JEANNIE: Dinnae look noo - but ye'll nivver guess wha's jist waltzed in the door !
MAGGIE: Wha?
JEANNIE: Ah'm surprised she's goat the brass neck tae come here amongst decent folk.
MAGGIE : (Exasperated) WHA ?
JEANNIE: Ah'm no even shair ah kin bring masel' tae gie hur a name.
(TAKES DEEP BREATH) It's that wumman !!
MAGGIE: Maybe she's sorry and wants forgiven.?
JEANNIE : Sorry ????
MAGGIE: Whit's she done that's sae terrible ?
JEANNIE: Ah kin hardly believe ma ears - ye mean ye dinnae ken ?
(LOOKS ROUND THEN WHISPERS) Weel ,she***** and THEN she
**********
MAGGIE: Nivver !!
JEANNIE : All true..
MAGGIE: At least she's sittin' oan the ither side o' the kirk - oot o' folks' sicht.
JEANNIE: No faur enough then -ach Maggie, let's face it. Folk like us are few and faur
between.Hoo mony wumman dae ye ken wha kin say they're doon oan thur
knees in the kirk fower days a week?
MAGGIE: Aye, an' hoo mony could say they wur foonder members o' the KEEP
ST.SERF'S CLEAN campaign?
JEANNIE: Standards Maggie...Standards huv tae be kept.
Wi'oot them whaur wid it lead .....amnesty!
MAGGIE: Ye ken,Jeannie,ye've a guid mind...
JEANNIE: Aye,ah've a guid mind tae ask the beadle tae fling her oot !
MAGGIE: Jeannie !!!!!! Dinnae be like that!
She seems awfu' upset aboot somethin'.Ye cannae be shair she's no sittin' there
beggin' fur God's forgiveness!
JEANNIE: Ah'm...weel maybe ye're richt enough.
Ah'm jist glad ah dinnae need that much forgivin'.
....Maggie,you an' I are whit this kirk needs.Guid, upstandin' folk wha tak thur
religious responsibilities seriously.
MAGGIE : Twa pillars o' the Kirk, Jeannie.
JEANNIE: Wi'oot us ,the place wud collapse roonabout thur ears,Maggie.
No' that we're appreciated mind!
MAGGIE: Weel,it's the burden we huv tae bear!
JEANNIE: When ah think aboot it - ah gave up fame and fortune fur God an' this Kirk.
MAGGIE: Ah dinnae mind o' that!
JEANNIE: Och aye! Ah hud offers fae the West End, Broadway, Holloway...ah could've been really famous !
MAGGIE: Whit happened ?
JEANNIE: Ye huv tae remember,when ye've goat folk dependin' oan ye tae set an
example ,ye cannae jist rin aff tae dens o' iniquity.
MAGGIE: Shame tho'. Ye wid've enjoyed it !
JEANNIE: Ach weel,sich is life!
MAGGIE : God must be gey glad he's goat you!
JEANNIE: Ah'm shair he must,Maggie (WITH AS MUCH HUMILITY AS
SHE CAN MUSTER)
MAGGIE: Aboot time! That's us startin'
(STAND)
again at Easter