|
Sen
embargo, o sistema climático depende de múltiples variables, e, polo
tanto, para elaborar unha predicción do clima é necesaria a utilización
de modelos de clima global; son formulacións matemáticas que integran os
procesos que compoñen o sistema climático (atmosfera, hidrosfera,
criosfera, biosfera e xeosfera) mediante parámetros de validez limitada.
A resposta do sistema climático a unha perturbación calquera pon en
marcha unha serie de interaccións que tanto poden acentuar a
perturbación como atenuala. A organización meteorolóxica mundial (OMM)
e o Programa das Nacións Unidas para o Medio Ambiente (PNUMA) crearon en
1988 un Panel Intergubernamental para o Cambio Climático (IPCC) co fin de
considerar, sobre bases científicas, a posible evolución do clima en
relación co efecto invernadoiro, avaliar o impacto do cambio climático e
propoñer estratexias para xestionar este cambio. Dacordo coas últimas
avaliacións realizadas, de continuar a situación actual, o aumento da
concentración do dióxido de carbono e dos outros gases invernadoiro na
atmosfera, provoca un incremento da enerxía recibida pola superficie
terrestre (proceso chamado “activación radiativa”) que levaría
consigo os seguintes efectos: • Incremento da temperatura media do
planeta entre 1 e 3,5 graos centígrados, acompañado da fusión dunha
maior cantidade de xeo polar e unha elevación do nivel do mar, que
conlevará graves riscos para as poboacións asentadas en illas e zonas
costeiras. Será unha manifestación máis do cambio climático que
provocará alteracións nas precipitacións, ventos, circulación
atmosférica e humidade do solo. • Efectos sobre o ciclo da auga no noso
planeta, que dará lugar a unha maior frecuencia de inundacións e secas
severas nalgunhas rexións e cambios climáticos locais o que provocaría
un posible avance dos desertos (veríase afectada a Península Ibérica) e
cambios nos ecosistemas, variando a composición e distribución
xeográfica de moitos deles. A aceleración destes fenómenos pola acción
do home, obríganos a tomar unha serie de medidas:
1. Reducción das
emisións de CO2 e doutros gases invernadoiro.
2. Desenvolvemento
das enerxías renovables, especialmente a eólica e a solar, e de
programas de aforro enerxético, así como o aproveitamento da calor dos
gases e vapores das industrias.
3. Política de
reforestación que debe ter en conta os Convenios de Biodiversidade e de
Desertificación. Freo ás actuais talas de bosques tropicais. Control dos
incendios forestais.
4. Imposición de
taxas e impostos de emisión ás industrias contaminantes.
5. Mellora do
transporte público e do ferrocarril convencional. |
