daayam
pa.Daa huaa tere dar par nahii.n huu.N mai.n
Khaak aisii zindagii pe ke paththar nahii.n huu.N mai.n
[daayam=forever]
kyuu.N gardish-e-mudaam se ghabaraa na jaaye dil
insaan huu.N, pyaalaa-o-saaGar nahii.n huu.N mai.n
[gardish=bad time/luck; mudaam=always]
yaarab! zamaanaa mujh ko miTaataa hai kis liye
lauh-e-jahaa.N pe harf-e-mukarrar nahii.n huu.N mai.n
[harf=alphabet; mukarrar=again]
had chaahiye sazaa me.n uquubat ke waaste
aaKhir gunaahagaar huu.N, kaafir nahii.n huu.N mai.n
[uqoobat=pain]
kis waaste aziiz nahii.n jaanate mujhe
laal-o-zumaruud-o-zar-o-gauhar nahii.n huu.N mai.n
[laal=ruby; zumuruud=emerald; zar=gold; gauhar=pearl]
rakhate ho tum qadam merii aa.Nkho.n se kyuu.n dareG
rutabe me.n mahr-o-maah se kamatar nahii.n huu.N mai.n
[dareG=concealed, mahr=sun, maah=moon]
karate ho mujhako manaa-e-qadam_bos kis liye
kyaa aasmaa.N ke bhii baraabar nahii.n huu.N mai.n
[bosa=kiss]
'Ghalib' wazifaa_Khwaar ho, do shaah ko duaa
wo din gaye ki kahate the "naukar nahii.n huu.N mai.n"
[wazifaa_Khwaar=pensioner]
!!!!!!!!!!!!!!!!!!!!!!!!
dam-e-subah bazm-e-Khush jahaa.N shab-e-Gam se kam na thii meharabaa.N
ki chiraaG thaa so to duud thaa jo pata.ng thaa so Gubaar thaa
[dam-e-subah=beginning of dawn; bazm-e-Khush=happy crowd; duud=smoke]
dil-e-Khastaa jo lahuu ho gayaa to bhalaa huaa ki kahaa.N talak
kabhii soz-e-siinaa se daaG thaa kabhuu dard-o-Gam se fiGaar thaa
[dil-e-Khastaa=wounded heart; fiGaar=injured]
dil-e-muzatarib se guzar gaii shab-e-wasl apanii hii fikr me.n
na dimaaG thaa na faraaG thaa na shakeb thaa na qaraar thaa
[shakeb=comfort]
ye tumhaarii in dino.n dostaa.N mizhGaa.N jis ke Gam me.n hai Khuu.N-chakaa.N
wahii aafat-e-dil-e-aashiqaa.N kisu waqt hamase bhii yaar thaa
[mizhGaa.N=eyelashes; Khuu.N-chakaa.N=bloodshot]
kabhuu jaayegii udhar sabaa to ye kahiyo us se ki bewafaa
magar ek "Meer"-e-shikastaa-paa tere baaG-e-taazaa me.n Khaar
thaa
[shikastaa-paa=feeble footed; Khaar=thorn]
NEXT |