光 感 集
(2)
光 感 集
(2)
Year 2002-(2) (Diary)
清新．是我們的感覺！
自9月開學後, 雖然更能認識自己的路向, 知道自己要面對的是什麼, 不過換來的是一段段重新開始的路......
August-October 2002 ↓頁尾↓ 光"感"集(主頁)
<光感集> Since January,2002
22/8/2002
自從嗰日之後, 喺我心中發生咗好多事... 距離返學的日子也不遠,
應該係時候來個暑假總結啦~
其實今個暑假總算都開心, 講真我有D嘢喺心裡想講好耐, 而這個炎夏的暑假故事亦很完美!!! 其實我由F.3下半年開始唔開心, 但後來喺呢個暑假識到一個女仔, 其實喺我未知佢叫咩名時已見過佢, 佢好好架^^, 同佢相處過, 唔知點解我慢慢開始冇咁失落, 而家我諗番起其實我同嗰個女仔都算有緣, 如果嗰日我唔......就唔會...... 之後慢慢我開始有少許掛住佢, 起初我真係有誤會過, 後來我也明白只是我一廂情願, 我太過傻啦, 不過我已經大個仔, 應該要識諗架啦, 但到而家我地都冇再見過面, 我知呢種"掛住"並不代表什麼, 可能只係朋友那種感覺啦, 我也不想再想任何事, 我唔想再在感情事上煩惱, 不過和你能成為朋友已經是榮幸!!! 不過你曾經令我喺失落中開心過, 所以要忘記這個暑假關於你的故事, 我真是很難忘記~
最後我有個心願, 就係可以喺暑假完之前見多次那個女仔, 希望可以啦, 因為我知道F.4要開始讀書, 冇可能再見到佢, 我也知道暑假後再也不能如此開心~ 呢個暑假日子會永遠成為我心中一個美好的回憶!!!
26/8/2002
其實我寫呢件事的時候已經是9月了,
不過應該要補寫番呢日�H, 其實呢日又係去踩單車, 因為開心, 所以不妨都寫番出來~ 當然今次有我幾個best friend la, 呢日我地又係痴左線,
因為再一次由大圍踩到大尾篤, 仲入埋水壩 tim~ 不過最開心的莫過於踩完之後, 我地成班人就去左大圍一間小菜館, 大家將2張檯拍埋一齊,
之後就決定"叫餸食飯", 係呀, 叫左好似7碟菜, 跟住每人一個"靚仔"(白飯), 因為我好耐未試過咁多朋友一齊叫餸食飯, 大家又幾friend,
所以好有親切感呀!!! ^_^ 那時真係唔知點解好開心, 夾完呢邊的菜跟住又將個碟移向另一邊, 雖然那菜館地方不大, 也可能就是因為有種擠迫感先至咁開心,
不過我諗這機會之後也會很少很少lu......
6/9/2002
踏入F.4,
其實已經上左一個星期啦~ 初頭真係有D驚, 唔知點解架, 可能太多女仔啦, D friend又冇乜喺自己呢班, 不過一早估到今年會勁悶, 估唔到真係~ 而家只係
recess, lunch同放學先至可以走出嚟同D friend傾下, 可能呢段時間就係最開心, 平時真係好悶, 都唔知點解個個都坐到直一直, 又唔出聲,
有時仲超靜, 唉......
呢個網已經突破200啦!!! 好開心呀, 不過近排我個心都幾空泛~ 都唔知自己想點, 冇野可諗~
平時諗得好多既野已經冇再諗, 近排可以算話冇乜煩惱~
18/9/2002
我知道,
呢一版原來一直有人睇架~ 不過我同時又好驚奇, 因為前幾天有朋友竟然入這一版但沒有經過主頁的~ 好啦, 都係唔研究啦~ 各位有緣的朋友繼續留意啦~
嚟緊的中秋節, 我有好大希望, 希望可以開開心心玩一餐~ 因為呢次又可以同幾位朋友仔一齊啦, 農曆八月十四(星期五), 迎月~ 不過無論係迎月, 賞月或者追月, 總之一大班friend一齊玩就正啦~ 另外星期六,日都好似有野做~
近排我覺得有一件事好唔公平, 雖然唔關我事, 不過都想提下~ 就係我幾個friend舊年果班, 佢地班好團結, 成班人又好freind (連我外人都覺得係)~ 不過可惜天意弄人, 佢地暑假決定的旅行因為黃雨取消左, 跟住前幾日的旅行又係因為落雨取消~ 雖然我唔係佢地其中一個, 不過我就從中明白到呢個世界係唔公平, 事情往往都未能如願以償, 正如我近排發生左一D事, 完全唔係可以由我控制到, 希望的事卻不能達到~
仲有, 呢幾日真係冇乜諗呢D野, 不過我可以講, 我能夠放棄"妳"lu~
而家輕鬆晒, 冇煩惱lu~ 我會留番"為妳留下一點點"來做一個留念~ 我相信放棄"妳"並唔係因為出現左另外一個人, 我相信唔係~ 不過我同自己的承諾,
唔會唔記得......
22/9/2002 凌晨2:33 (中秋節特別版)
點解我要
喺中秋夜凌晨update???
