Martha Müller-Grählert

Mine Heimat

Wo de Ostseewellen trecken an den Strand,
wo de gele Ginster bleuht in´n Dünensand,
wo de Möwen schriegen, grell in´t Stormgebrus,
da is mine Heimat, da bün ick tau Hus.

Well- und Wogenrunschen wir min Weigenlied,
un de hogen Dünen seg´n min Kinnertied
Seg'n uch mine Sehnsucht un min heit Begehr,
in de Welt tau fleigen öwer Land un Meer.

Woll het mi dat Leben dit Verlangen stillt,
het mi allens geben, wat min Herz erfüllt
Allens is verswunden, wat mi quält un drew
Hev nu Frieden funden, doch de Sehnsucht blew.

Sehnsucht na dat lütte, stille Inselland,
wo de Wellen trecken an den witten Strand,
wo de Möwen schriegen grell in´t Stormgebrus,
denn da is min Heimat, da bün ick tau Hus.

Hansis Schlagerseiten