Karl Berbuer

Heidewitzka, Herr Kapitän (Audio)

(Refräng:)
Heidewitzka, Herr Kapitän,
me'm Müllemer Böötche fahre mir su jän
Man kann su schön em Dunkle schunkele,
wenn üvver uns de Stääne funkele
Heidewitzka, Herr Kapitän,
me'm Müllemer Böötche fahre mir su jän.

Eemol em Johr dann weed en Scheffstour jemaht,
denn su en Faht hät keenen Baat
Eemol em Johr well man de Drachenfels sin
wo köme mir söns hin?
Liebchen adé, mir stechen he
me'm Müllemer Böötche endlich en See
Un wenn et ovends spät op Heim ahn dann jeht,
rofe mir voor luter Freud:

Refräng

Volldampf voraus, et jeht de Rhing jetzt entlang,
met Sang un Klang, de Fesch wähde bang
Met hundert Knöddele*, dat litt klor ob d'r Hand,
wink uns et blaue Band
Süch ens d'r Schmitz, met singem Fitz,
die sin al jetz su voll wie en Spritz
Hä fällt dem Zijarettenböy öm de Hals,
brüllt met ener Stemm su voller Schmalz:

Refräng

Instrumental


Heidewitzka, Herr Kapitän,
me'm Müllemer Böötche fahre mir su jän.


*Das wage ich zu bezweifeln: 100 Knoten (180 km/h) von Köln-Mühlheim zum Drachenfels in Königswinter - also stromaufwärts! - schafft heute noch kein Motorboot, geschweige denn ein Ausflugsdampfer anno 1936 ;-)

Hansis Schlagerseiten