因為我知道近排差唔多一兩日就有人上嚟一次, 我大約都估到......有咩人, 為左唔想令支持者失望, 我會堅持update,
仲有我想向你講聲Sorry, 我知我有好多野要做, 不過我真係只可以在星期五六日先至得閒碰電腦架, 平時我係冇乜心用電腦,
所以我決定在星期五六日才做呢D正經野, 唔想又趕又求其~
講番21號星期五, 即係昨日, 我同我班friend放學一齊食飯, 講講下話: "不如提早去, 早D返lu"~ 我初初都好唔明好疑惑, 同埋冇得玩通宵, 心情銳減~ 唯一空檔的1小時我同另外一個朋友傾左呢D令我困惑既問題同心情, 接著很快4:00PM便要出發~ 之後忽然一問之下, 很容易便知道這個困惑問題的答案, 疑惑冇晒, 仲有見到咁多朋友, 好似有13個, 我又開心番~ 買完野, 我地就搭車去咖啡灣, 初初果度真係幾多人, 因為霸唔到爐, 我地就要租爐, 不久租爐既地方已經full晒, 而我地因為買得少食物, 所以燒了大約2個幾鐘就燒完, 我地在燒烤途中也知道我地學校好多人嚟左咖啡灣~ 之後我地就出沙灘, 而奇景就係成個沙灘都有人搭爐, 半個沙灘被爐霸佔, 另外半個則佈滿點蠟燭的人, 好不熱鬧, 其實我真係未見過沙灘可以有咁多人, 據我統計, 全個咖啡灣有超過300個爐使用中(包括搭爐), 而喺咖啡灣既人更可能高達幾千人~ 太恐怖啦!!! 我地玩蠟燭, 玩水, 聊天...... 好開心呀!!! 而我地又勁叫, 又傻企沙灘唔郁~ 玩到大約11:00PM, 因為某些原因, 我地有D人必須留低通頂, 這令我有一種失而復得的感覺, 因為最初最初時講過通頂, 我打電話俾阿南, 結果佢真係出嚟, 雖然走了好多friend, 但我地一共5個人, 咩野都玩~ 呢次亦都係我咁大個仔第一次玩通宵~ 不過我一D都唔眼訓, 後來因為太多人和太多垃圾的關係, 我地轉了3次地盤~ 而一度排半小時才入得的女廁到凌晨3點都仲要排隊, 計埋計埋, 我地好似玩左Killer超過2個幾鐘, 而玩鋤大2同UNO都有成個幾鐘, 其實係咪太傻呢??? 而玩蠟燭呢? 我地一路都玩緊~ 我真係超級無敵開心, 因為可以同friend一齊玩ma~ 我發覺, 原來訓沙灘同望天真係幾好好feel架~ 玩到第二朝7點幾, 我地先走, 我地亦係最遲一批離開的人, 之後我地返荃灣食早餐, 之後我就做左一件食完早餐之後唔會做既野----沖涼訓覺~ 我訓到六點, 之後又要去阿婆屋企做節食飯lu~
不過因為去燒烤當日適逢PE堂要跑9分鐘, 放學食飯後又只有1個鐘空檔時間, 根本沒有休息, 又要通頂, 冇訓過,
所以D手腳關節好累好痛......~ 咦, 點解呢次日記咁長既!!! 好啦, 夠啦...... 祝大家快快樂樂啦!!!
3/10/2002
歌名: 我的日記 主唱: 林一峰(男版) 吳佩賢(女版)
翻開我的日記 晴天陰天都有著你
一些是我念記 晴天陰天都很美
當中有我共你 開心傷心也會記起
當天世界很美 這般生活像遊戲
2月14 與你到公園嬉戲
12月4 天氣涼了我抱著你
你說給我你的小手 我們逛逛半個地球
從早到晚都擁有 但還是覺愛得不夠
然後又到處走走 無方向永遠沒盡頭
從早到晚都擁有 但還是覺愛得不夠
日記使我永遠掛念你
我覺得其實呢
首歌歌詞都幾應該放喺呢度,
除左因為首歌幾好feel同埋歌詞好正之外, 我呢幾版光感專集亦可以叫"我的日記"ma!!! 不過大家唔好將林一峰同林峰撈亂, 佢地完全唔同架~
我今日加左一版"唯一的承諾", 因為無論我點變都好, 呢個承諾對我都好重要~
呢幾日比起上個禮拜就冇咁悶, 因為返學都返慣左, 星期二仲有呢個國慶煙花匯演, 我當然有出街啦~ 果日都算開心!!!
我仲有野想講, 究竟好唔好將呢個網既網址放在我info上面呢??? 因為呢個網有D野唔係幾出得街, 而家暫時都係由我send message俾D
friend嚟上, 同埋我起初整呢個網時我係諗住將自己部分祕密同埋一D回憶放上去, 而且我電腦又唔係幾好, 其實冇諗過特登俾人睇,
所以而家呢個問題值得考究......
本期精選:
↑頁首↑
巴士區:
主頁
葵青區搭車指南
荃葵青巴士路線資料
八達通轉乘計劃
感光區:
主頁
光感集
千熊屋
靈感盒子
香港燒烤熱點
想吾相
共同區:
網站主頁
關於本網
阿光資料
連結網站
留言板 / 即時問路
(June-2004) Kwong's Terminal
Version 4
清新．是我們的感覺！
<光感集．第2集> A Division Of 阿光總站.
Copyright © 2001-2007 阿光總站. All Rights Reserved.