* Pictures From Celestial Pictures@2002-2004 *

影友影評:  XXX- 呢套又係劉家良既片種, 係小候第一次擔正既武打片, 不過感覺上劉家良對猴拳係情有獨鐘, 至少最近佢都拍番《醉馬騮》又係講猴拳, 呢套本人認為係對猴拳既情意結既初始作. 老實講, 故仔真係老生常談, 熟口熟面: 惡霸睇中一條女, 設計害其兄而”抱”得美人歸, 一個成日比人恰既靚仔出現, 由一見如故到學識功夫(當然係猴拳), 而與師父一起為師姑報仇, 反而本片係重於功夫招式變化及情節對白描寫, 一種很貼切當時社會既描寫, 而劉家良拍出來既效果, 往往也令人吸引不絕, 不像其他那些片般強行湊合, 就係70年代尾至80年代中, 劉家良係邵氏既功夫既一貫模式. 其實小候係劉家良繼劉家輝後棒出來之功夫小生, 精靈活潑, 同劉家輝之嚴肅有很大對比, 又比劉家輝更加搞笑. 惠英紅亦在此任一角, 為劉家良之妹, 不過係本片就真係幾花瓶… 頭先都有講, 本片最重要及最好睇既就係武打情節, 係天映預告內寫既”一招四式,凌厲扣殺”, 真係在本片中充份表演其威猛力量, 係羅烈既佈陣下, 發揮猴拳之力量, 出來效果真係夠癲夠放, 仲癲得好得人驚個隻… 其實本片同以往既劉家良既戲係雖同出一徹, 但係出來既效果真係百看不厭(除非你一日睇足廿四小時), 如果讀者係劉家良fans, 一定要睇, 當時既武打片可以話好少有劉家良既表達方式既精彩吸引, 呢套亦都可以話劉家良既定位之作…
計數時間: (劉家良定位之作, 小猴表演ok, 劉家良第一次擔大旗主演也相當精湛, 可惜唯獨故仔真係一般) 共75分
[William仔整理]