|
Billy Lau Ho-Him's Home Page |
|
Home |
比面派對 - 11/11/03
星期一, 11月10號, 放工後到Yonge街那間Future Shop, 想睇下D laptops. 入到去, 睇中一部, $800, 1.4GHz P4, 256MB RAM, 14" monitor的次貨, 只有 90日保養, 固要買多 3年保養, 加多 $350, 買唔買好呢?
Rule #1 買0野要祈禱, 求問神的心意. 今次都唔例外, 神提醒我要先打個電話比 Daddy, 求認同和問意見. 有人認為凡事過問父母是未成熟的表現. (我經常被人恥笑.) 其實, 這是個屬靈的律. 神讓父母成為兒女的保障, 無論他們的 reasons 幾唔屬靈, 幾冇理由, 父母 say No, 通常與神的心意吻合. 所以, 事事同父母有商有量, 會行少了好多冤枉路, 亦可建立彼此間的關係.
當時, Daddy同我講:「你需要買就買啦! 不過, 次貨就唔係幾好, 考慮下先啦! 買個貴都冇所謂, 最緊要耐用.」
個 Sales 不停游說我, 我始終唔平安, 於是再祈禱. 今次, 神提醒我打比一個弟兄, 問佢意見. 那位弟兄正在網上溜覽 laptops, 神的安排是奇妙的. 佢介紹我買 Toshiba A30-YS5, 無需買保養, 只貴$150, 但 quality好好多, 又有 printer 送.
Rule #2 買0野幾合心水, 幾鐘意都好, 強逼自己多忍耐一天. 這樣可以防止被 Sales 同購買慾充昏頭腦, 當然, 日用品, One Day Special 又或者去旅行就冇得講. 但其實日用品有時可以等大減貨, 去旅行可以係會導致成家垃圾, anyway...
於是, 約了那位弟兄第二日同去Future Shop. 當晚, 同另一個弟兄在我家樓下做Gym, 正確一點是: 佢陪我做Gym. 我知佢都想買部 laptop, 我就介紹佢買 Toshiba A30-YS5.
我想: 我一發現 best buy, 就急不及待去介紹有需要的朋友買, 傳福音呢? 如果有咁積極, 有咁高效率, 福音一早傳到地極啦! 我都要努力 D.
11月11日, Daddy來公司車我, 去 Future Shop. 有朋友聽到我想買 laptop, 又想去睇下, 於是一齊去. 同我做Gym那位弟兄又去, 仲帶了另一個弟兄一齊來. 加埋介紹我買那個model的弟兄同他的太太, 已經有八個人, 開始有點兒受寵若驚, Come on!! 買部 laptop, 洗唔洗咁多人呀? 拍戲?
到了在 Future Shop門口, 再遇到兩個 CCF弟兄s. 佢0地正愁緊唔知去邊, 又唔想咁早食飯, 聽講 Billy要買 laptop, 唔介意一齊幫下眼, 買完再一齊去食餐飯. 結果十個人, 浩浩蕩蕩咁入 Future Shop, Daddy話: 「今日應該買埋電視同洗衣機, 順便搬埋屋.」
更豐戲劇性是: 講好價錢, 到買的時侯, 先知道原來前一日有賊仔入去, 偷走了三十六部 laptops, 再三十六著, 走為上著添. 點算 冇計, 唯有同賊仔一樣, 走為上著啦!
11月13日, 放工後, 跑去 Future Shop買0左部 laptop, 送果部 printer 仲大盒過部 laptop, 妹仔大過主人婆. 還以為一切都已經告一段落, 點知果晚就發現部電腦有毛病. Keyboard裡面有十個 keys唔單止出唔到原來的字母, 仲打親都係D「粗口符號」. 我從來未試個比部電腦「粗口」, 仲係自己部電腦 :< 或者我太敏感, 可能係種天使言語, 翻出來又會是什么 meaning 呢? 我如何與一部會講方言的電腦相處呢? 我冇信心 lor. 究竟我要Refund定Exchange部電腦呢? 經過一番爭扎, 考慮同 shop around, 始終覺得佢最經濟實惠, 還是換個部算罷.
11月15日, 經過個 IT人 reinstall個 Windows之後, 我終於教識部電腦點樣有禮貌回應主人的命令了. 你話有時侯我0地對神會唔會都好似部 short 0左的電腦咁, 語無倫次, 不知所為呢?
唔知點解, 同 Future Shop 好似有份不解的情緣. 記得八月尾的時侯, 在同一間 Future Shop買了部 Digital Camera, 當時, 有四個朋友陪我睇機, 加埋我同 Daddy六個人, 今次有十個人, 價錢亦0左貴一倍. 無獨有偶, 上次買部 Digital Camera, 最後要 refund, 今次亦要返去 reinstall. 究竟當中有冇一D 提醒呢?
Rule #3 人可以在生活裡認識的每一個人, 或遭遇的每一件事上找到神的蹤影. 這個與神捉迷藏的遊戲會令生活變得有趣同有意義.
好似今次咁: 本來budget $1000, 結果用了 $1300; 本來有貨, 結果部 laptop之前果日比人爆0左; 本來好地地, 又要 reinstall過個 Windows...... 唔知點解, 今年買樣樣0野都係咁黑仔, 買樓么? 出唔到 pre-approval; 買車么? insurance 太貴; 買部 Digital Camera, 唔夠一個月就壞0左; 考試合格又如何? 張 Certificate居然出唔到, 真係火呀! 究竟神想我體會到D乜? 點解我做樣樣0野佢都阻住呢?
當我決定做一件事情, 有時侯未必可以咁順利, 也許, 現實同理想, 總是有些距離. 從另一方面睇, 我其實要非常感恩. 每當我計劃任何事情, 我發現父母對我的支持, 身邊好朋友s 提供的寶貴意見, 甚至陪我去睇樓, 睇車, 睇電腦.
原來, 當我執著於某件事的成敗得失, 就會唔開心, 即使最後真係惦0左, 開心一兩日就會打回原形. 但如果我將 focus 擺在神同身邊的人以上, 就唔難發覺, 其實自己並不孤單. 再者, 買唔到0野, 即係代表儲多0左錢, 其實冇損失, 冇負債亦是一種福氣.
|