都淪落到要派傳單，不過好在唔駛日曬雨淋，而且以派傳 單而言，人工應該是全港最高的。派的時候已經盡量保持笑容，不過點都好過做 queue control。派俾女人多數都唔接，反而年紀較大的男性（不就是標準馬迷 嘛）多數都會接。
　出現了一個疑似珊姐上身的師奶，張六合彩俾部機食咗啫，即刻以十分可怕的 扮可愛語氣彈出一句：「哥哥仔，點算啊，佢食咗我張六合彩喎．．」馬會唔會 慳埋啲冷氣錢�H，夠哂凍（口架）喇。
　有個啊婆先玩嘢，俾好多張mk 6我「罰抄」，唉，已經叫佢下次買五期算喇， 但係，唔通話見佢多就唔同佢「抄」咩。
　總算明白點解「執飛黨」長執長有，因為好多人見部機叫佢拎張飛去窗口，就 懶理，當唔中，之後就揼哂啲飛。
　不嬲啲機有咩問題，我地行到埋去之後，一定要問個客入面有咩飛，以免有人 博慒，今日有個最多大我幾年�H𡃁仔話：「咁你即係懷疑入面啲飛唔係我（口架 ）喇。」仲以為呢類對白只會出自啲幾十歲�H啊伯口中。咁最令人懷疑�H係，我 埋到去佢先至喺唔知邊度衝出來，話頭先搵緊我地幫手。不過，我講咗話呢啲係 程序所需之後，佢都好合作，如果唔係�H話咪開claim囉，煩都有排佢煩。
　又收工。

　喺馬會做�H人，只會講「祝你好運」。
21/06/2005

※四至日
　唔好成日話我淨係記返工啲嘢。
　以下天氣情況以網主實際觀察為準。
　星期四。間中有狂風暴雨。
　是日謝師宴。下晝成班人去咗kiddy屋企玩。
　如果有帶相機�H話，影返幾張雨景又真係幾正�H，可惜相又無得影，又要成身 濕哂，最慘係對鞋入水。以kiddy屋企�H面積而言，真係無辦法相信佢會無風筒 ！檢討吓喇！
　又係玩中國版�H大富翁。呢個version 真係勁保鐵咯，上次就係靠四個車站加 埋兩個公用事業贏咗個第二。部單層電車又幾有feel 。因為第一個圈行得勁慢 （三三四）�H關係，啲地俾人買哂，完全無話可說，想唔輸都唔得。做人�H嘢， 有時都係識得止蝕離場會好啲，要說我沒有體育精神的話，隨便。既然明知結局 只有一個，也就不用作無謂的掙扎吧。還是可以純粹以cost and benefit做決定 最幸福。
　各位用不着為了我玩Crazy taxi 有A grade 咁驚訝啩，雖然我打機係差啲． ．．死人kiddy又唔表演吓佢�HS grade。
　Sam來回程都唔同我坐，過份。
　去到謝師宴，果然又遲咗唔少先至開始。本同學錄連graduation 都串錯。
　竟然抽到校長送�H書劵，好在，運氣仍是有一點點的。
　珊姐的笑話又多加一則：
　珊姐：佢地着完褲又着裙，咁多件，返到屋企除都有排除喇，唔煩（口架）咩 ？
　　我：你要咁心急除來做咩啫。
　此後我和三哥都笑到不行，明顯地是向歪處想了．．．
　好無奈因為返工而去唔到同許sir食飯。
　啲節奏好慢。我地都係嗰種想食完就走的。不過三哥比我和珊姐更快一步。
　有些事情，我是明白的。反正也不是第一次。

　星期五。部份時間有陽光。
　完全唔知做乜地留喺屋企自閉，用電腦加埋打機有成十個鐘，瞓都無瞓咁多。 本來打算今天去看kiddy那個展的。

　星期六。陰天。
　返工。繼上次排隊返工之後，今次要排隊放工，真係奇聞。
　今日返工又攪到好似玩生死時速咁，本來時間已經唔多，仲要行到去西鐵站先 發現無帶職員證連locker鎖匙。天呀，連摭都記得攞，反而忘記最重要�H嘢。飛 奔回家後一度考慮飛的返去，好在，最後都趕得切，真係想死。
　啲機真係廢廢地，集體讀唔到現金劵（CV），一定要對摺先肯收貨，攪到起碼有半日 時間都係不停幫啲客摺CV。唉，俾我係客都嘈喇，好多個都強調張CV係 啱啱先買。心諗，係又點呢．．．
　原來都有人會即時向全世界宣佈贏馬的。
　有客用「價錢」去形容自己每注的投注金額。我地當然唔可以咁講，但係，咁 樣係咪反映賭馬呢個過程已經變哂consumption 呢？
　係，上次返工先精彩，喺一部機度執到張成四百幾蚊�HCV，不過因為之前無人講過呢個情況而做漏一個step。不過個客都應該攞得番張嘢。
　最壯觀的場面是，張CV明明仲有九百蚊，竟然打唔到飛，出咗句「餘額不足」。

