影友影評:
XXX- 呢套真係一套好戲, 惠英紅仲憑呢套戲拿左第一屆香港電影金像獎最佳女主角,
真係可以話實至明歸, 因為佢可以將一個名義上係長輩,
實則心智為一位未經世道既小妹妹, 演到出來, 本片不是單純只為打鬥, 還有其他中國傳統應有既禮貌, 如尊敬長輩, 孝敬父母, 有恩必報. 縱使對方是一位年紀較小既長輩, 也應尊敬. 本片其實最好笑既人係劉家良同小候, 佢地兩個一個調皮一個敦厚,
尤其係小候最愛搶人對白講野既一幕, 同埋駁嘴既時候, 真係棒腹大笑,
而劉家良對年輕二嬸母既意願不願不願還須願既心情真係可以入木三分.
其他串星好似劉家輝同元德咁, 講既對白都好生鬼, 尤其係劉家輝個攣髦頭,鬍鬚look,真係好鬼搞笑.
其實如果《
掌門人》係《長輩》既時裝版, 本人覺得有點認同,
因為講既內容都係同出一徹, 只不過係惠英紅係掌門人就係一個時代帶領者,
而長輩就係小候就作為時代帶領者而已. 佢地都要承受一種中西文化文流之壓力.
呢d係其他既功夫片所沒有的東西, 不過最精彩既係惠英紅扮鬼妹用中國劍打西洋劍一幕,
同小候扮羅賓漢用刀仔同奸仔羅密歐對打, 真係好正.
反而對長輩一片有點高興既地方, 就係其實劉家良既片好似《少林搭棚大師》、《
掌門人》等等, 都好強調不一定武打片一定有要打屎敵人才算勝利, 才算服眾,
而是以武德而令對方佩服, 不一定要殺屎對方就可以,
這是劉家良武打片之其中一個特色.
本片比之前既《瘋猴》更好睇, 因為除了武打出色之外,
仲有既係兼顧到其他應有之生活化元素, 生活中既一點惹笑既地方,仲有一點明確既中國傳統觀念,
還有精彩之中國武術傳統對打, 這最是本人就愛睇既劉家良影片!
計數時間: 正!好睇,無乜野可以彈.共95分.必睇之作[William仔整理]
|