Anfangs woarst so siass, i woar vernoat in di
I hob da ollas 'kauft, obwohl i g'wusst hab, es is z'vü
Sogoar im Bett woast du bei mir, i hob da wirklich ollas 'geb'n
I woa so deppert, i kann des heut' nimmer verstehn.
Und jetzt bist baff, weust da 's a g'spüast,
dass mi des stört, wann du auf amoi so vü Haar' verlierst,
und dass du nimmer wischerln kannst, wohin du wü'st, des muaßt kapier'n
I wird' ab jetzt was dich betrifft an ganz an neich'n Ton aufziag'n.
Und jetzt kummst her, tua ja net dumm
Du machst kan Rührer, solang bis dass i wieder kumm
Des vüle Fress'n kannst vergess'n, i bleib hart
Da kannst a winseln, i bin jetzt nimmer blind vernoarrt.
Du rüahst dein Schweif nur wann i pfeif'
Du spü' di nur net, sonst passiert 's, dass i zu andern Mitteln greif'
Du host sogar in d' Wohnung g'schiss'n und drum horchst du jetzt ab heut
drauf, wann i pfeif', wann i dir pfeif', hey hey...
Was is jetzt passiert, vielleicht hätt' i net schimpf'n soll'n
Du host di ganz ins Eck verkrochen und nix fressn woll'n
Du bist ganz schlapp und hast an so besonder'n Glanz in deine Aug'n
I kanns net glaub'n, wia kann ma nur so ärmlich schaun?
Jessas na, wos is denn g'scheg'n?
Mei siasses Schatzerl, du i glaub', i hob wos überseh'n
Jetzt bin i sicher, du machst psychologisch ganz was Schlimmes durch
i hob a so a schlechtes G'wiss'n, dass i jetzt auf ollas horch'
drauf wann du pfeifst, dass i begreif'
dass i nach deiner Pfeif'n tanz bis in die Ewigkeit
I hab 's begriff'n, i bin eigentlich komplett vernoarrt in di
mei siasses Schatzerl, du bedeutest ma so vü.
Drum bitte pfeif', und rüahr dein Schweif
Es is ja direkt unverzeihlich, dass i des erst jetzt bergreif'
Du bist so hilflos und so kla, vielleicht kannst du mir no verzeih'n
I wea a ollas dafür tuan, damit mia zwa zusammenbleib'n.