Dar
ke kisii se chhup jaataa hai jaise saa.Np Khazaane me.n
zar ke zor se zindaa hai.n sab Khaak ke is viiraane me.n
[zar = gold]
jaise rasm adaa karate ho.n
shaharo.n kii aabaadii me.n
subah ko ghar se duur nikal kar shaam ko vaapis aane me.n
[rasm = custom/tradition;
vaapis = return]
niile rang me.n Duubii aa.Nkhe.n
khulii pa.Dii thii.n sabze par
aks pa.Daa thaa aasmaan kaa shaayad is paimaane me.n
[sabze = green grass/field;
aks = reflection]
dil kuchh aur bhii sard
huaa hai shaam-e-shahar kii raunaq me.n
kitanii ziyaa be-suud ga_ii hai shiishe ke lafz jalaane me.n
[raunaq = light/brightness;
ziyaa = light; be-suud = futile]
mai.n to 'Munir' aa_iine
me.n Khud ko tak kar hairaan huaa
ye cheharaa kuchh aur tarah thaa pahale kisii zamaane me.n
!!!!!!!!!!!!!!!!!!
Dar to mujhe kiskaa hai ke mai.n kuchh nahii.n kahataa
par haal ye afshaa.N hai ke mai.n kuchh nahii.n kahataa
naaseh ye gilaa hai ke mai.n kuchh nahii.n kahataa
tuu kab merii sunataa hai ke mai.n kuchh nahii.n kahataa
kuchh Gair se ho.nTho.n me.n kahe hai pe jo puuchho
to vahii.n mukarataa hai ke mai.n kuchh nahii.n kahataa
naaseh ko jo chaahuu.N to abhii Thiik banaa duu.N
par Khauf Khudaa kaa hai ke mai.n kuchh nahii.n kahataa
chupake se tere milane kaa ghar vaalo.n me.n tere
is vaaste charchaa hai ke mai.n kuchh nahii.n kahataa
ai chaaraagaro qabil-e-daramaa.N nahii.n ye dard
varnaa mujhe saudaa hai ke mai.n kuchh nahii.n kahataa
har vaqt hai dushnaam har ek baat pe taanaa
phir is pe bhii kahataa hai ke mai.n kuchh nahii.n kahataa
"Momin" baa-Khudaa sihar bayaanii kaa jabhii tak
har ek ko daavaa hai ke mai.n kuchh nahii.n kahataa
NEXT |