Roland Zoss

Zersch nähm' mer Manhatten

Sie hei mi verdammt zu zwänzg Jahr Läärlouf
wüll i ihres Syschtem heig knackt vo inn
u jitze, jitz chumen i wie ne Werwolf:
Zersch nähm' mer Manhattan - u nächhär Bärn

I lose uf d' Signal us der Galaxis
uf d' Narbe won i trage uf der Stirn
losen uf d Musig vo de Waffe
nach em Singe vor Himne chunnt d' Praxis:
Zersch nähm' mer Manhattan - u nächhär nähme mer Bärn

(Refrain:)
Am liebschte, ehrlech, wett i bi dir blybe
I ha di so wie d redsch, wie di bewegsch ganz eifach gärn
Aber lue dert uss ir Nacht, das Liecht bim Tower
es gyt e Chraft, wo di rüeft und i weiss, i weiss, i muess di la gah

Iu, du wo mi gliebt hesch als Verlüürer
hesch Schiss, jitz won i strahle wie ne Stärn
I lah mi nid la choufe vom Guld i dyne Häng
I bätte jedi Nacht, i tät dä Job so gärn:
Zersch nähm' mer Manhattan - u nächhär Bärn

I stah nid uf dene Droge, wo di tröschte
i stah nid uf dy gstylte Business-Man
nach allem wo passiert isch mit myre Schwöschter:
Zersch nähm' mer Manhattan - u nächhär nähme mer Bärn

Refrain

I wett mi no bedanke für die Gschänkli, die aparte
für e Plüschaff u d Plastig-Gyge zum Geburi färn
I üebe Tag u Nacht, ma fasch nümm warte:
Zersch nähm' mer Manhattan - u nächhär nähme mer Bärn

Oh weisch no wien i ha gläbt nüüt als für d Musig
Wien i ha gsunge i de Strasse zmitts im Glärm
Aber hütt isch äbe Zahltag u mänge, dä preicht's gruusig:
Zersch nähm' mer Manhattan - u nächhär nähme mer Bärn

Hansis Schlagerseiten