|
Billy Lau Ho-Him's
Home Page |
|
|
當你立志某年某月某日讀完一次聖經, 讀下讀下, 就會因為「冇記性」而灰心放棄. 點解明明讀0左過了一段日子就唔記得? 反正都唔記得, 不如不讀. 究竟係我記憶力差, 唔吸收, 定係我根本唔鐘意讀任何文字, 還是我有罪, 所以唔入腦呢?
玩雜技
小時侯, 曾到英國一遊, 探我表姐. (參 少年篇<<英國之旅>>), 一日, 姨姨帶我睇馬戲. 過0左咁多年, 印象已經好糢糊, 只記得馴獸表演與空中飛人, 兩個最精采, 最緊張刺激的節目. 小丑的出場為觀眾帶來一陣陣歡笑, 可以緩和輕鬆一下緊張刺激的心情.
提到小丑, 最欣賞是他們玩雜技, 有時小丑會故意扮到倒瀉籮蟹, 但其實更顯得功夫了得, 可以同時間將八,九支火把 / 刀 / 圓球等物, 拋上空中而不致落地, 兩手循環交替, 快速絕倫的將物件拋高接住, 接住再拋高, 將「眼明手快」四個字發揮得淋漓盡致.
2003年年中, 公司為慶祝 Kingston Office 開幕, 設了一個小宴會. 在那裡有幾個 stress balls, 大老細講完一輪, 一時興起, 拿三個波玩雜耍, 玩到頭頭是道, 估唔到佢都有番兩度!!
若有所思
某程度上, 記性呢家0野同小丑玩雜技一樣:
1. 小丑同正常人一樣, 只有兩隻手; 照樣, 一個讀經人唔係要求神賜下比常人更多的記性, 而是要承認記性係有 limitation, 自己唔係天才. 聖經咁厚, 咁豐富, 記唔哂, 讀0左唔記得有乜咁出奇呢? 撒旦想你 feel bad, 想你內疚, 想你 give up. 但其實, 你需要好似小丑咁, 承認你只有兩隻手, 唔係超人, 唔係怪物, 隨機附送果條 Ram 只有 16MB, 可以點? 16MB 唔會自己變做 256MB. 問題承認了先可以正確地對付同解決, 再者, 如果人人一樣, 你就冇籍口話自己唔係讀書材料云云.
2. 小丑有一樣同正常人唔一樣, 因為佢眼明手快; 雖然兩隻手依然係兩隻手, 但係, 可以同時拿著多個火把s. 手中兩支火把, 再加上空中的火把, 手腳越快, 空中的火把s數量就可以相對增加.
照樣, 只要讀經讀得快, 快到一個地步, 當你未忘記果段經文之前, 就已經回頭讀第二次, 咁自然唔會唔記得啦! 何況, 小丑要練成眼明手快要經年累月, 但要讀經讀得快, 人人都可以, 你只需要肯花時間. 問題係: 我記咁多 bible 入腦有乜用呢? 依家有 Palm, 仲洗乜要記呢? 再者, 讀太多 bible 係咪會唔 effective 呢? 針對這個問題, 想到另一個比喻, 請參<<天羅地網>> (still in progress).
|