Kinners, och Kinners, hev ik mi freit op jau
Ik bün nu soveel ünnerwegens ween
Glööv mi man, de Tied vergeiht so gau.
Wenn mi en froogt, wo't an schönsten weer,
denn sech' ik jümmer: Oh, dat weid ik nich mehr
Åk wennet logen is, ik hev doch jümmer wüst, wo ik ee'nlich hengehör'
Ik hev al sopen in Kiel, harr in Leck lange wiel,
de Probstei mookt mi jümmer ganz high.
Ik hev sogår mål 'n Pries afhoolt, ut Kappeln an'ne Schlei.
Ik hev mien Auto sülvst schoben, dåmåls dörch Bremerhåvn,
un dårbi hebb' se mi sogår blitzt.
Ik hev mi jümmer freit, wennet terüch når Hambuich geit.
Kinners, och Kinners, is nich so, dat mi wat fehlt
Åver nachts alleen sünd miene Fööt so kåld,
de Falten liggt deep, un ik föhl mi so åld.
Hölpt dor nu'n Kind, oder kööp ik mi'n Hund?
Blots för mien Bindegewebe is so'n Kind nich gesund.
Wat ik würklich bruuk un wat mi hölpen deid,
dat is de Wind, de hier boven noch weiht.
Ik harr't op Sylt jümmer hilt, stünn in Niebüll inne Küll
un in Gelting dår hev ik al dreiht
Hev op St. Pauli de Nutten seh'n, un bün mit 100 dör Husum neiht.
Ik hev sogar'n Vedrach mit 'm Quickborn-Verlach,
un in Aurich dår hev ik mål blarrt
Oh, ik hev mi jümmer freit, wennet terüch når Hambuich geit.
Instrumental
Wie mi dat freit, wenn dat düchdich weihd,
wenn man löppt warrd de Kopp richtich klår.
Un wenn du denn in de Nordsee speest,
Du, denn warrt allens, wat du di wünschen deis wåhr.
Du, denn is Plön sogar schön, sünd ji in Plön amål ween
Wenn de Wind dår so richtich dör weiht
Oh, ik hev mi jümmer freit, oh, wenn de Wind, de Wind vun Hambuich weiht,
oh... wenn de Wind vun Hambuich weiht!