Home | Poetry Menu Page | Previous Poem | Next Poem
Hamare Nanhe Kadam (Hindi)
samay
ki ret pe
chale jaa rahein hain
hamaare nanhe kadam.
zindagi ki aandhi mein,
apne mit te chinhon ko
dekhkar hanste hue.
kadam kadam par agle kadam
ke baare mein sochte hue,
chale jaa rahe hain,
hamaare nanhe kadam.
nanhe kadmon se,
lambe raaste saadhte hue,
apni akanksha taaron pe lagaate hue.
Zindagi ke agle mod ke,
intezaar mein zindagi sambhaalte hue,
yahi hai woh nanhe kadam.
kuch nanhe kadam, kuch lambe raaste,
kuch toote hausle, kuch buland eraade.
buland eraadon se sadhte lambe raaste,
taaron ko haasil karte,
hamaare yahi chhote se,
nanhe kadam.
-B. H. Acharya
01/07/2002, 18.56 hrs