　星期日。部份時間有陽光，天氣炎熱。
　同埋「棋神」、梁生、廢哥去咗睇我地學校個中七視覺藝術畢業展（心水清�H 會知我讀邊間），俾「棋神」個「一拖十」同埋「十拖一」笑死，不過kiddy又 get得幾快佢講乜。條友仔睇場嗰陣串到喺度聽歌，見我地到先至收返埋對 headphone。今日至發覺kiddy喺張invitation postcard 度寫錯咗梁生個地址． ．．
　佢最正嗰幅都係啲相，不過估唔到佢同我一樣影相影到去屏山。無埋背景天水 圍啲樓�H話，講話唔係喺香港影都有人信。
　有一幅用日期印仔整�H畫，簡單之餘又表達到個意思，好正。
　最有心的還是另一位副社�H六四系列，除咗相之外仲有一段《自由花》歌詞�H 書法。有啲人原來真係唔可以淨係睇樣。
　但係都有啲好行貨，令人失望。Kiddy放心，我講�H行貨絕對無你份。
　有一幅．．．用傻瓜機影但係相入面個日期又無意思，已經破壞哂個feel，況 且攝影技術平平，無角度可言，我都影到喇。
　雖然有部份作品之前見過，只是，參觀完之後，一個小小的理科生如網主，還 是有點感到自愧不如。
20/06/2005

※前面

　前面有甚麼？
　前面還有甚麼？
　前面還可以有甚麼？
　前進，一定是進步嗎？
－－－－－－－－－－－－－－－－－－－－－

　本來以為今日（9號）日記會好悶，但係又見識到啲嘢。
　喺跑緊馬嗰陣去過馬會�H都知道，啲馬迷好鍾意幫啲馬打氣（似乎應該話係同自己�H銀両打氣），而「打氣」過後，一式一樣非常「親密」的「問候語」就會不時此起彼落。不過，今日竟然聽到一句有點哀怨似的「唔好呀．．」。如果下次有人講「唔制」�H話都唔知應該俾咩反應。
　終於知道點解份糧少咗一百蚊，估唔到張爛鬼職員證咁值錢。今日仲差啲唔記得帶佢返工。
　過咭（職員證，磁帶來的）居然可以是反方向的，而且有部機係只有反方向先至讀到。係咪連機器都玩反叛期。
　原來馬會報壞機，搵師傅整係咁有效率的。當我諗住部嘢起碼都會壞一兩日嗰陣，已經有個地中海�H男人走來整部機。後來見佢攞張同我地一樣樣�H職員證出來做測試先至恍然大悟，知道發生緊咩事。馬會真係有錢。
－－－－－－－－－－－－－－－－－－－－－

　Eason隻U87好正。
　一般來講，新碟都係要聽多幾次先開始覺得好聽，但係呢隻唔同，第一隻歌已經覺得好正，完全係中哂毒，絕對抵買。隻碟都幾personal 吓，真係地位低啲都無可能咁玩。《夕陽無限好》好似比之前喺電台聽�H版本慢咁，頭幾個音勁似《獅子山下》。
　推薦歌：
　－爛
　－阿牛
　－浮誇
　－16月6日晴
　－不良嗜好
　－夕陽無限好

09/06/2005

※5/6日記
　最近好似變成只記返工時發生的事似的。
　今朝見到有條𡃁仔想將張八仔插入增值機入銀紙個位．．．真係聰明。
　唉，個男更衣室係有名無實的。
　原來我嗰間所謂名校並無想像中咁名，純粹係企鵝捧到自己天上有而已。
　啲機係short short 地的，半張現金劵都夠膽死印出來。
　過咭嗰陣，快又讀唔到，慢又當你無到，都唔知佢想點。
　最過份都係可以成部機無反應，hang 咗喺度。
　成日睇住啲機上面盞燈真係會睇到眼花。
　淨係買第五場要畫X1已經講咗n次。
　大家sell嘢�H技巧非常厲害，真係要學吓嘢。好似各位都比較prefer 做出面。
　早就說了抽籤這種東西會造成重大的資源損失，政府份工連in都唔in我，係佢�H損失。

　Do not assume too much.
06/06/2005

● 訪客留言簿

●香港人的網頁─由開門營業至今不知不覺已經五年，還記得起初不知哪裡來的熱情，非要有自己的一個網頁不可，當初可以說是為了擁有而擁有。而且還幾經思量才想到以自己的地方─香港作為主題。有了自己的網頁後，我便久不久去看看其他「同行」的網頁，發現有部份「同行」的網頁日久失修，實在十分可惜。亦有一些頗為知名，可以當作資料庫參考的網頁。雖然自問這裡的編排還是有點混亂，卻保留了一點點「香港製造」的味道。「香港製造」應該是中西文化的結合，再加上本地獨特的背景，變成一種好像不太協調卻又有無法被取代的文化，的確是筆墨難以形容！不過，今時唔同往日，大香港主義已被無情地徹底摧毀，網主但願能略盡綿力保存香港文化及使更多人注意香港文化的存在．．．．．．

E-mail:[email protected]
ICQ:169288311

香港人的網頁®2000-2005.版權所有，保留一切權利。

Hosted by www.Geocities.ws

1